هل تعرفون حنظلة ....

[جاآرة الوادي’’]

عزيزي القارئ اسمح لي ان اقدم لك نفسي .. انا وأعوذ بالله من كلمة أنا ..
اسمي : حنظلة ، اسم أبي مش ضروري ، امي .. اسمها نكبة وأختي الصغيرة فاطمة ..
نمرة رجلي :ما بعرف لاني دايماًً حافي ..
تاريخ الولادة : ولدت في (5 حزيران 67)
جنسيتي: انا مش فلسطيني مش أردني مش كويتي مش لبناني مش مصري مش حدا .. الخ ،باختصار معيش هوية ولا ناوي اتجنس .. محسوبك انسان عربي وبس ..

التقيت بالصدفة بالرسام ناجي .... كاره فنه لانه مش عارف يرسم .. وشرحلي السبب .. وكيف كل ما رسم عن بلد .. السفارة بتحتج ..الارشاد والانباء ( الرقابة) بتنذر ..
قلي الناس كلها اوادم .. صاروا ملايكة .. وآل ما في أحسن من هيك .. وبهالحالة .. بدي ارسم بدي اعيش .. وناوي يشوف شغلة غير هالشغلة ..
قلتله انت شخص جبان وبتهرب من المعركة .. وقسيت عليه بالكلام ، وبعدما طيبت خاطرو .. وعرفتو على نفسي واني انسان عربي واعي بعرف كل اللغات وبحكي كل اللهجات معاشر كل الناس المليح والعاطل والادمي والازعر .. كل الانواع .. اللي بيشتغلوا مزبوط واللي هيك وهيك .. وقلتله اني مستعد ارسم عنه الكاريكاتير . كل يوم وفهمته اني ما بخاف من حدا غير من الله واللي بدوا يزعل يروح يبلط البحر .. وقلتلو عن اللي بيفكروا بالكنديشن والسيارة وشو يطبخوا اكتر من مابفكروا بفلسطين ..

وياعزيزي القارئ .. انا اسف لاني طولت عليك .. وما تظن اني قلتلك هالشي عشان اعبي هالمساحة .. واني بالاصالة عن نفسي وبالنيابة عن صديقي الرسام اشكرك على طول .. وبس ..


التوقيع (حنظلة)

[صدى الحب]

يسلمو انجل
موضوع حلو وطريقة العرض اعجبتني
ما ننحرم

[جاآرة الوادي’’]

تسلمي حبيبتي صدى ماننحرم من تواجدك في مواضيعي
نورتي
سلامووووووووووووو

[صانع القادة]

يسلموا على الكلمات الرائعة والله

الله يعطيكي العافية
ومشكورة اكثير انجل

[دمعة طفلة]

يسلموووووووووووو
اعجبني الموضوع

[جاآرة الوادي’’]

يسلمو كتيييييييير صانع القادة نورت والله ما ننحرم من طلتك المميزة
يسلمو كتيييييييير دمعه طفلة ما ننحرم منك يا زوء نورتي والله

[روان فلسطين]

يسلمو انجل
والله طرح رااااااااااااائع
والله ما في زيو ناجي العلي
وحنظله رووووعه بس يا حسره مين الي يعرفو

[جاآرة الوادي’’]

يسلمو كتير روان نورتي بمرورك الرائع متلك
ماننحرم يا زووووووووء
سلااااااااااموووووووووووو