XxX تتـزوجـنــــي !؟!؟ XxX

[white_rose]

(( تعرفت اليه في ظروف معينة .. فاعجبت به ..كيف يتحدث ..كيف يعبر ..كيف ان نظراته توحي بالصدق .. فعرفت انه هو من سيهفو اليه قلبي .. ترددت وقررت الا اقترب .. ولكني لم استطع ..مضيت في طريقي بلا هوادة .. التقينا عدة مرات .. وعرفت عن اخلاقه اكثر واكثر .. كنت المح في كلامه وتعامله معي نوعا من الاهتمام ..واهتمامه بل استطيع ان اقول مشاعره كانت واضحة جدا .. لكنه متردد .. متردد جدا .. ربما معي .. والتردد اعتبره آفة الحب .. فوجدتني ذات يوم اهتف له قائلة ( تتــــزوجنــــــي ) ..

تخيل عزيزي القارىء لو انك كنت في هذا الموقف فماذا ستفعل ؟؟؟
وهل ترى بانه شيء عادي ان تطلب المراة يد الرجل ( والله هذي اخرتنا شكلها ههههه :D )
وهل ستعتبر هذه المراة طبيعية وهل ستحترمها بعد قرارها هذا ؟؟؟؟؟؟؟

وانتي عزيزتي القارئة .. هل من الممكن ان تتخيلي نفسك في هذا الموقف ؟؟؟؟؟
وهل تقدرين هذه المراة الجريئة ام تزدرينها ؟؟؟؟

هالموضوع خطر ببالي من يومين ( لا تخافون ما بخطب حد منكم هاهاها :D ) وقلت ليش ما نتناقش فيه
ومابعرف اذا سبق ونزلوه حد ولا لأ..

لكم تحياتي ولكم شكري على المرور مسبقا ..

[عذراء فلسطين]

انا مستحيل اتخيل حالي بهادا الموقف لانو كراكتي فوق الاعجاب او الحب لو انا بطلب من شاب تتزوجني راح يحتقرني وانا ما بتهون علي كرامتي واكيد ما بقدر هاي المرأة لانو عاداتنا وتقاليدنا ما بتسمح بهادا الشي وكمان بالعكس هاي مش جراة هاي شي تاني بتتسمى
انا ما بتصور حالي هيك لانو انا بستحي اقول لواحد بحبك كيف لو اقولو تتزوجني شو بصير فيي هههه

يعطيكي العافية

[أبو فادي]

وماله

وخليه بكرة يتشمت فيكي و يقول لولادكم ....... امكم جرت وراي لما حفيت

هههههههههههههههههههههههه


بالنسبة لرأي فأنتا أرى انه من الصعب ان تطلب امرأة رجل للزواج رغم اباحته في الاسلام

لانني من المعارضين للعلاقة اصلا بين الشاب و الفتاة في ظروف لا تحتم وجود العلاقة اصلا

والعلاقة يجب ان تكون عن طريق قنوات لها اسس صحيحة وعلاقات صحيحة

وخلاف ذلك لن يكون له اي نتائج محمودة


وبصراحة ان الشاب اذا كان واع ويريد علاقة و نهاية سعيدة فهو سيكون مستعد و يخطط لهذا الشئ فلا تستعجلي

واذا كان له نوايا غير ذلك ( للتسلية يعني )) فسيكون اول الهاربين لانه لن يستطيع تقديم شئ



وفقكم الله


وعلى ما اعتقد انه هالموضوع طرح سابقا ......

[احلا ماسة]

با عتقادي انو مجتمعنا العربي مجتمع رجل واحنا اعتدنا على انو الرجل اللي يطلب يد المراة ويخطبها واكيد فيها حفظ لكرامتها وشانها امامه وامام اهله
شكرا على الموضوع

[farah]

اوافق ابو فادي ومسوس للردود كفو ووفو الحمد لله

[anos]

والله يا عمي الموضوع للصبايا (ولا شو أبو فادي)

تسجيل مرور فقط

يسلموووووو لطرح الموضوع

[عقرب فلسطين]

الموضووع حلو ورائع..

بس والله هادي الايام ما بستبعدها والله

بس مو حلوه بحق البنت انو تحكي للشب تتزوجني..

بس ممكن تحكيها بطريقه تانيه..وتحكيلو انا بحبك وبدي اياك تيجي تتزوجني عشان مو متخيله حياتي بدونك..

اسألو مجرب ولا تسألوا طبيب..

هههههههههه

بس جد انا ما بستبعدها من بنات هادي الايام..
طبعا اكيد مو كل البنات..في فئه من البنات ممكن تعملها..

[white_rose]

مشكورين جميعا على المرور اللطيف وانا كمان بنضم لجميع الاصوات الي قبلي بس انا حبيت اطرح الموضوع وبس وكمان لازم يكون كرامه للبنت وكمان كرامتها بتمنعها اكيد بس على قولت عقرب فلسطين بنات الايام ما بعرف والله يمكن يعملن هيك ما بعرف ......

[أبو فادي]

لا انوس مافيها شي لو طرحنا رأينا فكلنا اخوة والموضوع ما بخص فئة محددة

وفقكم الله

[بياع القلوب]

انا..ما..هضمت..الفكره..ابدا..
لانه..بعتبر..البنت..بهالحاله..
اهلها..ماعرفو..يربوها
هادا..رايي