قصة ليلى والذئب باللهجه الخليليه ادخل ما رح تندم

[ابن الخليل]

فكرة القصة انو صار في تنافس بين المدن في الدول العربية على انو بحكي القصص القديمة بلغتو بشكل احلى ، فمرة بتكون بالكركي ومرة بالنابلسي وبكرة في التونسي وهيك ، فهلأ الفيرجن الجديدة بالخليلي
اقراوها وتمعنو فيها

هادا زماان، كانت ليلى بتلعب حجله في الكروم في عز الصيف ايام الدبس والخبيصة والعنطبيخ
إلا ابوها لليلى إعتاز شوية حوٌر آم نادى ليلى.
يا ليلاااااا، الله يؤصف عمرك بكفيكي حجٍل تعالي هوني أوام وجع يخلع نيعك
- اايوا ياااااابا شوووووووو بييددك.
- أوام زي الطلأأأ روحي دار ستك جيبي كمشة حور نسوي هالراووء واوعي تعدي طريءالكرومات، يالله أوام فطي
إلا ليلى استطولت الطريء و ألت، طب مهي طريء الكرومات أأرب، وماحدا شايف حدا، خليني أزرء ويا ضار ما دخلك شر.
وفي الطريء، انتبه الزئب انو ليلى رايحه عضار سيدها، ام سبئها ووصل ابلها عضار سيدها، والا هوو دفش الباب بإجره وكانت ستها لليلى اعده بتطبء ورء دوالي... سمعت الباب انفتح.. الت.. انووو هادا... الا الزءب رد بصوطه الحنون.. هادا انا يا ستي.. ليلى..
الجده: ليلاااا.. اعبري يا ستي
الا الزئب دخل البرنده وغافل ستها لليلى وكوفلها بشرشف الطاوله ودحشها تحت الدوشك... واتخبى في الفرشه محل ما بتنام.
شوي.. الا ليلى وصلت.. دئت الباب.. الا الزئب رد عليها وهو يألد صوت ستها...
الجدة: أعبري يا ستي ، اطرشي الباب بعد ما تدخلي .
ليلى: كيفك يا ستي ........ منيحة
الجدة: اه يا ستي ، منيحة
ليلى: يا الله مأكبر منخارك يا ستي ، ليش هيكد .
الجدة: علشان أعرف أشم الطبيخ يا ستي
ليلى: طب ليش إدنك كبيرة يا ستي .
الجدة: علشان أعرف أصنطلك يا ستي ز
ليلى: وليش عنيكي كبرانات
الجدة: شو الدعوة يا ستي ، كماتك مش عارفتيني ، هذا عشان اعرف اشوف خرم الابرة لما اطرز.

ليلى: طب ليش بوزك هيك يا ستي
الجدة: علشان اعرف اكلك يا الستي

ولا الذئب نط على ليلى ، وصارت تصيح ، وتصيح ........

ولا اخوها كاين في المنطقة ......... وفزع على الصوت وهو ماسك هالهراوة ودخل على البيت ونزل ت**ر في الذئب وخبط علي لما شرد الذئب
وهيك بكون فزع لاختو ولولا عليها كان اكلها الذئب

ورجعوا على الدار هم وستهم والحور ، وعملوا عين طبيخ ودبس وملبن و**يب وعملو عزايم ومناسف وعاشو بثبات ونبات

توضيح بعض الكلمات من شان تفهموها منيح
حور= زي التراب بستعملوه ال للراووق هاد الراووق بيطلع من العنب ال وبيعملو فيه خبيصه
كلمه : عضار= الدار
الهراوه= الدبسه = العصايه

ان شا الله يعجبكم
تحياااااااتي

["الزعيم"]

ههههههههههههههه
هههههههههههههههه

والله القصص بالهجة هادي قلق

تسلم اخي الكريم