بدون تعليق

[صقر الاردن]

بسم الله الرحمن الرحيم


شباب كيفكم انشالله بخير انا الي زمان ما جبت مواضيع وحطيتها الكم لأحلى منتدى ليش صح .......


قبل ست أيام خلصت الإختبارات وعطلت بس لازم بعد هالإختبارات والنكد والضعط والمعاناه النفسيه اللي الواحد كان فيها الواحد يغير جو ويطلع من البيئه اللي هو فيها حتى ينتعش شوي

المهم

فكرنا مع الأهل بمكان حلو وكويس والواحد يغير جو فيه وينبسط ما لقينا الا مكان حلو وأنا من زمان كنت بحلم أجي عليه ......

هذا المكان هو أحسن مكان على سطح الأرض بدون أي منازع المكان اللي بدأ منه النور يصعد للبشر المكان اللي انطلق منه النور وعم العالم بأسره المكان اللي انطلق منه اول الأسلام ..........

اكيد عرفتوه ......

قررنا نروح عمره ونزور المدينه المنوره كمان .... فكانت فكره ممتازه والكل وافق

فجهزنا امورنا وكل شي وانطلقنا لمكه ......

طبعا رحله طويله وشاقه بس الواحد ما حس لا بتعب ولا بملل لإنه متشوق كثييييييييييييييييييير .......

وصلنا الميقات حتى نحرم للعمره طبعا شعور لا يصدق لما الواحد يلبس لبس الإحرام ......

طبعا وصلناه الميقات الساعه 3 صبح ووصلنا مكه وقت اذان الفجر فبسرعه رحنا على الحرم حتى نلحق الصلاه .....

الواحد لما يشوف الحرم اول مره مثلي بكون الو هيبه مكان طول عمرك بتشوفه على التلفزيون والصور والان هوا قدامك يا سلام والله شعور رائع

المهم صلينا وبعد الصلاه ادينا العمره بسرعه حتى نلحق نخلص قبل شروق الشمس لإنه الجو بكون حر موت طفنا الكعبه وسعينا بين الصفا والمروه وشربنا زمزم وبعدها حليت الإحرام قصيت كم شعره مع إنه المفضل الواحد يحلق كل شعره يعني يصير أقرع بس انا ما حبيت أقص شعري من زمان بربي فيه ما علينا المهم كان هناك اثناء العمره أزمه كثيفه خاصه السعي كان ازمه الواحد يمشي متر كل 5 دقايق

بعدها روحنا للفندق ونمنا لإنا كنا تعبانين بس أحلى تعب تعبته بحياتي لو أضللي اتعب هذا التعب في سبيل الله طول عمري ما بقول لأ

المهم معنا ضل يومين بمكه من ضمنهم الجمعه انا جيت على صلاه الجمعه بكير شوي يعني قبلها بساعتين حتى احجز محل وإحنا قاعدين بنستنا الأذان ولا قطه تمشي من قدامي بوسط الحرم من الداخل ولا هي خايفه او اشي قاعده بتتمختر على مهلها وبتمشي من بين الناس واحد واحد ولا هي حافليتنا طبعا قطط الحرم وبطلع الهم وبعدها بخمس دقائق تجي وحده ثانيه اتخيلو من نص الناس وداخل الحرم ولا ناس قال اشي سبحان الله حتى السكينه عند القطط , القطط متطمنه انها عند بيت الله وإنها بأحسن مكان ولا الحمام ( الطيور ) اللي خارج الحرم الناس تمشي من قدامه ولا هو خايف ولا طار حتى ماخذ راحته فسبحان الله

وخاصه الحجر الأسود الناس بتتقاتل عندو حتى تبوسه ازمه فضيعه جدا عنده بس الحمدلله انا قدرت المسه وأبوسه يعني قطعه من الجنه وأنا بستها والله شعور رائع

بعدها اتوجهنا للمدينه حتى نزور الحرم المدني ونزور قبر احسن واحد بالدنيا اللي نور النا طريق الحق اللي بذل كل ما يملك من طاقه حتى ينشر رساله ربه وأنا اشهد انه بلغ الرساله على اكمل وجه عليه الصلاه والسلام


وقبري الخليفتين الصديق والخطاب رضي الله عنهما اللذان تابعا منهج رسول الله عليه الصلاه والسلام

فإجيت وسلمت على الرسول صلى الله عليه وسلم و ابو بكر وعمر رضي الله عنهما

وجلست في الروضه الشريفه وصليت بها العصر, والظهر من اليوم اللذي بعده طبعا الروضه هي قطعه من الجنه حسب حديثه صلى الله عليه وسلم ما بين منبري روضه من رياض الجنه انشاءالله نكون بها مع بعض انشاء الله

وبعدها هههههههههه لم ننسى السوق اكثر من 3 ساعات ونحن نتسوق وهدايا ومن هالحكي بعدها ثاني يوم صلينا الظهر وتسهلنا على الديار بس الواحد كان قلبو يتقطع كل ما بعد متر عن هالديار المقدسه الله لا يحرم هذي الرحله لحدا قولو امين .................

والصلاه والسلام على سيدنا محمد وعلى اله وصحبه وسلم

[.. ليآل ~]

ماشاء الله

احلى رحله والله

الف مبروك العمره والله يجعلها مقبوله يارب

وان شاء الله بتعيدها

والمره الجايه بدك تدعيلنا وماتنسانا من الهدايا طبعا

الله يعطيك العافيه وشكرا كتير

[صقر الاردن]

انشالله اختي ليال

[ابتسامة الحياة]

بصراحه اخي
متعتني كتير وانا بقرأ بموضوعك
وبصراحه كمان غرت منك هههههههه
نفسي اروح هناك انا كمان
الله يتقبل منك اخي
وانشالله يا رب ربنا برزقك زيارتها كمان مره

[عيوني لفلسطين]

رحلة ولاارووووع منها واحلى احساس عنجد لما بتدخل للحرم اول مرة انا اول مادخلت صرت ابكي عنجد احساس كتييير حلو مشكووور اخي صقر الاردن وتقبل مروري

[الحلوة]

الف مبروك على العمره وحمدلله على سلامتك..
مافي احلى من هيك رحله الله يوعدنا فيها ..
وين الهدايا هههههه
يعطيك العافيه

[ام يزن]

الف مبارك على العمرة وعقبال عندنا
والحمدلله على سلامتكم

[روان فلسطين]

ان شاء الله ربنا يتقبل
وترى مو بس اول مره بتشوف الكعبه بتحس هيك
صدقتني كل مره بتزداد روووووووووعه
وان شاء الله ربي يطعمك الحج وبتشوف شو شعور انك تنظر للكعبه وقت ما تخلص اخر شوط بطواف الوداع
هداك شعور بحياتي ما شعرت ولا راح اشعر متلو بجد
واكيد لو شفت منى وطلعت صعيد عرفات راح تعرف شعور من نوع تاني
شعور انك حاسس انو انت والله وبس في الكون كلو ولا شي بالدنيا كلها بيهمك
بجد رجعتني لهديك الايام
المهم
ربنا يبارك الك بعمرتك ويتقبلها
وان شاء الله عقبال الحج يا رب
قريبا وعاجلا وليس اجلا
تقبل مروري

[صقر الاردن]

منورييييييييييييييييييييييييييييييي ين

وشكرا على الردوووود

وإنشاللله عقبال كل واحد فيكو ولا يحرمها الله لحدا

[حنين04]

نيالك عقبال عندي وعشان ما اكون أنانيه عقبال عند كل أعضاء المنتدى



آآآآآآآآآآآآآآآآآآآآآآآآآآآآآآآآمين يا رب