رحلتي من غزة عبر جدة الى مكة ثم جدة ثم ماليزيا .. والقادم افضل باذن الله

[تحـ البشر ـدوهـ]

بسم الله الرحمن الرحيم


السلام عليكم ورحمة الله وبركاته


كيفكم جميعا

بتعرفوا ... مشتاق لكم شوق مش طبيعي


الغربة صعبة كتييييير يا اميييي .. ههههههه


واخيرا يا حبااااايبي .. طلعت من غزة


مع اني زعلان اني فارئت حبابي ورفئاتي


وخالتييي


ومع اني كان بودي ان اتقيد في قول الرسول صلى الله عليه وسلم ( عليكم بالشام في اخر الزمان )

لانه نحنا كلنا مرابطين

وكل هاد باجره ... وما الاجر الى من عند الله .. ان شاء الله

:


هلأ طبعا الكل بيحكي ... كيف طلع من غزة هاد


انا بقولكم كيف

:


كله طبعا بمعونة الواحد الاحد

والحمد لله

..

هلأ انا بيكون الي عم .. قاضي كبير جدا في غزة

حط اسمي انا وابنه في المعتمرين

وطلعنا ع السعودية ( جدة بالتحديد )

ومن هناك ع المدينة ( تنحرم في ابار علي .. يلي هو ميقات اهل الشام )

ومن هناك ع مكة .. اعتمرنا والحمد لله

ثم الى جدة

بعدين في ليلة 27 رمضان ... طلعت صليت انا وابن عمي في المسجد الحرام ... ودعينالكم بالخير والحمد لله

ومن ثم الى جدة

:

هلا في جدة .. كنت ناوي اطلع ع الصين مباشرة انا .. قبل ما تنتهي فيزتي تاعت العمرة

يلي مدتها شهر

:

السفارة الصينية .. كانت مسكرة .. منشان العيد

:

لو استنيت لبعد العيد كان ورطت

وخلصت فيزتي .. وكنت غير رسمي قاعد هناك

وبالتالي لجأت لخيار .. اني اطلع ع دولة ما بدها فيزا

وبتقبل فلسطينيين

يعني بتقطع تيكت ( تذكرة طيارة ) .. وبتروح مباشرة من السعودية الى تلك الدولة

:

وبهيك .. لقينا دولة .... ماليزيا

:

هلأ انا كنت اشوف ماليزا ع التلفزيون

وكانت تيجي دعاية ع الـ mbc

بتحكي عن ماليزا وهيك يعني

ف اول ما حكا الوالد الله يخليه يا رب

انه ماليزا وهيك يعني

كنت متشجع بشكل كبير اني اروح هناك

انا وابن عمي طبعا

:

قطعلنا الوالد تذاكر طيران

وطرنا

:

وهلأ انا في مالزيا .. تؤبر البي

فيها مسلمييييييين ومسلماااات

لكن المشكلة انه الاسلام ع حسب مفهومي .. مو فاهمينه منيح

يعني بتلاقي في محجبة .. ولابسه شورت .. وكت

عفوا يعني

انتي محجبة وبتعكسي صورة الاسلام

هههههههههه

ما علينا

هلأ جبتلكم كبشة صور هيك من جدة .. و ماليزيا

:

ان شاء الله بتعجبكم يا رب

وادعولنا يا جماعة الخير الله يوفقنا يا رب

الى الصين

او البقاء في ماليزا والتعلم فيها

:

اصلي شايف انه ماليزا الز من الصين هههههههههه

يلى نشوف الصور سوى

:


صور جدة




هاي في الهوتيل





هاي في مول اسمه محمود سعيد .... بجننننن





ومن نفس المول اشتريت هاد الموبايل .... وانسرق




ما سدقنا نطلع من غزة وننفجع ع الاكل هههههههههه




وهاي الصورة ع البحر .... بحر جدة ... بجنن




وهاي كمان في الكورنيش تاع جدة





وكنت بدي اصورلكم النفورة الكبيرة ... بس المشكلة كنت جاي بالنهار ... وما جيت بالليل ... ف ما كانت شغالة يعني


:


اما هاي الصور ... ف هي صور داخل الطيارة ... المتجهة من جدة عروس البحر الاحمر .... الى ماليزيا الغنية عن التعريف





هون بتلاحضو انه في ... على خلفية كل راس كرسي ... شاشة

هاي الشاشة هريتها افلام

شفت يمكن 4 افلام عبيل ما وصلنا

ونمت واكلت

وخلوها ع الله

رحلة 9 ساعات

انهرينا فيهم ههههههههه

بس .. بجد ... انبسطنا والحمد لله





:


هلا ... ماليزيا


:


هاي صورة ... اطول برجين توأمين في العالم كله

في ماليزيا

اسمهم

KL - CC

كي ال سي سي

كل يوم بفطر وبتغدا فيهم ... اشتقت للفته والملخية والبامية .... وينك يا خاااااااااالتي







:


اما هاي الصورة ... في مكان هيك

حبيت اصورها ... تـ ابينلكم المحجبات هوناك






:


اما هاي الصورة ف هي من شباك غرفتي






:



وهون شوية صور ... من متحف ... رحت عليه بجنن هيك











:


اما هاي الصورة ... ف هي .. ع باب الكي ال سي سي




:


وهاي الصور في مكان هيك حلو شوي

















:


هي صور للكي ال سي سي ... المغربيات








:


وبس

نكتفي اليوم بهيك صور


ويلي بده اي صورة .. لاي مكان في حي KL

يحكيلي وما يخجل

وبالتاكيد ان شاء الله راح اصورله ياه

:



في امان

الله

ودعواتكم

[Pink Rose]

ما شاء الله ..

روعة × روعة × روعة

شي حلو كتير والله

ماليزيا بتجنن ^^

احلى ما فيها الخضار والمي

والسعودية حلوة كمان

الله يوفقك يا رب تحدوهـ

وان شاء الله بتنبسط بكل مكان بتروحه ^^

يعطيك الف عافية يارب :)

[Twin]

ماشاء الله ..


بجد انا من مشاريعي المستقبليه اني اروح ماليزيا ..



بتعجبني هل بلد ..


ربنا يوفئك بدراستك وترجع بلدك بالشهاده الكبيره ..


وازا بتقدر ضلك بمليزيا ادرس .. افضل ..


ومبارك العمره الك ولابن عمك ..

[روان فلسطين]

اول شي
الف الحمد لله ع سلامتك وعمره مقبوله ان شاء الله وبجد كتير اشتقنالك
تاني شي نورت السعوديه وتالت شي ياااااااااااااااااااااااااااااااااا اااي ما احلا هالرحله تتهنا نفسي اروح ماليزيا وكيف شفتلنا جده حلوه مو
بتجنن بس رطوبه عاليه
تحياتي
وتقبل مروري

[القلب الطيب]

ماليزيا مرة وحدة

الله يسامحك

كان اخدتني معك

يعني بيرضيك اضل في خانيونس وانت تطلع منها ووين كمان على ماليزيا

هههههههههههههههههه

ربنا يهنيك اخي

وربنا يرزقنا بسفرية حلوة < مش باين

لما اطلع من خانيونس على غزة بأكون عامل انجاز هههههههههههههه

[إسراء الفلسطينية]

يا عين يا عين

والله رحلة غير شكل

ماليزيا مرة وحدة !

ما شاء الله

روعــة عنجد

الله يهنيك يا رب و يبسطك كمان و كمان ^^

عمــرة مبآركة :)

و عقبال الحجة ^^

الف الحمد لله ع السلآمة

[فلسطينيه والراس مرفوع]

واااااااااااو

شو هـــــآآآآد

ماليزيا مرة وحدة

صور روووعة

عنجد اكتير حلوة

انشالله اتكون انبسطتت خيووو هناك

والله يتقبل منك العمرة

بس اكتر شي عجبني المحجبات هناك ههههههههههههه

يا هيك يلا بلاه هالحجاب

والبرجين كمان حلوين

ما انحولت وانت تتطلع عليهم

تسلم خيووو مؤيد

موضوع متعوب عليه

بس تغيير جو صح :P

يعطيك الف عافية

والله يطعمنا ونزورها ماليزيا

[Mira]

يااااااااااااااااااي هاي كنت عنا وانا مابعرف
لالا مابيصير كنا عزمناك عشي اكلك ملوخيه او باميه مدامك مشتهيهم ههههههههه
الحمدلله عسلامتك وعمره مقبوله يارب
والله يخترلك الخير بين الصين وماليزيا
ويوفقك يارب
بس ماعم تطلع عندي الصور ليش ):
بدي اشووووفهم

[السيف عدي]

روعة .. منور تحدوه .. والمرة الجاي ان شاء الله سفريه احلى واحلى ..

ما ننحرم من طلتك ..

[SWEET*GIRL]

يا عيني

انت هلا بماليزيا ؟؟

واااااااع

بتروووح من دوننا

واو واو واو

الصووور روعهـ

ماليزيا

فظييييييييييييييع

بدي هديهـ من هناكــ

بس اشي حلو ها !!

ـههههههههــ

انشاءاللهـ تروحـ وترجعـ بالسلامهـ