شو رأيكم بهالمواقف

[اجمل احساس]

السلام عليكم و رحمة الله


أثناء الحرب على غزة كانت ردود فعل البعض كالآتي :

1- الحكومة المصرية بالبداية شمتت بالمقاومة و أبو الغيط حكى الحق عالمقاومة و كل واحد نقض التهدئة يتحمل النتائج
و هلأ بشددو على عدم تهريب السلاح ,, و رش غاز خانق بالأنفاق

و كمان تحقيق عنيف مع جرحى الحرب اللي عندهم حول أماكن المقاومين و أماكن تصنيع الصواريخ

=يخرب بيتها الحكومة المصرية=


2- موقف الضفاوية :
ولعو شموع و اكتفو بالتنديد مع انهم جنب المستوطنات و أعتقد بيئدروا يعملو اشي

3- موقف العرب :

عقدوا قمة خليجية و قمة تشاورية و قمة اقتصادية على هامشها أحوال غزة
و ما طلع منها إلا انهم قالو يجب إيقاف فوري لإطلاق النار

و بعد ما خلصت الحرب خلئة أصلاً

4- عباس ندد بشدة الحرب على غزة أول أيام إلها

5- السعودية و الإمارات و قطر و الكويت بس هم التزمو بالدفع لصندوق إعادة إعمار غزة

6- أشرف موقف:
الرئيس الفنزولي طرد السفير الإسرائيلي

7- مظاهرات حاشدة بشتى بقاع العالم

شو رأيكو يا جماعة بكل موقف ؟

[دموع الغربة واشواق العودة]

آآآآآآآآآآآآخ بس آآآآآآآآآآآآآآخ اول شي كل دولة غارت من التانية ليش قطر تعمل قمة ..انا كمان رح اعمل قمة ليش فلان عمل قمة انا مثلو ...مافي احد نيتو صادقة لغزة ..وفي ناس بدها تسكتنا بالفلوس ..ياسيدي احنا بدناش فلوس
ولا اشي رح يرجع ارواح الف شهيد ..شو عملت فلوسكم وبعد شو بعد ماراح منا الف مقابل 13 واحد ..دمنا مش رخيص لا والله دمنا مش رخيص لهدرجة ..احنا شو استفدنا من كم واحد طلع على الشاشة واعطانا رأيو بالمقاومة ولا اعطانا رأيو بالحرب احنا مش رح ينفعنا كلام احنا بدنا فعل عملو مؤتمرات وقمم بس هل طلعوا بنتيجة مفيدة قرار صارم
ابدا لتروح اسرائيل تزعل ياستي كلها مؤامرة ومؤامرة كبيرة كمان وتلاقي نصهم اخدوا ملاين من امريكا واسرائيل من ورا هالمطمطة ..غزة مش اول ولا آخر مجزرة رح تصير ولسا مستنيها كتيييييييير من غدر وخيانة وحقد الصمت الي صاير مش طبيعي ..في عرب كانو بيتمنوا زوال فلسطين بلكي هيك ارتاحوا منا ومن بلوينا اصلا المشاكل يالحرام جاية من ورانا بس والله لو صاير عندهم لسمعتي ولولة رجالهم من ابعد مكان بالعالم ولأخدوا طيارة على ابعد مكان يمكن المريخ وابعد كمان ...المشكلة احنا المسكرين على تمنا ...اما عن رئيس فنزويلا والله انو اشرف من اي واحد عربي مع انو كافر بس عمل عمل مشرف ما خاف من غضب احد اما احنا والله ياحيف على العرب لهون وصل الحد معهم
والله كنت شاكة لتروح مصر تقطع علاقتها بفانزويلا علشانها زعلت حبيب القلب الغالي اولمرت ..شو بدي احكي لأحكي
هاي دوامة وقريبا رح نوقع فينا كلنا واحد واحد ..سامحيني طولت عليكي بس والله انفجرت الله يخليكي يارب دايما مواضيعك روووووووعة ماننحرم منك يارب

[صدى الحب]

2- موقف الضفاوية :
ولعو شموع و اكتفو بالتنديد مع انهم جنب المستوطنات و أعتقد بيئدروا يعملو اشي

يعني فكرك شو بطلع بأيد الشعب غير المظاهرات والاحتجاجات ما احنا محاصرين متل اهل غزة وزيادة يعني بمجرد ما بدك تروح من الخليل ع رام الله بدك تمر عن مية محسوم ونقطة تفتيش ازا مش اكتر وفي سلطة بتحكمنا وبتتحكم فينا واي تصرف ما بيعجب السلطة على طول توقيع معاهدات وسجون وبهدلة وازا ما قدرنا نضامن بالصواريخ والمقاومة بنكون اضامنا بالدعاء اللي مالي قلوبنا ليل ونهار الكم ..

سلامو