أيهما أفضل أصدقاء الانترنت أم أصدقاء الواقع؟!

[فلسطينيه والراس مرفوع]

كلنا يعرف مدى أهمية الصداقة
ومدى أهمية إحسان إختيار الصديق
هناك أصدقاء الدراسة
أصدقاء من العائلة
أصدقاء الطفولة
وأصدقاء الإنترنت
والنوع الأخير هو الذي أرغب في التحدث عنه قليلا " أصدقاء الإنترنت " في كل يوم نقابل أصدقاء جدد في كل مكان
حتى في الإنترنت

لنتذكر
كم من صديق تعرفنا عليه من خلال الإنترنت وقف الى جانبنا وساعدنا كثيرا بل قد نحبهم أحيانا لدرجة كبيرة ربما تفوق حبنا لأصدقاء الطفولة او الدراسة بل ونحن لم نرهم أصلاً

.. سؤالي هنا ..

هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟

[اميرة باخلاقها]

انا برأيي اصدقاء النت احلى وافضل اصدقاء

وانا عندي كتيييييييير صديقات على النت بجننو وبعزهم اكتر من صديقاتي يلي على الواقع

مشكووووووووووووورة فلفولة حبيبتي على الموضوع الروعة متلك

تقبلي مروري

[عاشق قمرهم]

أي واقع مين لساتو بفكر بالواقع

[فلسطينيه والراس مرفوع]

المشاركة الأصلية كتبت بواسطة شيماء حسين انا برأيي اصدقاء النت احلى وافضل اصدقاء

وانا عندي كتيييييييير صديقات على النت بجننو وبعزهم اكتر من صديقاتي يلي على الواقع

مشكووووووووووووورة فلفولة حبيبتي على الموضوع الروعة متلك

تقبلي مروري

تسلمي حبيبتي شوشو

وانا كمان عندي كتير رفئات عالنت

بحبهم اكتر من رفئات الواقع

بس لما اختلط برفئات الواقع بحنلهم

يعني انا شايفتهم بعيني وبحكي معهم وسامعة صوتهم

يمكن احبهم اكتر من اللي لا بعرف شكلها ولا شي بيني وبينها غير الكتابة

منورة حبيبتي شوشو

ما انحرم من هالطلة الحلوة

[فلسطينيه والراس مرفوع]

المشاركة الأصلية كتبت بواسطة عاشق قمرهم أي واقع مين لساتو بفكر بالواقع

::

يعني ما عندك في الواقع حدا يا اياد؟

مممممممممم



معكـ حق مين هلاء بيفكر بالواقع

كلو عالنت

منور خيووو عاشق

مشكور على مروركـ

[CR@ZY DOLL]

هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟


ممممممم ،،


ما فيه فرء بالمرهـ


بس الاشي الوحيد اللي بفرء ،، انو اللي ع النت بحبك لتريئة حكيك وكلامك مش عشان شكلك او اي شي تاني


ممممممم ،،


اللي سحاب ع النت بعزهم كتير وبحبهم ،،


واللي بردو سحاب ع الواقع بعزهم وبحبهم ،،


ما بزن انو فيه فرء ،،

[السيف عدي]

يسلمو أختـــ فلسطينية ع الموضوع الحلو والمهم ..

( ما راح احكي كتير لانو في ناس بتقول اني بتفلسف كتير !! )

انا حاب نتعرف اكتر على تجربة الاخ عاشق قمرهم بالنسبة لهادا الموضوع ،، طبعا بعد اذنو .. واذنك ..

لانو قبل هيك سمعتو بقول في موضوع تاني نفس هالراي انو خلص ما بدو الواقع وبدو النت وهيك ..

واكيد من ورا هالراي تجربة في الحياة صعبة او شي مشابه . ميشان نخلي المناقشة غنية اكتر.

وياريت نوسع النقاش شوي ليشمل الحياة في النت والحياة الواقعية شو الفرق ؟ وشو احسن ؟

وهل الايام اللي بنقضيها في المنتديات والماسنجر بتعتبر تجربة حياتية متلها متل الايام اللي بنقضيها

في البيت والشغل ؟ . لانو انا لما فت الصفحة كنت بدي احط موضوع عن هادي الفكرة بس لقيتك

حاطة موضوع مشابه . فقلت في الاتحاد قوة . احسن ما نفتح موضوعين . نوفر ورق و حبر خخخخخ

اوكيه . اتمنى عاشق قمرهم يستجيب للاستضافة وهو مش تحقيق بس بدنا نستفيد من تجربتو ..

من غير تفاصيل خاصة اكيد لانو احنا ناس اكابر ونحترم الخصوصيات خخخخخ.

تحياتي لئلك ويسلمو على الموضوع .. تقببلي مروري ،،


( سؤال : تفلسفت شي هالمرة ؟؟ )

[Maram .. ~]

طبعا اصدقاء الواقع احسن..

لإنو بحس انو اصدقاء النت ما بينوثق فيهم..

ما بعرف ليش..

:)

[عسولة الأقصى]

مرحبا ,,

امممممممم ,, هدول شي و هدول شي تاني ,,

أنا شخصيا بفضل أصدقاء النت ,, و بنفس الوقت ما بستغني عن أصدقاء الواقع ,,

بحس انو صديقة النت,, بتكون صادقة ,, و بتربطك معاها رابط غريب ,, و حتى طبيعة المشلعر تجاها غير عن المشاعر تجاه صديقة الواقع ,,





و كمان في نقطة مهمة ,, أنو مش دايما يوفق النسان بأصدقائه سواء على النت أو في الواقع ,,

بالتالي تجربة سيئة سواء بالواقع أو على النت لا تعني تعميم الفشل عليه ,,

وبس ,,

تسلمي حبيبتي فلسطينية ع الطرح ,, كتيير حلو و بمكانو ,,

تحيتي لكي ,,

[الدكتور امير]

يعني انتي عزفتي على الوتر الحساس

مو دايما
لكن يشهد الله علي لدي اصدقاء على الانترنت اوفى من اصدقائي على الارض هنا

مشكورة على الطرح الحلو