ما رأيكم في الرجل اللي يساعد زوجته او اهله في ترتيب وتنظيف البيت؟

[limar]

نقاش أتمنى إن الكل يدخلوا
و يعطوني آراءهم

ما رأيكم في الرجل اللي يساعد زوجته او اهله في ترتيب وتنظيف البيت؟



كثيرا ما نسمع ان الرجل غير مستعد ان ينقل صحنه الذي اكل فيه الى
المطبخ.............
او انه يرمي ملابسه على ارض غرفته وغير مستعد ان يضبها في خزانته................

او ينتهي من اوراق او كتاب ويضعه اي مكان هو كان فيه ولا يرجعه مكانه..............

او........................

او........................

لماذا؟......................... هل ليس عنده القدرة على الاهتمام في بيته الذي هو يسكن فيه؟

او يعتمد على المرأة في هذه الاعمال؟

هل من العيب ان يقف الرجل او الشاب في المطبخ ويغسل الصحون؟؟؟ مثلا؟

او من العيب ان ينشر الغسيل؟


اعطوني رايكم

[غزاويه]

بصراحه الله يكتر من امثاله الرجال اللي بيساعد زوجته...

ليه الرجل ما يساعد زوجته في البيت...

عادي...

الرسول عليه الصلاة والسلام ...

كان يساعد زوجاته...

فابلعكس بيخفف هيك عنها ولو جزء بسيط......

تسلمي حبيبتي على الموضوع الرائع...

[الاماني الفلسطنية]

[B]["]مرحبا ... انا ماما لما تجوزت ما كانت تعرف تعمل الشاي ،، كلوو بابا

الي علمها اياه .. ولحتى الان لما تكون مريضه بفوت معنا المطبخ نطبخ ونخبص سوا .. كون

الرجال يساعد مرتوو ما بيقلل من شانوو بالعكس بيخلق جوو مرح ومتعه وجوو اسري كمان ،،

يعني هلالا لما كان يفوت معنا المطبخ بابا بنئعد نغني ونلعب .. حتى بيئثر عالابناء مستقبلا

يعني بيتعلموو من ابوهم الاحترام والتعاون .. هههه مره بابا طبخ ملوخيه .. صورناه وهوه بيخرط

فيها وبغني .. بعتناها لتيته بفلسطين بنحكيلها شوفي ابنك المعدل ...

شكرا limar ع الموضوع الحلووو

[Abu Shadi]

عادي ما فيها اي شي

انا اكثر من الشيف رمزي

بتجيلي نهفات نهفات

بعرف اعمل طبخات المطاعم طبخات البيوت نوو

ما بعرف

بتلاقيني لمن بجوع بزبط الصفرا

والي بقعد معي

بفكر حالو بطعم

بعمل الشنيتسل الشيش طاوك والمشاوي بشكل عام

بعمل العصائر

يعني ما فيها اشي

واحيانا بنجبر اجلي ورايا

بجلي عادي يعني هههههههههههههههههههههههههه

تحيتي الك خيتووو

[limar]

شكرا على المرور انا كمان برايي مافيها شي لو ساعد الزوج زوجته
بكون في مشاركة ب الحياة اكتر وتقارب للنفوس اكتر كمان
الاحساس بعمل الغير متل ما الزوجة ممكن تساعد زوجها بانها تشتغل هية كمان وتساعد بمصروف البيت
حلو ازا حس فيها وساعدها هوة كمان
شكرا الكم على المرور

[الرمشـ الحساسـ]

هع هع هع ما فيها شي........بالعكس كووووووووول>>>يعني بابا ممكن يؤووم ويحط عشا أما اخواني مستحييييييييل ما بعرفوو>>>>بس مو صعب الواحد يتعلم...
وانا مع الرجال الي بساعدو بالبيت ما فيها شي.......لا عيب ولا حرام............

وأكبــــــــــــــــــــــــــــــر تحية منـــــي لابن بلدي((ابن فلسطين))
يسعدلي اياكـ ما أشطركـ>>>>ياريت الكل متلكـ..كووووووووووووووووووووول..

تسلمي حبيبتي عالموضووووع الحلووووووووو كتييييييييييييييير..
تقبليـ مروريـ..

[ريمة]

بالعكس الرجال لما يساعد اهلو ومرتو بتبين رجولتو هيك وأديه هو منيح ويااااريت رجال هاي الايام فيهم هاي الشغلة يعني انا اسفة يا شباب هاد المنتدى بس في شباب اعوزو بالله منهم ولا بطيؤو يعملو شي من تحت ايدهم يعني لاااازم كل شي يوصلهم ع الجاهز

[مطر_الخريف]

انا رايي انه من الطبيعي والمنطقي انه الواحد الطبيعي طبعا انه اقل ما فيها يعني يعتمد على نفسه اقل شي في اشياءه الشخصية مع انه في مجتمعنا معظم الشباب ما بهتمو بهاي الاشياء ويعني بفكرو انه هاي الاشياء خاصة بالبنات فقط وهذا بسبب اسلوب التربية بالبيوت يعني متعودين انه حدا يخدمهم يعني حلو انه يساعدو ولو بجزء بسيط صحيح طبيعة عملهم بتكون برا البيت بس مش غلط يكزنز متعاونين وشكرا على هالموضوع الحلو والمهم

[شهيد فلسطين]

برأي الموضوع يعود الى طبيعة كل رجل وطبيعة عمله ومدى فراغه

[limar]

المشاركة الأصلية كتبت بواسطة شهيد فلسطين برأي الموضوع يعود الى طبيعة كل رجل وطبيعة عمله ومدى فراغه

صح بترجع لطبيعة الرجل
بس السؤال انه شو رايك ب الرجل الي بساعد اهل بيته صح ولا غلط