ساعد العضو اللي قبلك في إتخاذ قرار - المستشار

[السيف عدي]

/

/




/

/

كل عضو راح يشرح باختصار مشكلة عنده ومتردد يتخذ فيها قرار واضح ..

العضو اللي بعدك راح يساعدك ويعطيك القرار الصح .. او يترك الامر للعضو اللي بعدو .. وهيك .


/

/

للي بعدي:

متردد اسافر عمره في رمضان او ما اسافر .. مع اني حجيت السنة الماضيه ..

[.. ليآل ~]

صباح الخير

شو هالموضوع العسل على هالصبح؟؟؟ يعطيك العافيه الفكره كتير حلوة

احم احم انا اول وحده ارد

طيب ياسيدي


اول شي العمره فرض مش واجب اذا قادر انك تعملها ليش لأ خصوصا انو عمره في رمضان تعدل حجه مع الرسول عليه الصلاه والسلام ..... واذا مش قادر او في ظروف معينه سواء ماديه او اقتصاديه لاترهق نفسك واجلها الى ان يريد الله

والاستخاره افضل شي

الله يوفقك يارب

[السيف عدي]

للي بعدي : اهلي بقولولي اخطب .. وانا ما بدي .. بحس انو تقييد وهيك .. عمري 27 ..

برايك هلأ السن المناسب او بعدين ؟

[Hinata]

اسف خليها للعضو إلي بعدي ....

[رأفت]

اذا فيه امكانية ليش لا ... انتا بينك و بين نفسك شو رايك ؟؟؟

استخير افضل شي ...

شو راي اللي بعدي ..

بس فكرة حلوة ...

ما ننحرم سيفووووووو

تحياتي ...

[ღ حورية فلسطين ღ]

انا رأيي يعني اذا مافي الوضع منيح اتجوز

يعني سنك مناسب للزواج والله يوفقك


الواحد ما رح يضل طول عمره حر

الحرية الها وقت وبتخلص^^

انا ما عندي شي استشيركم فيه

اللي بعدي شور على السيف عدي

شو رأيك^^

[السيف عدي]

اوكيه ..

للي بعدي ..

حاب اشتري سياره جديده بالاقساط .. والسياره اللي معي منيحة بس صارت قديمة شوي ( 4 سنين ) ..

كم سنة مفروض السيارة تضل مع الواحد ؟

[Arabian girl]

متل مابدو الشخص
حسب تعلقو فيها ههههههههه
يلا اللي بعدي رد ع حسام كمان

[مجدلاوي فايع]

السيارة بتضل 10 سنوات امنيحة عادي ... لسا بدري يا حسام

انا معنديش اشي بس بدي ارد كنت .. اللي بعدي عحسام برضك

بس عندي تعليق كمان عحسام ... يزلمة عمرك 27 وبتشاور حالك تتجوز ولا لأ !!!
انا لو بصحلي هلقيت لأتجوز ... اتوكل على الله دورلك عبنت امنيحة وخدها

[bEnOoO]

مممممم حسام بالنسبة للعمرة اعطيهالي هدية ههههههههه انا بروح مكانك

و بالنسبة للجواز و لك يا راجل 27 و لساك بتسال و لك شفلك بنت الحلال و تجوز الرسول صلى الله عليه و سلم قال من استطاع منكم الباءة فليتزوج اتكول على الله

و السيارة مادامها منيحة و بتمشي بلاش تغيرها التبذر مش منيح

نجي لموضوعي بنت 19 و شب 30 ممكن الزواج يكون ناجح؟؟؟؟ و الشب منيح و الاهل عاجبهم