نبوءة

[زاهـــر]

نبوءة
إن تحت جنح الليل ما طش الخبر
أو تحت ظو الشمس ما طش الخبر
إن طش أو ما طش مش فارق معو
ما في رجال بتسمعو كلهم صور
طش الخبر بالليل ع عيون البشر
صار الخبر دمعات بتبكي الحجر
كرجت على خدودن مثل قطر الندى
لما بيسقي الصبح هامات الزهر
همي اللي كانوا من زمان مربطين
ومبرمجة صواتن على نفس الوتر
ملوا الحبل ملوا الحياة بلا أنين
صاروا يئنوا وقلعوا عيون الضجر
همي اللي كانوا ع الحلم متعودين
هزوا الحقيقة بكفهم وشدوا النظر
ما في حدا بيصبر على الذلة سنين
نحنا صبرنا بس مش كل العمر
جاي الغضب من قلب صمت الصابرين
ما وقف بوجهو حدا إلا انكسر
ربطوا حجر ع جوعن ومتحملين
بس الكرامة ما انربط فوقها حجر
شدد حصارك يا كلب مصر الأمين
شعبك تململ روح كتم ع الخبر
الله ما رح يحميك بسورة ياسين
وكثر الحراسة ما بتغني عن قدر
و إنتوا يا كل الساكتين ولاطيين
بلطوة أوباما وبوش من زخ المطر
شوفوا الشعب من تحتكم متدافعين
ورح يسحبوكم بالمذلة ع القبر
ورح يسحبوكم بالمذلة ع القبر
ورح يسحبوكم بالمذلة ع القبر

زاهر شيخ علون