شباب فلسطين

اجمل احساس · 02-25-2009, 10:47 AM

كيف تطفشي عريس اهلك بدهم اياه ؟!!!

و الشباب اسمعوا للاخر عشان في اشياء بتهمكم:

بسم الله نبدأ الخطة سوا:

1- لا تظهري لاهلك عدم الرضا ... (عشان تعرفي تكملي الخطة)

2- اهم اشي بالخطة من يوم ما تسمعي بالعريس لحد ما ييجي اوعي تتحممي ..

خلي الريحة الحلوة تطلع ...تنسيش تفرمي بصل كتير واذا في ثومة خيييير و بركة ..
طبعا (انتي عم بتساعدي ماما ما حد رح يحكي معك)

3- طبعا اليوم اهل العريس بدهم ييجو يشوفو (قمر الزمان) عشان هيك قمر الزمان لازم تضل نايمة
لقبل الموعد بساعة (عشان وجهها يتريح وما يبين انه تعبان) وهيك بتكوني ضيعتي على اهلك فرصة
انهم يكشفوكي.

4-اهل العريس (ابو الشباب) اجو... سلمي على امو بكل برود ... واعملي حالك قرفانة و شايفة حالك

بعدها اسحبي حالك على غرفتك ... (عشان بدك تز بطي حالك ولو ... )

و يلا نعرف خطوات احلى ميك
أب لهيك مناسبة :

*الكحلة : الكحلة جميلة جدا على العيون ... اتكحلي ... بس خلي الكحلة بعين اكتر من التانية..

وهيك بتضمني تكوني (حولة رسمي)

*كريم الاساس: ولوووو اكيد بدنا كريم اساس بس على الشفايف .. هيك ببين معك فقر دم

*الشادو : طبعا الشادو هو اللي بخبي البلاوي (وهو اللي ببين البلاوي ) الشادو الاسود على العيون

و ثقلييييييييه (ولوو مش هيك الموديل و الدليل اليسا) مع شادو اصفر على وجهك بدل (البلاشر)

وهيييييييك ببين معك كوليرا ..
.. هههههههه

و لازم تلبسي احلى موديل : تنورة خضرا (لون الخير ) و بلوزة حمرا (لون الحب) و البسي شالة

من سنة الف و تسعمية و ستة وخمسين خشبة و البابوج من العصر الحجري... تححححححفة

5- روحي عالمطبخ عشان توخدي القهوة ... بس اوعك امك تنتبه عالخبايص..

6- امشي بكل ثقة الى غرفة الضيوف ...(كل ما تكون ثقتك بنفسك اكتر بتبيني انك خبيرة
بهالامور)... وهيك .... ببلش الفار يلعب بعب ابو العريس ... وبصير يسأل حاله:
مدامها خبيرة هيك ليش اللي قبلنا
طفشو؟!!

(بس الفار بعب الابو ما بكفي ... لازم يكزدرلو شوي بعب العريس ابو الشباب) ههههاي

امسكي القهوة ... اتفرجي بعيونه (واحولي عينيكي)... المسكين بكون وقع في الصدمة(من اول نظرة)

هو طبعا من شدة الصدمة رح ينسى القهوة... ذكريه وقوليله: " اي خلثنا يا ذلمة طول" ههههه

(يا عيني عاللي بقرطو .... بس اوعي ابوكي ينتبه)

طبعا دشري الزلام يحكو بالمهم .... (لووووووووووول)
ارجعي لام العريس اللي بدها تشوف جمال شعرك

(هالمرة ما بدنا نعمل مقلب ... خليه حلو فش مشكلة ... سشوريه و اربطية بسسسسسسسس

اقعدي اهرشي و اهرشي و اهرشي قدامها ... تخيلي انه في حديقة حيوانات في راسك ...
ههههههههههههههههههههههههه مسكينة ام هالعريس

اذا نفذتي هالخطوات مية بالمية باكدلك ...رح تسمعي كلمة : " يا الله " ... وتسمعي صوت ابوكي
بحكي للجماعة " شرفتونا" ... لانه الضيوف بدهم (يفلسعو ) قبل ما ينبلو هيك بلوة منيلة ....

اه شو رايكم .... ؟؟؟

اما انت ايها الشاب

... فعشان ما يصير فيك هيك مقلب ...

قبل ما تفكر تتجوز او تخطب ... تاكد جيدا انه فيك هذه الصفات

(حسب مؤسسة المقاييس و المعايير الدولية للصبايا في زمن الفضائيات)

1- هيبة و جلال : سامي يوسف
2- رومانسية و جاذبية : (حبيب الصبايا) تامر حسني

3- طولك طول احمد عز واذا اطول خير و بركة.

4-ثقافة : جورج قرداحي

5- اناقة : نيشان ديرهورتنيان

6-عندك مواهب (طوني ابو جودة)

96:7- ضحكة وسنان : محمد حماقي ...(اموت واعرف شو المعجون اللي بيستعمله)

8-خفة دم : احمد حلمي ...

وتكون اعمى عن غيرها .. واطرش عن عمايلها... واخرس متسالهاش

والف مبروك عقبال عند العايزين

بنت النيل · 02-25-2009, 11:33 AM

والله الموضوع رووووووووووووووووووعه بجد بجد جمييييييل
بس أنا أعتقد إن لو طلعت بجمالي الطبيعي شور هيطفش لوحده
شكـــــــــــــرا يا أجمل إحساس

الحلوة · 02-25-2009, 11:36 AM

ههههههههههههههههههه هههههههههههههههههههه ههههههههههههه
ههههههههههه ههههههههههههههههههههههههههههههه
الله يسامحك بطني صار يوجعني ااااااخ
سمعتو يا شباب ما تتقدمو والا فيكو المواصفات هاي منعا للاحراج طبعا ؟؟؟؟؟
يسلمووووووووووو ايديكي اجمل عنجد ضحكتيني من قلبي

صدى الحب · 02-25-2009, 12:22 PM

هههههههههههههههههاااااي

فعلا موضوع روووعة

يسلموو حبيبتي

ابتسامة الحياة · 02-25-2009, 12:30 PM

ههههههههههههههههههههههههههههههههههه هه

همسة العشاق~ · 07-26-2009, 05:48 PM

ههههههههههههههههههههههههههههههههههه هههه

والله الواحد لو بدو الوحدة لو تدخللو بكيس زبالة

الا يضل بدو ياها
بس والله فكرة روعة

بنجربهاهههههههههههههههههههههههههههه ههه

PaLeSt!Ne SouL · 07-26-2009, 06:03 PM

تسلم ايديكي

بس الشروط االلي حاطاها للشباب ما بعرفهم كلهم الأشخاص

أبو يقين · 07-26-2009, 06:29 PM

هههههههههههه

حلوهـ هااااااااد

فلسطينيه ~ · 07-27-2009, 12:39 PM

الشباب ازا ما بتخالفو المواصفات ما رح تلاقو هيك شي

بس ازا خالفتوها وعملتو شي الع نازل

يا ويلكم ويل

يسمنووو لكاتبة الموضوع

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء