قوه الايحاء

[&نسيم الروح&]

لما كنت صغيرة كان عندي عقدة اسمها رياضيات يعني بكرهوا وما بحب افهموا علما انو لو بدي افهموا بقدر بس خلص بحسوا اشي زنخ وكنت دايما اجيب علامات واطية في السنة هي نفس الموال والقصة بس هي السنة حكيت لمعلمة الرياضيات مشكلتي انو انا ما بحبو بحسو صعب وكان دايما يعزز هاد الشعور انو تكون علامتي قليلة في هي حكتلي انو لاء هي السنة كتير سهل الرياضيات وحلو وانتي رح تجيبي علامات في اكيد,فعلا بأول امتحان جبت 6 ومن 7 وكنت فاهمة اول مرة بحس حالي فاهمة ما كنت اعرف من وين هاد الشعور بمجرد انها حكتلي هيك.
بعدين لما فكرت شوي عرفت انو هاد قوة الايحاء هي بمجرد انها قالتلي هيك زي كأنها استخدمت التنويم الايحائي معي اقولكم كيف الكلمة الي حكتلي ياها دخلت على اللاوعي عندي والمسؤل عن التصرفات اللارادية والعادات اليومية هلأ اللاوعي حس انو الكلمة مهمة فخزنها ونفذها بشكل فوري على شكل احساس بقول انو انا شاطرة بالرياضيات ورح اجيب علامة كاملة وهيك.

كمان مثل لما نقول كلامك اثر في الرأي هاد اقنعني كل هاد الكلام تأثروا بقوة الايحاء الي بكلام الاشخاص الي سمعو منهم هالكلمات.
هلأ من هون بنفهم انو الايحاء هو كلمة او جملة بتترتب بشكل بخليها توصل للاوعي مباشرة فبقوم بتخزينها وتنفيذها بشكل سريع.

لو شفت حدا مثلا وقلتلوا ليش هيك وجهك اصفر شكلك تعبان يمكن مو مرتاح اليوم..حتى لو هو ما كان هيك الي بصير غالبا انو الشخص رح يشعر بالي انت حكيتوا ويمكن يضل طول اليوم حاسس بتعب بسبب اني استخدمت الايحاء معو فوصل الايحاء للاوعي فراح اللاوعي صدقوا هالكلام وراح نفذها ومن هون بنعرف انو مو لازم تسمح اي ايحاء سلبي انو يدخل ويأثر عليك.
وللعلم كمان شغلة الادوية الي بنستخدمها اغلب شفائك بكون لثقتك بانو الدوا هاد رح يخليك تصير منيح .

المنوم الايحائي بقوم بعملية تنويم للاوعي يعني بخليه مسترخي ثم بيصدر الايحاءللعقل الباطن او العقل اللاوعي فالعقل بصدق ويقوم بتنفيذ هاد الايحاء مثلا *انت بتكره الدخان رح تبطل تدخن بكل مرة رح بتدخن فيها بتحس بشعور انو مابدك او الطعم مو زاكي*لو تكررت هاي الكلمات اكترمن مرة رح يشعر انو الطعم مو زاكي ووما بكون عندو رغبة انو يدخن فرح يبطل عنو بسبب انو اللاوعي عندو عمل على تفيذ الايحاء.

من هون بنفهم انو الايحاء قوة كبيرة بحياتنا يمكن استخدامها على الغير واكيد على انفسنا هاد بنسميه (الايحاء الذاتي)

كتبت الموضوع بصراحة لانو الايحاءات السلبية الي كنت اوحيها لحالي اثرت كتير ولفترة كبيرة عليي.
يارب اكون وصلت فكرتي صح.


منقووووووووووول