هل كل فتاة بأبيها معجبة؟

[نور اليقين]

السلام عليكم

كل فتاة بأبيها معجبة

جملة دائما ما نسمعها

وتتردد في مجتمعاتنا

فغالبا ما يقال البنت حبيبة أبيها

والأب غالبا ما يميل ويحن للفتاة باعتباره

سندها ورجلها وأمانة يحملها على عاتقه حتى يجد لها الزوج الصالح والجيد الذي يسلمه إياها ليرعاها

ومع ذلك فكما يقال «هم الفتيات حتى الممات» وغالبا يبقى القلق على تلك المكسورة الجناح

ويتدفق الحنان عليها حتى بعد زواجها وانتقالها من كنف والدها إلى ظل زوج

كل ما يتمناه الأب هو أن يرعاها ويكون أمانا وعونا لها

وأحيانا نجد الفتاة تحلم بزوج يكون نسخة مصغرة لوالدها الحنون

وبناءً على تلك الخطوط العريضة ترسم تفاصيل قد تخالف الأب في بعضها

سؤال

هل فعلا كل فتاة بأبيها معجبة؟.


شاركوني واكون لكم شاكره

[أنين]

لا مو دايماً ,,

لأنو الاباء مو كلهم متل بعض

في منهم حنون ومافي متله

وفي ما بسأل ولا على باله

" اصابع ايدك مو متل بعض "

يسمنو حبيبتي عـ الموضوع

[.:: 23 ::.]

مش عارف شو داخل أعمل ...

شايف الموضوع بس للفتيات :(

ع العموم شكراً ع موضوعك :)

[.:.!دموع الرحيل!.:.]

ممممم

انا مع أنين .. أنـه مش دايمـا ً

لأنه مش كل الأباء متل بعض ..

وبيعرفوا يكونوا القدوة .. والمرجـع لبنـاتهم .. ومصدر الحنـان

حتى لو بدون قصـد

لكن بقول ,,

بشــــكل غــــالب نعم ..

غالبية الفتيـات بآبائهن معجبــات

غيرت الجملة

انا مني وعلييي ..

عندي بابا سبشل عالآخر .. (( مع إني ما كتير بظهرله هالشي )) مدري ليش

ودائمـاً بحكي عن نفسي هاي الجملة : كل فتاة بأبيهـا معجبـة

وكتير بلاحظ ميول الفتيـات لشخصية أبائهن ..

وبالنسبة للي حكيتيه

وأحيانا نجد الفتاة تحلم بزوج يكون نسخة مصغرة لوالدها الحنون

وبناءً على تلك الخطوط العريضة ترسم تفاصيل قد تخالف الأب في بعضها

100 %

مهمـا بلغت درجة الإعجاب بشخصية البنت بوالدهـا ..

ممكن ترسم بعض التفاصيل الصغيرة المغايرة ..

الله يخليلنا أهليـنـا جميــعاً فوق راسنـا

ويجعلنا من البارّين بهم

يسلمو يا قمر .. عجبني الموضوع .. وخليتيني اشتاق لبابا (( لأنه نايم ))

[خيـرَ أُمـة]

أعتقد الكلام فيه منه .. وان كان لكل قاعدة شواذ ...


في احد الحوارات في المنتدى .. احدى الأخوات قالت "بابا قال هيك" ولما حكينالها نادي ابوكي نتحاور معاه ... اعتبرت الموضوع اهانة الها ولوالدها وما نالنا غير السب والشتم هههه الله يسامحها ...

عموما المقولة فيها من الحقيقة الشيء الكثير ..

أخوكم

[عـــبـــد الـيـبـنـاوي]

والله اغلبب الشباب و البنات يرو ان اهاليهم قدوة

يقتدو فيهم..ومثل اعلى لهم...

[لولو اليبناوية]

ههههههههههههههههه ( بابا قال هيك )

والله بشكل عام فعلا بكونو القدوة الحسنة الهم..

لانو خلص بسيرو الابناء حتى العيوب الي عند اهاليهم

متعودين عليها...لهيك مش شايفينها ولا حاطينها ببالهم..

انا عني...بابا بدو اياني اضل عندو

ما بتخيل اني راح اكبر يوما ما وابعد عنو

على حسب قوله

ممممم وانا فعلا...وحدة بحلم اني اتجوز واحد بحنان بابا

وبطيبة قلبو

[خيـرَ أُمـة]

انا عني...بابا بدو اياني اضل عندو

ما بتخيل اني راح اكبر يوما ما وابعد عنو

على حسب قوله

ممممم وانا فعلا...وحدة بحلم اني اتجوز واحد بحنان بابا

وبطيبة قلبو

ههه

الله يخليلك بابا ويبعتلك واحد مثله : )

انا شخصيا الاتفاق بيني وبين والدي شبه مستحيل ... انا بواد و والدي بواد اخر ..

[نور الهدى]

مش دائما البنت تكون معجبة بشخصية ابوها و بتتمنى زوج مثله

انا شخصيا مش معجبة بوالدي

بس ما بيمنع طبعا من حبي اله و تقديري و و و ...

انا شخصيا الاتفاق بيني وبين والدي شبه مستحيل ... انا بواد و والدي بواد اخر ..

طول بالك ... مش انت الوحيد

[مارلين برلو]

لا مو دايما لانو مو كل الاباء متل بعض فى منهم الحنون وفى منهم الى قلبو قاسى

بس بالنسبة الى انا وبابا كتييييييير صحبة وكتير بابا حنون علينا
وانا بتمنى انو الله يبعتلى واحد متل بابا

ومشكورة كتير حبيبتى على الموضوع الرائع