هل تتمنى ان تكون مهند ..وهل تتمنين ان تكوني نور ؟؟؟؟

[الدكتور امير]

هل تتمنى ان تكون مهند ..وهل تتمنين ان تكوني نور ؟؟؟؟



السلام عليكم





مسلسل نور غزا البيوت العربية وكذلك نظيره
سنوات الضياع
راح اضع امامكم كم مشهد مش من المسلسل انما من المجتمع



1- فتوى ... ان المسلسل حرام



2- المسلسل يدعو للعلمانية من انه هذا صديقتي او صاحبتي

وهذا حبيبي
والعناق والقبلات وبعدهاتسافر وياه لبلد ثاني
وتتزوج دون علم ابوها ومو عارف شو القصة
3- هذا النوع من المسلسلات لايصح ان تبث على قنواتنا العربيه لان اكيد الغايه معروفه


4- احد اصدقاء النت قال لي الي ما شاف ولا حلقه من نور او سنوات الضياع عمره خساره !!!!!!

شو رأيكم بهالظاهرة الدخيله على اسلامنا وعاداتنا وتقاليدنا
وشو رايكم انه من المعقول المجتمع التركي هو مثل ما طلع بالمسلسل


يعني ما بقيت لكم حجة

تفضلوا و جاوبوا

بتحبوا تكونوا هيك متلهم

و ملعلوماتكم جميعا انتو لما بتابعوا المسلسل هذا الشيء يؤدي الى نشر عاداتهم و تقاليدهم في مجتمعنا المحافظ و ما اعتقد حد فيكم حابب هيك ؟

ولا شو رايكم ؟؟؟؟؟؟؟؟؟؟؟

[مجدلاوي فايع]

هو يعني تحسسنيش انو كل اللي بنعملو حلال ووقفت على هادي بس اللي حرام ... هو حرام زيو زي الاغاني زي زي زي زي

بتمناش اكون زيو لأني احلى منو هه

بس هو مسلسل للتسلاية بعرفش ليش عاملينلو كل هالدباجة هاي ... مسلسل وبحضرو ايش فيها يعني !!

[εïз ملآكـ εïз]

السلآم عليكم و الرحمهـ

كيفك خيوو ؟ ان شا الله بخير

لآء طبعا ما بتمنى اكون نور من اي جهة

بعدين انا اوقات بحضرو و اوقات لآء و متل ما قال مجدلآوي مسلسل و بحضرو و شو يعني؟

بس الله يهدي المهووسين فيه كتير عالفاضي و الله

تسلم ع الطرح

تقبل مروري

[Mira]

مرحبا
بصراحه هاي المسلسلات مسخره عنجد
وكتير بتاثر فيها الشباب والصبايا
حتى الصغار تخيلو
بنت عمرها 10 لما عرفت ان لميس (من سنوات الضياع) انها حامل
سالت امها (ماما لميس حامل من يحيى ولا من تيم)
تخيلو بنت صغيره صارت تفكر هالتفكير؟؟؟
هالمسلسلات قمه في التفااهه

موضوع رائع
مع تحياتي دكتور
تقبل مــروري

[MoHaDe]

بلا هبل يا رجل
والله تفاهة هالمسلسلات هادي والممثلين تاعونها

والله من ناحيتي بتمنى اكون ولا خلص انسى ولا اكون مهند الواحد بقلد الشي المنيح وبتمنى يكون مثلو مش شقفة ممثل بضل يتهبل ويحرد ومش عارف شو اقسم يالله وخاصة عنا بفلسطين في ناس كتير لازم نتمنى انو نكون متلها مثلا الاستشهادين والاستشهاديات مش نور ومهند ومش عارف مين

يسلمو عالموضوع والله اعطيتو التفاهة هادي اكتر من ما بتستحق بتمنى ما تكتبو عنهم اي شي

يسلمو عزيزي

[شذا الياسمين]

اولا مسلسل نور بدأ بقصة حلوة لكن صار المسلسل كلو تافه وبخلقو احداث من تحت الأرض بس علشان يطول والناس تضل تتابع فيه بعدين هالمسلسل كان 100 حلقة بس من شطارة العرب صارو يعرضو الحلقة على حلقين علشان الناس تنسى دينها وربها وتضل تتابع في التفاهات هي يا شيخ بلا مهند بلا نور ولا حدا منهم نازلي من زور واتمنى ان الناس تبطل تحضرو متل ما عملت انا

[القلب اقوى من العين]

انا ما بتمنى انى كون مهند او حتى
زى مهند لانو انا مش شايف اشى فى بنحب
الله يعين الى بحضرو عليه انا مش عارف كيف بحضرو
انا ما عمرى حضرتو بس بسمع فيه سمع وبس وانشا الله ما بحضروا

[سرور]

استغفر الله لااريد ان احشر معهم يوم الحساب

[الدكتور امير]

المشاركة الأصلية كتبت بواسطة a.l.e.x لا بس ايش اعمل اسمي مهند هههههههههههههه هوا الواحد اه حرام بس يلا بنحضر بنتسلى زي هالناس

صح ولا لا

لا

شكرا على لاموضوع

مو تسلية هاد دعم للمسلسل لازم نقاطعه تماما

[الدكتور امير]

المشاركة الأصلية كتبت بواسطة مجدلاوي فايع هو يعني تحسسنيش انو كل اللي بنعملو حلال ووقفت على هادي بس اللي حرام ... هو حرام زيو زي الاغاني زي زي زي زي

بتمناش اكون زيو لأني احلى منو هه

بس هو مسلسل للتسلاية بعرفش ليش عاملينلو كل هالدباجة هاي ... مسلسل وبحضرو ايش فيها يعني !!

بس صديقي العزيز هذا المسلسل اثر بشكل كبير على المسلمين جميعهم بما لا يدع مجالا للشك فيه