اتفضلوا : وأعطونــا رأيكم بنــور ومهنـــد ؟

[براءة]

بسم الله الرحمن الرحيم

(ومن الناس من يتخذ من دون الله أنداداً يحبونهم كحب الله والذين آمنوا أشد حباً لله )

مسلسل نـــور ومهنــــد

حقيقة لا أدري من أين أبدأ وما هو الكلام الذي سوف انتقيه لكم ؟؟
ولكن سوف أبدأ بكل كلامي المجروح
وايضا كلماتي ستكون جارحة لمن يملك الإحساس فقط ..
وحالي يتقطع علي هذه الأمة الإسلامية التي باتت لا تدري بما تفعله
أنا أجزم انها تفهم حقيقة هذا المسلسل التافه ولكنها تتعامى عن تحريمه

سوف أبدأ بسرد كلام بعض شرائح المجتمع عن هذا المسلسل :

أبدأ من ما أسمع في الجامعة : كلام الشباب والبنات
البنات: بدفع نص عمري بس أشوف مهند ع الطبيعة وبعدها أموووت
يا ريت لو أسلم عليه بكون ملكت العالم وما فيه
لو أتصور معاه صورة أحتفظ فيها
يا ريت لو عنا شب بيشبه نص مهنـد بالبلد ( هذه من أكثر الأقوال )

.............

صدقوني وما هـــذا إلا قليــل جــدًا لكن الباقي كلام تقشعر له الأبدان
لا أريد أن أخوض فيه كثيرا لان نسبة منكم تعلم هـذا الكلام السخيف

أما عن شباب أمتنا الله يهديهم :
والله مش عارف علي شو البنات متولعين في الأستاذ مهند
علي شو فرحانين فيه مع انو مش هالحلاااه يعني...

.............

بالفعل كلام الشباب صحيح لكن هذه ليس نصيحة من الشباب للبنات
وانما هي مجرد غيرة من مهند حتي أغلب الرجال يمنعون نسائهم وبناتهم واخواتهم
من مشاهدة هذا المسلسل ليس لانه محرم إنما لأنهم يغارون من مهند لجماله (كما يدّعون)...

حتى أن بعض الأعضاء في المنتديات يضعون تواقيع تشمل صورة نور ومهند
ليس في المنتديات فقط بل في غرفهم وخلفية الجـــوال ...
ما هـذا الذي يجري لهذه الدرجة وصل بنا أن نشبه أنفسنا بهذه الأشكـال المخزيـة؟!

إلي متى هذا الحال ؟؟؟؟
لا أريد جواب ( فترة وبتعدي أو عندما ينتهي مسلسل نور )
واذا خرج غيره سوف ننتظر عندما ينتهي الآخر ؟!!!

رسالتي إلي بنــــات (المسلمين)
أنا تعمدت أنا أضع المسلمين بين قوسين كي تفكري كثيرا في رسالتي
لاتقولي لي بأن الممثلين مسلمين ويؤمنون بالله مثلنا
إسلامنـــا ليس بهذا الشكل هــؤلاء من أتبـاع الغرب هـؤلاء أغبيـاء
وأنت يا من تهدرين وقتك في مشاهدة هـذا المسلسل ( انتي غبية )
هؤلاء يريدون أن يجرونا في مستنقعهم القذر

قال الرسول صلى الله عليه وسلم :
«لتتبعن سنن من كان قبلكم شبراً بشبر وذراعاً بذراع حتى لو دخلوا جحر ضب لدخلتموه ».

والله اني أبكي علي ما أصاب هذه الأمة من ضيـاع وهـلاك
والله الذي لا إله إلا هو (( ان الهزيمة تأتي من هـؤلاء الذين يتغنون بهـذا المسلسل التافه ))
انتبه/ي لنفسك قبل أن يأتي يومـاً لا ينفع فيـه النـدم علي ما فـات
أطيع/ي الله ورسوله ولا تعصيه حتي لا تقع/ي في معيشة الهـلاك

انا لم أوف حق المجتمع بما يتكلم عن المسلسل بما فيه الكفاية
لأنهم مخدّرون برؤيته

أختم بالدعـاء
اللهم إنا نسألك الهداية لجميع شباب وبنات المسلمين
اللهم انا نسألك ان تنتقم وتدمر كل من يسعى لنحر الفضيلة والأخلاق في أمتنا
اللهم أهلكهم بددا وأحصهم عددا ولا تغادر منهم أحداً ..
آمين يا رب العالمين...


.

.

[اميرة باخلاقها]

المسلسل حلو
ومشوق

بس ما لازم يتعدا حبنا الو مجرد انو مسلسل

والله يعين الناس على عقولهم

بعين الله

شكرا حبيبتي على الطرح

يعطيكي العافية
تقبلي مروري

[ايــاد]

دًٍوٍشًِْتُِِّْوٍنْآ بٌَِنْوٍرٌٍ وٍمًهٍَنْدًٍ

مًنْ كَتُِِّْرٌٍ مًآ نْزٍُل مًوٍآضًٍيَعًٍ عًٍنْهٍَمً

صٍْآرٌٍ عًٍنْدًٍيَ فْضًٍوٍل

وٍصٍْرٌٍتُِِّْ آحٍّضًٍرٌٍوٍ للمًسٌِِّلسٌِِّل

تُِِّْمًنْوٍ آشًِْوٍفْ شًِْوٍ آلعًٍيَبٌَِ فْيَهٍَ

بٌَِسٌِِّ عًٍكَلنْ

يَعًٍطُْيَكَ آلعًٍآفْيَهٍَ

وٍشًِْكَرٌٍآآ عًٍ آلمًوٍضًٍوٍعًٍ

[Arabian girl]

انا بالنسبة الي اهلي ماشاء الله عليهم
لما يبلش المسلسل كلهم يتجمعو عند التي في
عشان هيك الا ما احضر منو
بس رايي في
انو مسلسل ممل وكلو حب
يعني ما في خناقات متل الناس او قصة معينة هههه
مشكورة ع الطرح

[limar]

يعني والله العظيم حالنا ببكي

تاركين كل شي ومبلشين بنور ومهند

هادا الي ناقصنا

ليش هيك حالنا صار

مين همة يعني هدول لحتى يخلو كل العرب يجتمعو

لا حول ولا قوة الا بالله

ما اجتمعنا على الجهاد والادين حتى نجتمع على نور ومهند

والله حالنا ببكي

ما بعرف انا نفسي بس اوصل لتفكير الناس هاي

الي بموت بمهند والي بيعشق ما بعرف مين على شو طيب

لاي مرحلة من التفاهة وصلنا

والله في عنا اشيا اكبر من هيك كتير بتملي حياتنا

هادا كلو علماني

العرب صارو اتفه من التفاهة

حتى هداك اليوم بنشرة اخبار قناة العربية حكو عن هالموضوع

ال 60000 فتاة سعودية غيرو اسمهم ل لميس

وانو الخليدج الاكثر تاثير بهيك مسلسلات

بس عشو

يعني وئت باب الحارة كان الو هدف ومعنى

صور حال العرب على مجتمع صغير

في منو هدف كان

اما هيك مسلسلات هدفها تخريب مجتمعنا وعاداتنا وتقاليدنا

حكيت كتير من ئهري والله

لانو التفاهة زادت عن حدها بمجتمعاتنا

ويعطيكي الف عافية اختي

مشكورة

[Arabian girl]

المشاركة الأصلية كتبت بواسطة limar يعني والله العظيم حالنا ببكي

تاركين كل شي ومبلشين بنور ومهند

هادا الي ناقصنا

ليش هيك حالنا صار

مين همة يعني هدول لحتى يخلو كل العرب يجتمعو

لا حول ولا قوة الا بالله

ما اجتمعنا على الجهاد والادين حتى نجتمع على نور ومهند

والله حالنا ببكي

ما بعرف انا نفسي بس اوصل لتفكير الناس هاي

الي بموت بمهند والي بيعشق ما بعرف مين على شو طيب

لاي مرحلة من التفاهة وصلنا

والله في عنا اشيا اكبر من هيك كتير بتملي حياتنا

هادا كلو علماني

العرب صارو اتفه من التفاهة

حتى هداك اليوم بنشرة اخبار قناة العربية حكو عن هالموضوع

ال 60000 فتاة سعودية غيرو اسمهم ل لميس

وانو الخليدج الاكثر تاثير بهيك مسلسلات

بس عشو

يعني وئت باب الحارة كان الو هدف ومعنى

صور حال العرب على مجتمع صغير

في منو هدف كان

اما هيك مسلسلات هدفها تخريب مجتمعنا وعاداتنا وتقاليدنا

حكيت كتير من ئهري والله

لانو التفاهة زادت عن حدها بمجتمعاتنا

ويعطيكي الف عافية اختي

مشكورة

يعني شو هاد يا ليمار
جد لسانك بنقط عسل
وانا من رايك 100%

[Twin]

شو ئصه التركي مكتسح الساحه هل ايام ..

الحمد لله وئتي مابسمحلي اضيع ساعه مشان احضر نور وغيرو .. بس بجد من كتر حكي البنات بكل مكان عنو روحت مره من الجامعه وحضرت حلقه من يمكن شهرين ... بجد انئهرت ... لايمدوا للمسلمين باي شي ولافيه اي قيمه اجتماعيه وفوء هيك بسمع البنات الزغار بالحاره بعدو ع السطح يحكو لبعض الحلقه ... شي بئهر

تسلمي ع الموضوع المهم ...

[MoHaDe]

بصراحة وباختصار
مسلسل تافه تافه تافه

الحمدلله انا ما بحضرو وهلي بالدار ما بحضرو واللي بدو يحضرو بسلخو هههه

جد حالنا ببكي كل هالشي عشقفة ممثلين لا بقدمو ولا باخرو
يا ريت الناس محافظة عدينها وصلاتها قد مهي محافظة عمتابعتو

عكلن الله يفرجها يا رب
يسلمو عالموضوع

[نرسيس]

انا بحضروا مرات
صحيح الو سلبيات بس بتعرفوا كمان الو ايجابيات لانو صار يلم العائلات بوقت واحد
يعني بالنسبة النا احنا بالعيلة كل واحد بكون مشغول بحالوا بس على وقت نور بتلاقي الاغلب قاعد بحضر فيه
بس وين المصيبة بعد ما يخلص المسلسل بنصير نحكي شو هالتفاهة وصار ممل وكلوا حب بحب
حتى مرات بحس لما اجتمع مع صحباتي ونحكي بحس انو الكل غيران من حب مهند ونور لبعض والكل حاب يعيش قصة الحب هاي
بس مرات بشعر انو في قصص الهن هدف في المسلسل مثلا لما كانت المراهقة تهرب من البيت وبالاخر صار فيها الحادث بتشعر انو بوعوا الاهل انو انتبهوا لاولادكم ويعني في كتيييير قصص ما راح اذكرهم
بس حابة اضيف معلومة انو الاخ مهند (انا بكرهوا كتييير وما بشوفوا حلو لاني بشعر انو تصرفاتوا تصرفات مراهق) المعلومة هي انو هو شاب مثلي يعني ما بهتم بجنس الاناث (ميولوا للذكور) والمسلسل ما نجح في تركيا بسبب سمعة مهند الي من مرة في تركيا
تحيااااتي

[مجدلاوي فايع]

مسلسل امنيح ماشي حالو ... والحلو انو 160 حلقة يعني لو ضيعتلك تلات اربع خمسة وسبعين حلقة مش اشكال


يعني مسلسل زيو زي غيرو