مع أو ضد ،، تعلم الفتيات لل .......

[وردة بين الأشواك]

بسم الله الرحمن الرحيم
السلام عليكم ورحمة الله وبركاته



تعليم البنات فنون الكاراتيه والدفاع عن النفس



في عصرنا الحالي صرنا نشوف كتير بنات بيختارو رياضة بتعجبهم للدفاع عن النفس متل الكاراتيه
وبيكملو فيها وبيوصلو لمراحل متقدمة وممكن يكملو الحزام الاسود

بالنسبة للاهل في منهم بيأيدو هالشي وفي منهم بيرفضوه تماما

اللي بأيدو الموضوع بيقولو انه البنت ممكن في اي وقت تتعرض لمعاكسات او مدايقات ولازم تعرف كيف تدافع عن نفسها وتواجه اي موقف بيقابلها ، وخاصة انه هلاء صارت طلعة البنت من البيت كتيرة مع اكمالها تعليمها بالجامعة .

اللي بيعارضو هالموضوع بيقولو انه البنت لازم تكون انثى رقيقة ما بينفع تتعلم هيك اشياء وانها للشباب بس ما بيصير البنت تتعلمها ، بالاضافة انه بيخافو تستعملو ضد زوج المستقبل !!



حابة اعرف رأيكم هل انتوا مع او ضد تعليم البنات لوسائل الدفاع عن النفس وليش ؟

[ريمة]

بالعكس لازم البنت تتعلم هيك اشياء وخصوووووووووصا بهاد الزمن يعني متل ما قلتي عشان تئدر دافع عن حالها في اي لحظة بتتعاكس فيها او بتتطلب قوة منها بس انو هاي القوة انها ممكن تستعملها لزوج المستقبل هاد بتتوئف على درجة الانوثة والنعومة الي فيها يعني . ويسلمو ع الموضوع

[**بيسا مشاكل **]

انا مع انو البنت تتعلم كلشي مش بس كاراتيه


ومدخلش النعومه بالريااضه

واكاراتيه نوع من انواع الريااضه


وبالعكس لازم البنت تتعلم هيك حركاان عشاان اتدافع عن نفسها بموائف حساسه

هههههههههههههههه ومش ضروري اتطبئ الموهبه او هالرياضه عجووزها ^^

انا بحب الكاراتيه وبحب العبو ^^

تسلمي عسوله عالموضووع

[زهراء المغرب]

ايه تتعلم حتى تضافع عن نفسها

[Twin]

ههههههههه
عارفين فراشه ايش كانت تعمل اول ما اجت فلسطين .. كنا نخاف نركب التكاسي مو متعودين يعني .. كانت تحط سكينه في شنطتها ... وياريتها سكينه عدله .. سكينه فواكه ههههه بس بتحس بالامان وهيه بشنتتها


رزء الله ع ايام زمان ... زكرتوني بأحمدايكس .. لما حكى لازم كل البنات يتعلمووو كاراتيه مشان يدافعووو عن حالهم .. كلنا استغربنا ...

بس بجد في احصائيه بتحكي انووو اكتر البنات بنات السعوديه الي بيتعلموو فنون القتال ..

انا بصراحه .. ضد تعليمها لهل فنووون .. يعني البنت طبيعتها رقيقه ... وهاي الالعاب بتناسب الشباب ومابتتناسب مع طبيعه البنت .. .. اما اذا كانت في مجتمع خطر وحاسه انها ممكن تتعرض لهيك مواقف ممكن بس ما اظن انها تكون اقوى من الشب بس تتعرض لهيك موقف بتصير ترجف وبتخاف وهاد بأثر حتى لو متدربة مزبوط .. بعتقد البخاخ افضل سلاح

[خيـرَ أُمـة]

مش غلط تتعلم ...

واذا كان الموضوع حساس فعلى الأقل تتعلم كيف اتدافع عن حالها .. في دورات قصيرة بتعلم البنت الدفاع عن نفسها في حال محاولات التحرش !! وبتكون دورات قصيرة يعني 3 اسابيع او شهر ..

علمو فيها البنت المناطق الحساسة في الجسم والي ممكن تشل حركة اي شخص لدقايق .. وقتها بصير معها وقت تهرب :)

طبعا الوقاية خير من العلاج ... والوقاية انها البنت تعرف وين رايحة وما تمشي لحالها بمناطق مشبوهة .. وما تطلع مع ناس ما بتعرفهم ..

موفقين ..

[خيـرَ أُمـة]

رزء الله ع ايام زمان ... زكرتوني بأحمدايكس .. لما حكى لازم كل البنات يتعلمووو كاراتيه مشان يدافعووو عن حالهم .. كلنا استغربنا ...

لسا ما غيرت راي ...

طبعا الكل ما عدى زوجتي ههههههههه

عارفين فراشه ايش كانت تعمل اول ما اجت فلسطين .. كنا نخاف نركب التكاسي مو متعودين يعني .. كانت تحط سكينه في شنطتها ... وياريتها سكينه عدله .. سكينه فواكه ههههه بس بتحس بالامان وهيه بشنتتها

سكينة فواكه !!
يالله الكحل ولا العمى :)

والله ما عرفتها ضريبة مواس له له له

[توتي القمر]

انا معي الحزام الابيض...واااء
بدي اوصل للاسود
واخوي في الاسود سابقني...وااااااء
بس شو يعني لو البنت تعلمت فنون القتال ... ؟؟؟؟؟؟!!!!!!!
يعني صحيح انه البنت رقيقة...بس مهي رقيقة بكل الاوقات ...بس لما ييجي وقت الدفاع عن النفس ما بتضل رقيقة ...لازم يشتغلو العضلات حتى تدافع عن نفسها خخخ...ولما تخلص الطوشة او المشكلة بتسير نواعم...!!!^_^
واحنا في زمن العجب والعجاب... لهيك فنون القتال ضرورية وستين ضرورية
(وخصوصا لما الواحد يعصب وبدل ما يروح يدمر الدنيا ويكسر ...لا لا لا يروح يضرب كيس الكراتيه بوكسات...هيييع واحدة من هون ووحدة من هون بوكس بوكس كيييييييييييييع)
مشكورة كتير كتير كتير على الموضوع العسل متلك
ولا تحرمينا من جديدك المميز يا مميزة^_*

[وردة بين الأشواك]

المشاركة الأصلية كتبت بواسطة ريمة بالعكس لازم البنت تتعلم هيك اشياء وخصوووووووووصا بهاد الزمن يعني متل ما قلتي عشان تئدر دافع عن حالها في اي لحظة بتتعاكس فيها او بتتطلب قوة منها بس انو هاي القوة انها ممكن تستعملها لزوج المستقبل هاد بتتوئف على درجة الانوثة والنعومة الي فيها يعني . ويسلمو ع الموضوع

وانا رايي من رايك ومع تعلم البنت لهالفنون

شكرا على المرور منورة

[وردة بين الأشواك]

المشاركة الأصلية كتبت بواسطة **بيسا مشاكل ** انا مع انو البنت تتعلم كلشي مش بس كاراتيه


ومدخلش النعومه بالريااضه

واكاراتيه نوع من انواع الريااضه


وبالعكس لازم البنت تتعلم هيك حركاان عشاان اتدافع عن نفسها بموائف حساسه

هههههههههههههههه ومش ضروري اتطبئ الموهبه او هالرياضه عجووزها ^^

انا بحب الكاراتيه وبحب العبو ^^

تسلمي عسوله عالموضووع

ههههههههه طب حلو - انا بشجعك على الكاراتييه وبحييكي على هالشي
انا بصراحة كان نفسي اتعلم زمان بس اهلي رفضو انه كيف بنت وتلعب كاراتيه !

شكرا على مرورك منورة يا قمر