//// عندما لا ينفعك اختصاصك /////

[احلى رورو]

ارتأيت أن أتكلم على هذا الموضوع لمذا أهميته في مجتمعاتنا العربية من مشاكل .


متى نصل للمرحلة التي نستطيع فيها أن نطبق فيها مقولة "وضع الشخص المناسب

في المكان المناسب" ؟


وإلى متى سيبقى خريجي الجامعات إما بلا عمل أو يكونوا مضطرين للدخول في

مجالات لا علاقة لها باختصاصهم، فبعد دراسة أربع سنوات جامعة أو أكثر يخرج

الطالب ليجد نفسه بلا عمل أو وظيفة حكومية وتبدأ دوامة البحث الطويلة عن

الوظيفة المرجوة.


فحتى الشهادة الجامعية لا تشفع له أحيانا ليوظف، وإن توظف وهو يعتبر في هذه

الحالة شخص محظوظ فقد يحصل على وظيفة لا تتناسب مع اختصاصه وهو حال

الكثير من الخرجين اليوم.


وإذا كانت الاختصاصات الموجودة في الجامعات لا يوجد هناك من حاجة لخريجيها

في سوق العمل فلماذا تفتتح، وهل نحن بحاجة لزيادة معدلات البطالة التي نعاني

منها أصلا، وما سبق يمكن أن يكون نموذجا يمثل فئة من المجتمع العاطل عن

العمل

ولكن هناك فئة أخرى ممن توظف في غير اختصاصه لماذا ؟



* تحياتي*

[السيف عدي]

موضوع حلو ..

في نسبة كبيرة من اللي بتخرجوا ما بشتغلو في تخصصاتهم يمكن لانو مستواهم المهنى والعلمي

اقل من المطلوب في السوق او فرص العمل بتكون قليلة في هالتخصص فبشتغلو بمهنة تانية بعيده عن تخصصهم

وهالشي ممكن يخلق نوع من البطالة المباشرة او البطالة المقنعة ..

والحل انو يتم تأهيل الطلاب بشكل قوي في مراحل التعليم الاولى .. في الثانوي والاعدادي بحيث يقدروا

يختارو تخصصهم بطريقة صحيحة .. وتوفير فرص عمل متكافئة في كل التخصصات الجامعية .. والتنسيق بين

الجامعات وسوق العمل .. لنقدر نتلاشى وجود تخصصات جامعية بدون فرص عمل في السوق .

تسلمي احلى رورو .. ما ننحرم من جديدك ..

[عسولة الأقصى]

و الله موضوع مهم ,,

كتييرمهم ,,

و لا مش بس هيك ,,

هلا دورة بياخدها أي شخص ,, بتعادل دراسة 4سنين بالجامعة ,,

و بيتوظف على اساسها الشخص ,,


و المشكلة بشكل أساسي ,, لانو في الوطن العربي ,,

الحكومات ,, و المجتمعات مستهلكة غير منتجة ,,

يعني ما في استثمار ,,

و بالتالي الخريجين ما رح يلاقو مكان يتعينو فيه ,, على تخصصهم ,,

و بالاخص تخصصات التكنولوجيا ,, و التخصصات المرتبطة بالحاسوب ,,

هاد من ناحية ,,

و من ناحية تانية ,,

تفضيل العمالة الاجنبية عن العمالة العربية ,,

لانها بتكون معاها الخبرة و جاهزة ,,

أما الخريج ما بيكون عندو الخبرة ,, و بالتالي بينرفض بمجال تخصصو ,,

و هاد بيودينا لنقطة انو الانسان بدو يسعى و را لقمة عيشو ,,

فازا انرفض بمجال تخصصو ,, بيلجأ ,, ليشتغل أي شغلة ,, ليحصل لقمة العيش ,,

أنا هيك رايي ,,

و تسلميلي حبيبتي رورو ,,

موضوعك كتييرمهم و ع الوجع ,,

تحيتي ليكي

[.. ليآل ~]

انا مع الاخوه في كل شي حكوه

بالاضافه للاولويات الوهميه يلي بتفرضها الوظائف

يعني اصبح صاحب العمل بيوظف صاحب الواسطه او الخبره الطويله وبيستغني عن الخريجين الجدد او اصحاب الكفائات على حساب مصالحه الشخصيه في توظيف فلان من الناس

اضافه لمشكله الخبره الي باتت مطلوبه في كل مكان

وهالشي بيمدد فتره البطاله للشخص بعد التخرج

حتى يكتسب خبره من مجالات مختلفه

والموضوع كتير متفرع ومتشعب

والحكي فيه بيطول وايجاد حل مارح يكون خطوه سهله

شكرا لطرحك وعيدك مبارك

[احلى رورو]

منورررين :)

انا برأيي انو الحق مش عالخريجين

الحق على الدولة لانو ما بقومو على اساس ( الشخص المناسب في المكان المناسب )

بل بستندو عالرشوات اللي بدفع اكتر بدخل مجال العمل وحتى لو ما معو مؤهل ...

والله في كتير ناس بشركات بشتغلو وما بعرفووو يفكو الحرف وبس وصلو لمنصبهم لانهم ابن فلان ...

[hayat_baghdad]

يسلمووو على موضوعك المميز

عنجد هو هذا الحال بالدول العربيه الواحد منا بخلص جامعه وبعدين مافي تعيين
وبتساوو خريجين الجامعه مع الي مش دارسين ومرات الي مش دارس بشتغل
احسن من الي دارس وفي كثير حالات صارت وبتصير لحد الان انو طلاب متخرجين
من كليات الهندسة وبمختلف الفروع يشتغلو بفرن للصمون او ببيع الملابس او سائق
تكسي( اجرة ) رغم انو الشغل مش عيب بس يعني مش بتخصصهم
بس خلص شو ما حكينا ما رح يتغير شي ..

مع تحياتي الك يا احلى رورو