استفتاء : ماذا تفضلين في ليلة زفافك

[Twin]

السلام عليكم يا احلا صبايا


المره الي فاتت كنا ئاعدين شله مع صاحباتي بالجامعه وتناقشتا بكتير شغلات ..


ومن بينها اختلفت آرائنا بهل موضوع ..


وبما انو انتوو كمان رفيئاتي وحبيباتي ..


كمان رأيكوو مهم اعرفووو ..




شو بتفضلي تلبسي مع فستان الفرح او الخطوبه ؟



الشبكة التى قدمها العريس المبجل سواء كانت ذهب او الماس ؟؟











او اكسيسوار بتختلف تماما وبالوان متل الاحمر او الازرق ,, الي بتليئ اكتر مع لون الفستان ؟؟












بدنا نشوف رأي كل فتاه شرقيه بهل موضوع ..




تحيتي :TwinoOoOo

[الرمشـ الحساسـ]

كوووووووووووول

موضوع نايس نايس

بصراحة بالنسبة إلي بحب لبس الاكسسوار اول شي حسب الفستان وشو بليئ عليه..

بعدين لما يلبسو الدهب بآخر شي بتغير الوحدة لشبكتها..

هاد رأي ما بعرف:)

كووووووووول

طيب انتي شو رأيك؟؟

يسلمو توينيييي

الف عافية..

[Twin]

يا خيستي عليا .. عئبال ما اشوفك عروسه يا احلا رمووووووشة ...


اما بالنسبه لرأيي انا ..

رح اخليه لبعد ما اشوف آرائكووو ..

[Mira]

وانا راي متل رموش
اول شي اكسسوار بعدين بلبس الشبكه اللي بجيبها الحلو
ههههه
وبس هيك مابخلي شي بنفسي
هههههه
ميرسي حبيبتي موضوعك حلو

[بنت فلسطين المجروحة]

بالنسبة الي

هيك مناسبة غير يعني مابتصير الا مرة بالعمر

راح البس الدهب لانو انا دايما بلبس اكسسوارات

فحتى اكون مميزة بفضل الدهب

:)

رائع توينووو

[.!. وردة الأقصى .!.]

اها

انا متل رموش أول شي بلبس الاكسسوار اللي جبتو واللي بليق مع الفستان

بعدين بلبس الشبكـة اللـي جابهـا الأمـور ,,وحسـب خبرتـي أنو العريـس هوا اللـي بلبسهـا الشبكـة

هع

يسلمـو أحلـى تـوينـو ^^

بدنـا نشـوف رأيـكـ إنتـي كمـان :d

[a7la sereen]

,,وحسـب خبرتـي أنو العريـس هوا اللـي بلبسهـا الشبكـة

من وين هالخبرة جايتك

الي بسمع بفزع
انا بفضل الاكسسوارات الناعمة الملونه

مو الشبكة الي بيجيبها العريس

هي العروس بيتلبس الشبكة بس بترد بتشلحهم بكونو تقال هع هع

يسلموو

[فتاة الحب]

انا بفضل الشبكة الي من العريس
بشوف الذهب احلى عالعروس


يسلمووووو توين

[Maram .. ~]

ممممممممم

الدهب ألحلى

بس دهب أبيض مو أصفر :p

هههه

تسلمي حبيبتي توين ع الموضوع ..

:)

[الاماني الفلسطنية]

موضوع بجنن تؤبشيني ..


عئبال ما افرح فيكو يا رب واشوفكو احلى عرايس


اما عن رأيي .. بدي اشوف شو بدكو تعملو واعمل متلكو


لانو ما في متل زوئكو .. كبرتلك راسك بردي ععع