ما بعرف-----بليز اعطوني رايكم

[رهينة دمعة]

ما بعرف

بحكولي اني شاطرة بالتاليف ، هادا الموضوع ألفته بصف تاسع ، يعني العام
قولو بسم الله
ما بعرف اذا كان اللي بكتب فيه هو مجرد هواية ، او تفريغ مشاعر و كبت... بس الاشي الوحيد اللي بعرفه اني لما آجي اكتب... بحس انو كل اشي حوالي اختفى... بصير بعالم تاني.. ما في حدا غيري انا و قلمي..
و لما امسك قلمي بروح لعالمي الخاص.. العالم اللي محدش بعرفه الا اللي عاشه .....
لما اوصل مطاره بحس حالي بدي اختنق .... بس اول كلمي .. وبصير كل ما فيّ بدو اول كلمة.. و هيك ... لحتى تشرف اول كلمة... ساعتها بحس انو كمان الكون صار فاضي و مضلش في حدا ... حتى ساعتيها ما بقدر اني اسيطر على نفسي . بصير تيار الحكي يمشي من عقلي على كتفي وبعدين على ايدي ... ولما يصير على باب اصابعي بصير فيه تيار بخلي اصابعي يتحركوا .... و هيك.. لحتى ما تبقى أي فكرة جوا عقلي ... يعني زي الصاعقة _اذا سمعتوا عنها_ بعد ما تتفرغ في الارض.
عن جد هادا شعوري لما أكتب .. او حتى قبل ما افكر اكتبه.... و لما حدا يحكيلي انو ما بعرف يكتب بصير احكي بعقلي........... اووووف شو بدائي........ طبعا لانه بنظري اذا الواحد ما عرف ايكون لحاله عالمه الخاص... بروحله ايمتا ما تعب او حس انو بحاجة انه يحكي سره للجزء الآخر المختفي من حياتنا ما رح يقدر انو يرتاح لو حتى يوم في عمره بدون ما يتعب أي حدا معاه........ طبعا بضلها هادي وجهة نظري
رهينة دمعة_______________-سحر القاسم

[نار القدس]

جميل ما خطه قلمك الرقيق صغيرتي لكنك بخيلة بالعطاء

لست بشاعر ولكني متذوق للحرف لذلك اتمنى ان تضيفي لهذه الزهرة بضعة ورقيات

ورجو ان تستمري بالكتابة ولا تتوقفي عند حد معين

كل الود عزيزتي

[ameerelarab]

ليش لا

الابداع هيك بيكون وببداء

المهم تستمري

وتحسي انه الي بتكتبيه اله قيمه

مش مهم يقيمه الاخرين


جميل ما خط احساسك


تحياتي

[جيفارا*نابلس]

أنا لا أكتب الأشعار
فالأشعار تكتبني

اتبعي توقيعك

[رهينة دمعة]

عن جد يسلمو كتير ، ما توقعت تردو بهالسرعة ، يسلمو نااار القدس على ملاحظاتك و ان شاء الله الله بعين
امير العرب وانا هيك كمان بحس ، جيفاار نابلس يسلمو و يمكن ......

[عازفة الاحزان]

هذه هواية اختي وموهبه من عند لله عز وجل
وننتظر ابداعك واطلالتك علينا بعطر كلماتك
تحياتي وتقديري لك
بكل الود