شو السؤال اللي بينسألك لو انت فلسطيني

[عين فلسطين]

مرحبا وصباح الخير

في الكم يوم اللي فاتو والاحداث اللي حاصلة بفلسطين
اذا تعرفت على اشخاص جدد لاول مرة تحكي معهم وعرفو انك فلسطيني
على طول أول سؤال بسألولك اياه
انت حمساوي ولا فتحاوي
واكيد الكل بحكو هو اي فصيلة بشجع
مع العلم انهم كلهم فلسطينيين
في اي حدا منكو لما انسأل هالسؤال قال هو فلسطيني
المفروض انا نتوحد من شان نحرر فلسطين
ولاكل شي رح يروح الأخضر واليابس
ولا كل شي رح يروح لو ضلينا نتحارب احنا الفلسطينية بنحارب الفلسطينية
انا ما حبيت اعرض هالموضوع الا عشان وين ما أروح برا البيت
الكل بيحكي حماس سوت وفتح سوت
مع انو زمان كنا نسمع الفلسطينية سوو والفلسطينيين عملو

والموضوع يا ريت نتناقش فيه

[عاشقة تراب القدس]

تسلم ايديك عالموضوع وانا انسئلتو لهالسؤال لما كنت برات فلسطين وبالفعل قلتلهم كلنا فلسطينيه وبنحمي تراب هالأرض الغالي ويا رب نضل ايد وحده وقلب واحد ليرجعلنا حقنا تقبلي مروري

[السيف عدي]

الحقيقة لا .. ازا قلت لحدا اني فلسطيني ما بسالني حماس او فتح ..

يسلمو خيتو

[أحلى غزوية]

انا امبلااا و بحكي اني مع حمااس فورا ع الرغم اني بعرف انو لازم اقوول احنا شعب وااحد ... بس هيك جرت العاااده
و بدك الصرااحه بهل وقت لا عااد لازم انقوول فتح ولا حمااس لازم انقوول فلسطين لانو ارضنا عمااله اضيع و احنا راح انضيع معها لو بقينا ع التخلف اللي احنا فيه ...
ويسلموو كتير ...

[هبوشة]

يسلمو ايديك على المووع
وأنا معك مية بالمية كلنا فلسطينين وكلنا ايد وحدة

[آية بنت فلسطين]

يسلمو الموضوع حلو وعنجد بستاهل نناقشو
انا مش بفلسطين يعني بتسمى اردنية
بس هاي اول مرة بعرف انو في هيك شي بفلسطين
يي عليهم اليهود انشالله
مش عارفة شو بدي احكي انصدمت والله
بس انشالله الله يجمع صفوفنا عن قريب يارب
آمين

[شظايا انثى]

اول الموضوع حلو

انا عن نفسي بتعرض لسؤال كثير وجاوبي انا فلسطينيه وانا مع المقاومه وما الى اي دخل في الشان السياسي لان الكل حماس وفتح بقامو اليهود

تقبل مروري

[عين فلسطين]

المشاركة الأصلية كتبت بواسطة عاشقة تراب القدس تسلم ايديك عالموضوع وانا انسئلتو لهالسؤال لما كنت برات فلسطين وبالفعل قلتلهم كلنا فلسطينيه وبنحمي تراب هالأرض الغالي ويا رب نضل ايد وحده وقلب واحد ليرجعلنا حقنا تقبلي مروري

المفروض كلنا نحكي هالجواب
شكرا لمرورك اختي

[عين فلسطين]

المشاركة الأصلية كتبت بواسطة السيف عدي الحقيقة لا .. ازا قلت لحدا اني فلسطيني ما بسالني حماس او فتح ..

يسلمو خيتو

طيب بدي أسألك متى اخر مرة انسألت انك فلسطيني

[عين فلسطين]

المشاركة الأصلية كتبت بواسطة أحلى غزوية انا امبلااا و بحكي اني مع حمااس فورا ع الرغم اني بعرف انو لازم اقوول احنا شعب وااحد ... بس هيك جرت العاااده
و بدك الصرااحه بهل وقت لا عااد لازم انقوول فتح ولا حمااس لازم انقوول فلسطين لانو ارضنا عمااله اضيع و احنا راح انضيع معها لو بقينا ع التخلف اللي احنا فيه ...
ويسلموو كتير ...

حبيبتي ما في انسان كامل وكلنا بنقع في الاغلاط
نورتينا

شكرا على المرور