اعيش وسط غزة ...يسمى كفر للنعمة

[دموع الغربة واشواق العودة]

بسم الله الرحمن الرحيم
كيفكم با احلى اعضاء
في احلى منتدى
رح اكتبلكم هالمقتطفات
على السريع
لأنو يمكن اغيب كم يوم عن المنتدى
:sh96:
*******************************
هداك اليوم
اعدت افكر
يااااااااااااااااااااااارب
انا ليش عايشه هون
انا ليش بدرس هون
انا من المفروض اني اكون
وسط غزة
وسط الاحوال الي تشبه
بالموت البطيئ
المفروض اذوق الي هما
بذوقوا
اشرب من نفس
كأس العذاب
الي بيشربوا منوا
ليش انا عايشة بأفضل حال
والي بدي اياه بيوصلني
باكل احسن اكل
وبلبس احسن لبس
ليش هما مايكنوا متلي
او انا اكون متلهم
مش احنا امة
وشعب
ولازم نذوق المر
مع بعض
*********************
طيب يا اعضاء
سؤااااالي
هل رفضي لعيشتي
الكويسة
يسمى كفر النعمة
................................... .....
بعرف انو انتو مو شيوخ لحتى
تفهموني الحلال والحرام
بس انا محتاااااارة ...
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وشكرااااا
ياااريت تردوا بردود
لطيفة وتتركوا الهمجية
................................... .....
احترامي
:sh30:

[إيمـان]

الله يسعدكــــــــــــــــــــــــــــــ ــــ ياعسل

انتي عايشه في بلد امن صحيح في المملكه ومتوفر الاكل والشرب والامان اهم شي صح بس اهل غزه رمز للعزه مش متوفرمتوفر عندهم هددول النعم انتي متوفر عندك والمملكه بلدك التاني ولدي في وعشتي فيه ليش مش اكويسه هاد سؤالي ؟؟؟؟؟؟؟؟

كلنا بنتمنى العيشه في غزه وهاد الامنيه حقتي في فلسطين عامه

بس نصيبك هيك انك تعيشي في المملكه

وشكر خيتووووووووووووووو وفكري اكويس

[دموع الغربة واشواق العودة]

المشاركة الأصلية كتبت بواسطة زيتـــونة فلسطــين الله يسعدكــــــــــــــــــــــــــــــ ــــ ياعسل

انتي عايشه في بلد امن صحيح في المملكه ومتوفر الاكل والشرب والامان اهم شي صح بس اهل غزه رمز للعزه مش متوفرمتوفر عندهم هددول النعم انتي متوفر عندك والمملكه بلدك التاني ولدي في وعشتي فيه ليش مش اكويسه هاد سؤالي ؟؟؟؟؟؟؟؟

كلنا بنتمنى العيشه في غزه وهاد الامنيه حقتي في فلسطين عامه

بس نصيبك هيك انك تعيشي في المملكه

وشكر خيتووووووووووووووو وفكري اكويس

حبيبتي زيزي ...انا فكرت كويس ...اهل غزة ...صبرو ...وانتي بتعرفي شو اجر الصابر
وانا نفسي اكون معاهم في السراء والضراء ...بدي اعايش همهم ..والله اللقمة الي
باكلها بفكر في اهل غزة ..انا شو باكل وهما عايشين على شو ...وبعدين بتقولي انها امنية
كل فلسطيني ....وليش بدك اياني افكر ..هي مش مش كويسة ...بس اعيش وسط غزة
اكرملي من هاي العيشة ..وانا بكره كلمة نصيبك ونصيبك ...شو بدك اياني استسلم للقدر
وعلى فكرة هما متوفر عندهم نعم كتييييييير مش متوفرة عندي صح وانتي بتعرفي ...
شكرررررررا زيزي ..

[أبو يقين]

سؤااااالي
هل رفضي لعيشتي
الكويسة
يسمى كفر النعمة

قبل أن أجيب على هذا السؤال أقول لكي

بارك الله فيكي وألمكي مع أهلك في فلسطين

وبعدين هذه ليس كفر للنعمة هذا اسمه والله ما أنا عارف أوصفلك اياه بالتحديد لأنه

راسي موجعني

الي رجعة يا دموع ان شاء الله

[a7la sereen]

دموع اذا هيك الله مقدر

ليش انتي مش راضيه بقدرك؟؟؟

انتي لازم تشكري الله ....
وانتي بتتمني انك تكوني مكانهم.....ويمكن بعضهم بيتمنو يكونو مكانك
ويمكن ازا انتي بغزة رح تقولي يا ريتني مو عايشه بغزة...
لانو كلنا بنعرف انهم عايشين ومش عايشين..

الله يصبرهم

فأنتي بس ادعيلهم....

واكيد رح يفرجها الله ....يعطيكي العافية

[haya-jor]

كلام ولا اروع ...

لكن انتي كتب عليكي انو تعيشي عيشه هيك

يعني متلاً ... الناس الاغنياء بقولوا نفس الشي

بس الشيئ الوحيد الي بترجم المشاعر هو الفعل
اختى بحيكي على حماسك واندافعم وططنيتك وحاولي تقدمي كل شي بتقدري علي عشان تخرجي من دائرة المقارنه


هيا

[ابن الخليل]

الله يجزيكي الخير والله كلامك مؤثر اللي عندك مش كفر بالنعمة بل هو ان شاء دليل على ايمانك الصادق عشان انتي مش بس مهتمة بحالك بل مهتمة ايضا بالمسلمين من اهل غزة ومش هاين عليكي تنامي على السرير الناعم وتوكلي الاكل الطيب واهل غزة عايشين عيشة سيئة من تحت راس اليهود الملاعين وكلابهم وعملائهم ياريت كلنا نكون مثلك قال رسول الله صلى الله عليه وسلم (والله لا يؤمن احدكم حتى يحب لاخيه ما يحب لنفسه) بس الحل مش بس بالتمني لكن بالدعاء لهم واستخدام كل الوسائل المتاحة لنصرتهم والاعداد بكافة اشكاله حتى نتمكن من الجهاد لنصرتهم

[فراشة]

انا رح اجاوبك حبيبتي لأني عشت بره غزة 17 سنة وجيت عغزة من سنتين بس ....



كنت بس اسمع الاحداث بغزة اصير ابكي واحكي انا نايمة عسرير وتحت المكيف وعايشة ومرتاحة واهل غزة بيوتهم بتنقصف ومو لاقيين مكان يناموا فيه ...


لدرجة اضل فايقة لل5 الفجر اتابع الاخبار لما يكون فيه قصف او اجتياح ....


هادا شعور طبيعي لكل واحد عندوا انتماء وولاء وبحب بلدو ونفسو بيوم يرجعلها ,,,


وسدقيني بس جيت هون مو ندمانة اني جيت مع انو الكل بيستغرب من جوابي لما يسألوني مين احسن هون ولا الامارات ؟؟؟


ولو رجع فيا الزمن لورا ما بختار غير اعيش بغزة وادرس فيها واكمل باقي حياتي مع اهلي والناس اللي بحبوني وبحبهم ....


وبدعيلك ربنا يحققلك احلامك ويرجعك لغزة يا عسل ...


تحيتي لروحك الوطنية :)

[إسراء الفلسطينية]

والله نفس الشعور يتملكني عندما أشاهد حال أهلنا في غزة .. أو عندما يحدث أي حدث مؤلم في فلسطين

أٌفكر و أقول .. بماذا أختلف عنهم ؟

فأنا أعيش هنا في بلد أوروبية بسلام و أمان .. و كل احتياجاتي متوّفرة ..

لكن دائما يشغلني التفكير بحال الناس في فلسطين ..

ففي أحيان كثيرة .. أتمنى أن أعيش معهم .. و تحت القصف و الجوع و الحصار

فلا فرق بيني و بينهم ..

من حقي أن أكون بينهم و أن أستشعر بما يشعروه ..

تمنيت حقاً لو أنني ولدتُ و عشتُ في فلسطين ..

فمن هنا من حيث ما أسكن .. أشعر دائماً بالذنب اتجاه شعبي

لكن ما باليد حيلة ..

أحاول دائماً أن اقدم كل ما يمكنني أن أقدمه لأهلي في فلسطين ..

اسأل الله أن يفرج كربهم .. و أن يحرر بلادنا من ايدي الغاصبين ..

..

بوركتِ عزيزتي على هذا الطرح الجميل ..

[.:(خالد):.]

أخت دموع الغربة واشواق العودة

الله يحفظك يارب على كلماتك
قلما نجد اشخاص يحنون لوطنهم بهذا الشكل
فمن يسافر من غزة لا يعود لها
هربا من الفقر والحصار

الله يحفظك اختي

لا تنسي اهلك في غزة من الدعاء