مميزات المواطن الاردني

[المقدسيه]

مميزات المواطن الأردني

راتبه الشهري 200دينار وبصرف 500 كيف بعرفش


متابع خطوط الموضة خط خط ،و اللوك الخارجي قبل كل اشي

فطور يوم الجمعة فول،حمص وفلافل والغدا يا مقلوبة يا منسف

نص السيارات بالطريق بسوقها بنات

اللي بربح جوائز البنوك دايما واحد منتف ،منين عندو رصيد أبعرفش

دايما فاضحيين الفقراء المستورين على التلفزيون ،قال بدهم يمدوا يد المساعدة

كل أب عندوا ثلاث في الجامعات واحد في أبعد جامعه حكومية واثنين في خاصة

فاتورة الكهربا تلت أرباع قيمتها مالوش دخل في الكهربا

تسعين يوم بالصيف بتقضيها في الأعراس والفاردات

لازم تعمل رحله لو مره في السنة يا لوادي شعيب يا لدبين وباقي الرحل المحلية للحدايق

كل عيله فيها واحد أو اكتر مغترب يا في الخليج يا في أمريكا

ما في مدرسه بنات إلا حوليها ألف شب ، واحد سايق زعره اكزوزتها مخزوق و سيستم تبع صالة أفراح

كل مواطن معو خطين موبايل، فاست لينك أساسي والتاني لبعد الساعه11ولا واحد فيه رصيد لأنو الرصيد بينحكى فيه دفعه وحده

مزيعيين التلفزيون بتشوفهم من أول ما تنخلق لحد ماتموت

إذا انسئلت عن اسم فنان أردني بتزكرش الا عمر العبدللات

مشجعين القدم يا وحدات يا فيصلي

التسوق الشهري لازم من المؤسسة المدنية أو العسكرية

سهرات الصيف كلها على البرنده اللي على الشارع

كل الدنيا بتحسدنا على عدد عطلنا عشان هيك شطبوا نصهن

[محمود]

^^

ثانكس اختي ..

[رفيق من جديد]

شكرا
فعلا صحكتيني .. و كل الحكي صحيح !!

[رأفت]

كل الكلام مزبوط

و الله مميزات بتجنن

[لولو اليبناوية]

ما في مدرسه بنات إلا حوليها ألف شب ، واحد سايق زعره اكزوزتها مخزوق و سيستم تبع صالة أفراح

هههههههههههههههههه

يسلمو الك مقدسية

[Abu Shadi]

هههههههههههههههههههههههه

يعطيكي العافيه خيتو

موضوع ظريف وحلو
الله يعينهم

تحيتي الك

[الحان الحرية]

ههههههههههههههههههههه
يعطيكي العافية
كلاامك مزبوط
مع التحية
الحان الحرية

[اسجدلربي الي خلقني اردنيه]

هههه يسلموووو
ماشاالله شايفه المنتدى كلو عنا الاردنيين على كلا المحبه من الله وهاد ازا بدل بدل على اهتمامكو فينا
وان دايما على الباااال

[ضوء الشمس]

ههههههههههههه

متل مواصفات الفلسطينية

يسلمو