شباب فلسطين

MoHaDe · 08-20-2008, 11:20 PM

السلام عليكم اليوم كاتب موضوع لطلاب التوجيعي زي حالاتي

بالبداية بدي منكم تعرفو عن حالكم

وعن شو داخلين علمي او ادبي او غير ذلك ( زراعي صناعي فندقي هههه)
واذا حولتو من واحد للتاني يعني من علمي لادبي وهيك

وهلا بعطيكم مقدمة مع مؤخرة يعني بالعربي خبيصة خخخ

طول عمرنا بهالدول العربية مسخمين وماكلين روح الخردل بهالسنة و الواحد فينا بشيب شعر منخارو قبل ما تخلص السنة وبس تخلص وتطلع النتائج بحس حالو الواحد كانو صارلو 12 سنة حامل كيس شمينتو ( اسمنت )وشالو عن ظهرو

ومع هيك الها محاسن الكل بحسبلك حساب وبس تحكي كلمة بالدار ما بتصير كلمتين بحكم انك توجيهي وبدك جو دراسي وقصص والكل بدلع فيك وشو بدك وتعال ولما تنجح ببلش خلع الرصاص والطكيع وينهالو عليك اهلك وحبايبك بالبوس وبتبلش هالمصاري تنزل عليك من غامض علمو وكل يوم والتاني حفلة يعني بتعيشلك شهرين زمن كنج =ملك بس اذا سكطت راحت في كيسك بنكلب كلو عراسك وبتشوف اسوا ايام عمرك ابوك اول ما ترجع بتفتح الباب بكون متخبيلك ورا الباب واول ما تفتح بسلخك بزقة بنص خلقتك بلعن ابو افطاسك ولا امك بتفظحك وبتبلش يا خسارة هيك ويا خسارة هيك ولا اهلك بهدرو دمك والعالم بالحارة عندك ببلشو يتهبلو وبعملوك مسخرة المنطقة خاصة اذا كان واحد من هالجيران ناجح بالتسعينات يا حبيب ابوي شو راح يصير فيك

بس الحلو بالموضوع بتكون بالمتيسة فايع وبتعجب بحكم انها اخر سنة وبدك تعيش حياتك واليوم اللي بروح برجعش ومش كل عمرك راح تقضيها بالمتايس ويعني اشي من الاخر

وهلا شغلة خاصة بمواليد ال1991 اللي هم هالسنة هادي توجيهي زيي والاجر على الله احنا المولودين بهادي السنة معروف عنا انا شياطين من واحنا صغار ودايما بنعجب وشغل نكش وفياعة حتى الشاطر فينا والكسول فايع مش زي اللي كانو هديك السنة مؤدبين والقط باكل عشاهم وبرضو معتمد علينا اكتر من الجيال اللي قبلنا واللي بعدنا ولا لا هادي ملاحظها باغلب اللي مولودين بهالسنة وفينا صفات صبابا هعهعههعع .... ضحكة شرير
ولا يا عمي بحقلنا نفخر بحالنا بكفي السنة المولودين فيها فيها رقمين مكررين وهم 1991 تاملو فيها للسنة ما ازكاها بتجنن تؤبشني

هلا بدنا نشوف انو عنا بالمنتدى توجيهي
واللي بحب يضيف شغلات نكشات عن التوجيهي او عندو اسئلة او هيك حطها
يعني يكون الموضوع مفتوح وفيه كلشي بختص بالتوجيهي
وان شاء الله ينال اعجابكم

المهم اطلعو حالنا كيف وتعاطفو معنا

الموضوع من جبنات اصدي من لبنات افكاري ان شاء الله ينال اعجابكم
بدي اشوف ردود وبدي ارائكم بالموضوع وبدي تفاعل منكم تحطو كلشي ببالكم هون:)

مجدلاوي فايع · 08-20-2008, 11:30 PM

ههههههههههه والله الصورة لحالها بتحكي

مشكور محمد عالموضوع الفاخر والله

انا خلصتها وهينا في الجامعة الغانمة

الفتاة المشرقة · 08-20-2008, 11:39 PM

ههههههه حلوه توجيعي هاي

انا توجيهي هاي السنه

ربنا يوفقنا جميعا يارب

مشكور اخي على الموضوع

MoHaDe · 08-20-2008, 11:50 PM

ههههههههههه والله الصورة لحالها بتحكي

مشكور محمد عالموضوع الفاخر والله

انا خلصتها وهينا في الجامعة الغانمة

هههههههههه والله ماساة يا زلمة هههه

منور حجي مجدلاوي وان شاء الله بالتوفيق بالجامعة

ههههههه حلوه توجيعي هاي

انا توجيهي هاي السنه

ربنا يوفقنا جميعا يارب

مشكور اخي على الموضوع

هههههههه الله يحلي ايامك
يعني كلنا بالهوا سوا ههه

الله يوفقنا يا رب
منورة حجة

يسلمو مجلاوي & الفتاة عالمرور الروعة

MoHaDe · 08-20-2008, 11:57 PM

25 واحد شافو الموضوع

وبس ردين

Hinata · 08-21-2008, 12:05 AM

والله انااا مو توجيعي الحمد لله لسااا بكير بس أختي كانت السنة إلي فاتت توجيهي

يييي وكانت كل ما تروح من امتحااان يا تسوووف وتعبيلناااااا الدار دمووع هههههه دايما دمووع دموووع دموووع هههه ..

توجيعي حلوووة الكلمة هههههه ...

يسلموووو عموووو هههه على الموضوع .... والله الصورة روووعة عن طالب التوجيعي ههههه

MoHaDe · 08-21-2008, 12:22 AM

هههههههههه

شايفة احنا بنهاني بهالسنة هادي
الله يعينكم علينا

اهم شي كثفولي ادعية
وخاصة ايام الامتحانات
بدي اشوف دعاوي بلا وعي ههه

منورة حجة

Hinata · 08-21-2008, 12:32 AM

إنشاء الله تنجح بمعدل عااااالي يا رب ...

بس شد الهمة هههه

انااا حجة .... ماااااااااشي

هههههههههه

سلااااااااام

MoHaDe · 08-21-2008, 12:36 AM

هههه
ان شاء الله يا رب الله يسمع منك

وان شاء الله تروحي عالحج شو بدك احسن من هيك ههه

منورة والله

&نسيم الروح& · 08-21-2008, 01:40 AM

هههههههههههههههههههههههههه

هههههههههههههههههههههههههههههه هههه

انا كنت توجيعي ئبل كم سنه يعني 3 سنين ونص

وعلمي علمك ههههههههههههههههه

كنت الاولى وللاسف اجت على راسي بس بدي ادرس هون انشالله

عئبالك

مشاهدة نتائج الإستطلاع: توجيهي عمي تفظل حطلنا من اي فرع ؟
علمي	15	78.95%
ادبي	4	21.05%
غير ذلك ( زراعي , صناعي , الخ..)	0	0%
المصوتون: 19. أنت لم تصوت في هذا الإستطلاع

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء