ماذا تفعل لو طلبتك فتاة للزواج؟؟؟؟

[قسامي رفح]

السلام عليكم ورحمة الله وبركاته

نعلم بأن الكثير من الرجال قد يعجب بفتاة ثم ما يلبث ان يخطبها ويتزوجها ويحقق الله مراده
ولكن هل تعلمون بأن هناك الكثير من الفتيات يقدر الله عليها بأن تعجب بشخص سواء لدينه او اخلاقه او سعة ادراكه.....الخ من الصفات التي تكون كافيه بأن تجعلها تتمناه زوجاً فالحب والكره والموده من الله سبحانه وتعالى لم يختص بها جنس معين ..

ولكن في مجتمعنا الحالي نجد ان هذا الشيء مرفوض كون ان فتاة تتمنى الارتباط بشخص ما فهي تعلم يقين العلم انه ان لم يكن يفكر بها فهو بداية طريق عذاب لمشاعرها ....

فالتساؤلات هناااا تكون في :

ماذا لو علمت بأن بنت عمك او خالك او احدى اقرباءك او معارفك تتمناك زوجاً؟

هل ستصغر في عينك كونها قد احبتك ؟ ماذا لو ان هذه الفتاة ارادت لفت نظرك لها بأي وسيله سواء بالتلميح لاحدى اخواتك او حتى ارسلت لك رساله وقالت لك انا معجبة بك بسبب تدينك او اخلاقك
واريد الارتباط بك على سنة الله ورسوله
بصراحه ماذا سيكون موقفك؟
وكيف كنت تتمنى الطريقه التي تشعرك برغبتها بالارتباط بك ؟
هل ستفكر في الموضوع وتنظر في اخلاقها ؟؟ ام سترفض فقط لكون المبدأ فتاة تقدمت لخطبة شاب؟
بدون احراج ولا تساؤلات حبيت اعرف أراء الجميع اذا ما كان لديك مانع
سوال فقط ونشوف ما ردود فعلكم
خالص تحياتي لكم بالمودة والمحب

ة

[&نسيم الروح&]

البنت لو عبرت بطريقه غير مباشره عادي

بس البنت مهما كان جريئه وصاحبه شخصيه قويه ما بتطلع منها كلمه بدي ياك زوج مستحيل

الا ازا كانوا يحبوا بعض بجد ممكن يتقبل الشب اما ازا هيك من البااب للطاقه مستحيل

وازا لمحت البنت او من غير تلميح حس الشب بهاد الشي انا من جهتي لو شب بعطي الموضوع اهميه

وبفكر في من ناحيه افكر باخلاقها ودينها وكل اشي

وعلى فكره ازا كانت البنت قريبه منه من قرايبه او زميله بالجامعه او العمل

في شي الانسان بحس في وبعرف انه فلانه بتحبه من عيونها وهاد دراسه علميه ما بتزكرها بالتفاصيل

بس الانسان بعرف الي معجب في بعرفه من ريحته وعيونه وابتسامته والله

وشي تاني كمان الي بحب او بده حد بكون مهتم في غير عن كل الناس بسال عن حاله وازا من القرايب

بتضيفه اول واحد حتى لو كان اخر واحد ووين ما كان قاعد بتبدا من عنده بتقول هو الاول فببساطه

بعرف انها بتحبه مهما كان غبي

وثانكس على الموضوع وسوري على طول كلامي

[S M S]

يا زلمة بعمل شاي وخلص




خخخخخخخخخخخخخ



طب بما انو القسم قسم النقاشات الجادة فأنا راح اجاوبك >>>>>>>>>




يعني بجتمعنا العربي والمسلم بتوقع انو صعب جدا بنت تحكي لشب بدي يااك زوج جد صعب

ما بتخيلها حتى طالعة منها



بس ممكن تحيكلو بحبك


لأنو الحب شي طبيعي وواقعي مدام كانت النية سليمة من الطرفين >> ألنهاية راح تكون الزواج <<




---


ولو صار اللي بتحكي عنوو


ممممم

ممكن انصدم اولهاا بعدين بنبسط انو بنت بتتمنى اكون زوجها هاد بحد ذاتو يعني شي كيتر منيح

لعدة اسباب >>


اول شي طلبت الزواج يعني على سنة الله ورسوله وهاد شي حلال وجائز ومش حرام او في اي منقصة لا سمح الله


بعدين مدام هي اختارتني اكيد شايفة في الرجل المناسب الهاا وفي دوافع قوية لحتى تحكي هيك شي ::


هاد رأيي ببساطة



ومشكور يا حج ^^

[صاحبة القلم الحزين]

No CoMmEnT

حلو الموضوع

وواقعي كتيييييير

بستنى أشوف أراء الباقي

و الله يجزيك الخير اخي لطرحه

:)

[نور الهدى]

غلط تصرح ،؛، مهما كان

الموضوع مش موجه الي ،؛، بس في نظري في اسلوب أجدى من التصريح

الشب مهما كان متفهم ما رح يتقبل فكرة انه بنت تطلب ايدو ^^

اشكرك على الطرح

[.:(خالد):.]

ممكن ايصير هالاشي فى حال كانت البنت بتحب شاب حب حقيقي ليس لشكله او مظهره

انما لاخلاقه ودينه وتكون تلك الفتاة تتمنى زوج صالح له اهمية في المجتمع

ويكون هدا الشاب فيه الصفات المطلوبة لها

يمكن الشاب ما يتقبلها اول الامر لانه هاذ شئ جديد عليه لكن ممكن يصير رابط بينهم

ومشكور اخي على الموضوع الجميل

يا ريت يحسو هالبنات ويشوفو كيف البنات الى عنجد

[NIGHT QUEEN]

هههههههههههههههههه

غريبة ازا كان

انا ضد هاي الفكرة

لكن لو حصل

يبقى يتزوجها حرااام

هههههههههههههه

[»رُوحٌ عَ ـآنَقـتْ آلْغُـيُومْ .!~]

يا اخي انا بشوف انو معها حق تحكي

يعني اذا هي حبت واحد و تمنت الها كزوج

رح يكون عطاءها اكثر بعد الزواج

و رح تعاملو بكل حب و احترام

لانو هو كمان احترم رايها و حبها

و اكبر مثال

امنا خديجة رضي الله عنها

فهي التي تقدمت و طلبت الزواح من النبي صلى الله علية و سلم

و كمان هو كان دايما بيحترمها

بس تبقى المشكلة

في المجتمع

مجتمعنا رافض هاد الفكرة اطلاقا

و صعب تتغير لو الفكرة

و مشكور ع الموضوع الرائع و المتميز

[blue-girl]

امممممممممممممممممم
لا تعليق
ولا رح طب طوشه من تحت راسي انا

[الوردة الحانية]

هههههههه

حلووة بس مستحيلة

يسلمو خيوو