تعلم كيف تفكر كالعباقرة :: 7 خطوات

[Palestinian Edison]

بســـــــم الله الرحمن الرحيــــــــــم

قرأت موضوع حلو كتيرو حابب اشاركم فيه

المشكله انه المواقع اللي بحبها كلها انجليزي عشان هيك رح اترجملكم اللي قرأته بلغة عربية عامية سلهة

كـــيـــــــف تفكـــــــــر كعبقـــــــــري ؟!

1 ) انظر للمشكلة او الظاهرة من اكثر من جهة :

يعني حاول اتلاعب في شكل الظاهرة او المشكلة اللي لاحظتها و غيرها بكثر من زاوية حتى تطلع بافكار جديدة - لانه العباقرة مثل تومس ادسون و اينشتاين دايما ببحثوا عن شي جديد و غريبو الناس ما بتعرفه - مش صعب انك تفكر متلهم او انك تقلد تفكيرهم - اللي بميزهم انهم دايما بفكروا بشي جديد و ما بحاولوا يقلدوا غيرهم او يعيدوا اختراع العجلة كمان مرة Don't reinvent the wheel

النظر للمشكلة من عدة زوايا و بدون تحيز بخلي الواحد يطلع بافكار جديدة و غريبة احيانا - و مين عارف ممكن تتوصل لدحض نظرية او مسلمة معروفة منذ زمن

اعطيكم مثال من الحياة و هدا مثال من عندي - مثلا لو صاحبك طلب منك موبايلك و رجعلك اياه - و لاحظت انه الموبايل بطيء او خرب او صار فيه اي شي - ما تحصر تفكيرك بزاوية واحده و هو انه صاحبك عمل فيه شي و خربه - دايما لف المشكلة او اي ظاهرة باكتر من زاوية و حاول حلل كل زاوية على حدا بدون ما تخلي العاطفة او اي تأثير خارجي يأثر فيك - بس مش تعمل زي الزعران و تروح تلبسها لصاحبك

2 ) مثل و جسد الظاهرة او المشكلة بطريقة مرئية :

اينشتاين كان لما تواجهه ظاهرة او سؤال معين - دايما كان يمسك قلم و يرسم - اسهم على جداول على اشكال غريبة على خرايط - -- لانه كان يؤمن انه الأحرف و الأرقام صعبة الفهم لانها جامدة و الحل انك تعملها متحركة اماك بطريقة رسم او اشارات

و على فكرة هاي طريقة كتير حلوة انا بستخدمها في الدراسة لانها فعلا بترسملك المشكلة او السؤال براسك بطريقة سهلة و صعبة النسيان - و بتخليك كمان تعرف كيف تحل المشكلة - و من اي زاوية تدخللها
اتزكر انك مش مصطفى و لا ابراهيم و لا محمود - انتا هلأ بتفكر زي اينشتاين


3 ) انتيج و ما تتوقف !!

توماس اديسون عنده 1093 براءة اختراع و يعتبر رقم قياسي ....

دايما فكر كيف تنتج و تكون مؤثر في المجتمع و مش المجتمع يأثر فيك - يعني مش عشان فلان بعمل هيك ازن هدا صح - دايما خلي لنفسك ستايلك الخاص و حسس المجتمع بقيمتك و بانك عندك القدرة على الأبداع و انتاج شي جديد

حتى لو ما نجحت مرة او مرتين او حتى 1000 مرة - ما تيأس لانه كل مرة بتخطأ انتا فعليا بتتعلم شي جديد - و في مقولة حلوة لأديسون : " انا لم افشل - انا فعليا اكتشفت 10000 طريقة لا تنجح و لا تفيد لتأدية الغرض المطلوب "

اعرف توجهاتك بشكل صحيح و شو الشي اللي بتحبه و بتحس ميولك رايح اله اكتر شي - و تعلمه و ابدع فيه و ما تكون اتكالي على غيرك او كسول زي 3\4 الشعب

4 ) اخلق علاقات و ارتباطات غريبة و بين امور غير متشابهة

علم الوراثة جاء نتيجة دمج علم الأحياء البيولوجيا بعلم الرياضيات ماثماتكس

تركيبة غريبة بس اعطت علم جديد و مجال واسع - دايما حاول اوجد علاقات بين امور منفصلة بالشكل لكنها متحدة بالمضمون و الجوهر - هدا الاندماج هو التغيير هو الأبداع

ارسطو عرف الانسان الذكي بانه الشخص اللي ممكن يجد علاقة بين متناقضات او امور غير متشابهة على الأطلاق

5 ) جهز نفسك للمفاجآت

كتير اختراعات اكتشفها علماء ما كانوا اصلا مفكرين فيها - بس جاءت بالصدفة اثناء عملهم - يعني مثلا اللي اكتشف البنسلين اللي هو اشهر مضاد حيوي ضد البكتيريا - كان اصلا عم بدرس نوع من البكتيريا و كان زارعها - وقعت منه قطعة خبزة على صحن الزراعة - تاني يوم لاحظ انه جزء كبير من البكتيريا ما نمى حولين القطعة - و هون ظهر الذكاء - لانه سأل نفسه ليش ؟ ؟ ؟ - لو حد تاني كان رماها و سب عليها - بس لانه الكسندر فلمنج انسان ذكي - لمح ظاهرة غريبة و مشكلة جديدة ما كان اصلا مجهزلها و صنع منها اكتشاف انه الخبزة فيها فطر و هو اللي اوقف نمو البكتيريا - بعدين طبعا عرف انه مادة سماها بنسلين بفرزها الفطر بتقتل البكتيريا بدون ما تأثر على الأنسان

كتير هي المفاجآت اللي بتصنع اكتشافات

6 ) الصبر

كتير في علماء و مفكرين لكن معظمهم ازا مش اغلبهم فاشلين و ما في الهم تأثير لانهم ببساطة مش صبورين - يعني الواحد بده كلشي يصير بسرعة و بدون ما يتعب او يفكر اكتر - مقولة امير المخترعين و المكتشفين توماس اديسون " 1 % من الذكاء يأتي بالالهام و 99 % يأتي من التعب و العرق " - ازا ما تعبت و حاولت مرة و مرتين و تلاته و الف مرة - ما تتأمل انك تحفر اسمك في قائمة العباقرة و ما تتأمل انك رح اتضيف للمجتمع يوم من الأيام شي - بالعكس- ازا انتا كسول و غير مبالي و ما في عندك صبر - جهز نفسك لمزبلة التاريخ اللي ما بذكرهم احد فيها -

ملايين جاؤوا للددنيا و خرجوا منها بدون حتى انهم يذكروا او حد يلاحظ وجودهم او تأثيرهم



7 ) تمرن على التفكير - تدرب اكثر - تعلم بشغف


شكرا على حسن الأستماع

سلام

[صدى الحب]

الله يعطيك العافية ع النصائح الحلوة

نشالله بنصير عباقرة

ما ننحرم

[إبن الخليل]

والله يا اخي أنك زؤؤؤؤؤؤؤؤؤؤؤ
على النصائح الجميله
مشكوررررررررررررر