موسى مصطفى - منشد؟أم مغني؟

[سامي - الأحمد]

السلام عليكم جميعاً.....كيف حالكم؟؟وشو أخباركم؟؟؟؟

أكيد كلكم بتعرفوا موسى مصطفى....اللي كان منشد محترف.....

وبتعرفوا إنه طلع ألبوم أخير كله حكي فاضي إسمه أحبيني...هل يجوز إنه يبقى منشد؟؟؟كل الناس بحكوا عنه حتى بعد ما طلع ألبومه الأخير منشد ... وعن سامي يوسف مغني..مع إنه سامي يوسف ما غنا ولا أغنيه مخالفه لقوانين الإسلام...بس هاض اللي إسمه موسى مصطفى كل ألبومه أغاني خربانه ومش محتشمه من مره....شو رأيكم إنتو أعضاء المنتدى؟؟هل موسى مصطفى منش أم مغني؟؟؟

برأيي أنا إنه مغني مثله مثل باقي المغنيين....صحيح إنه كان منشد من زمان وأنا لحد الآن محتفظ بأناشيد إله (رح أعرضهم بعدين) بس للأسف إنقلب لمغني..ويا ريت لو إنقلب لمغني بس...بعرف كثير ناس كانوا متعلقين فيه وبعد ما صار مغني إنحرفوا معه وصاروا يسمعوا لكثير مغنيين ....... وأتمنى إنا ندخل نقاش بهاض الموضوع.....مشكورين....:icon 15:

[إئتلاف]

السلام عليكم
أولا أشكرك أخوي سامي على الملاحظة الهامة ..........
ثانيا موسى مصطفى منشد إسلامي ويبقى منشد وإن كان في تمادي في ألبومه الجديد أنا سمعت ألبومه الجديد وفيه تمادي لدرجة غير طبيعية ولكن كل إلي كانو يسمعولو حسو إنو في تمادي بألبومه أحبيني ولقي إعتراضا ونقدا منهم وحتوصلو تلك الإنتقادات ولكن سيبقى منشدا ولا نملك إلا أن ندعو له الرجوع والهداية كما عدناه ...
ثالثا سامي يوسف منشد إسلامي غصب عن إلي عاجبه ولي مو عاجبه والله يثبته ويجازيه 1000 خير وأنا صراحة من عشاق سامي يوسف
من جديد شكرا إلك أخي سامي على الموضوع ويعطيك ألف عافية ...
تقبل تحياتي
شكرا

[احلى رورو]

i don t know :))

[سامي - الأحمد]

بارك الله فيكي أختي ائتلاف على ردك الحلو....بس بالنسبه لبقاؤه منشد أنا محتار معه...أنا صابر لحد ما يطلع ألبوم جديد بعد أحبيني وبعديها بطلع الحكم..بس أنا بكرررهه عالآخر لأنه كان في إلي أصدقاء كل شي موسى مصطفى...وبالآخر صاروا يحكوا(إذا موسى هيك معناها هاي الأغاني مش حرام) وأنا أحاول بس عالفاضي..الله يهديه...

بالنسبه لسامي يوسف أنا كمان أثق ميه بالميه إنه منشد إسلامي....وأحترمه أكثر من أي شخص آخر....بس إقنعي العالم إذا بتقدري.......عالفاضي..بس عن جد اللي بكون عاقل وبفكر بحكيش عنه إنه مغني....وشكراً كمان مره على مرورك وردك الطيب أختي....


وإنتي كمان أختي رورو شكراً على مرورك وجزاكم الله كل خير

[إئتلاف]

شوف أخي إذا كان الشب مش مقتنع بالأغاني ولا بسمع أغاني فبمجرد سماعه ألبوم موسى مصطفى الجديد مارح يسمعو وحينتقدو أما إذا كان العكس فهاد النوع ما سدق موسى مصطفى يطلع مثل هيك ألبوم
عشان يصيرر يسمع أغاني وهاي النوعية من الشباب إلي قدامك إشي ومن وراك إشي تاني
أحسلك إبعد عنهم ....... (( مجرد نصيحة ))
شكرا إلك أخوي


ملاحظة ,,,,, أنا شب ومش بنت شكرا ....

[سامي - الأحمد]

حكيك صحيح أخي.....لازم الواحد من ساعة ما اشف ألبومه الجديد بطل عنه.....شكراً كثير أخي...ومتأسف لأني قلتللك أختي D: .......................

[ابراهيم عجوري]

اعتقد انه مغني

[الحان الحرية]

انا معك برأيك اخي الكريم
لازم يكون اسمه مغني
و عن جد اشي بيقهر
كل هالناس ((معجبينه)) صارو بيسمعو اغاني
مع التحية
الحان الحرية

[سامي - الأحمد]

شكراً كثيييييييييير لمرورك أختي ألحان الحريه.....ولردك الطيب

[أبـ ـو أسـ ـا مـ ـة]

السلام عليكم ورحمة الله وبركاته ..

يعطيك العافيه اخوي سامي .. انا برأيي انه مثل المغنيين ..

لانه دخل الموسيقى باناشيده .. وبعدين بالنسبة لسامي يوسف

ما بيفرق عن المغنيين برضو ومين قال انه منشد هو اي واحد طلع قال انه منشد .. واستخدم الموسيقى بيكون منشد .؟؟ الموسيقى حرام فكيف تسمعوا اشي فيه موسيقى وتقولوا انه اناشيد .؟؟

وبعدين انا قريبي حضرله مقابله .. وهو بلسانه قال انه مش منشد هو بيغني لشباب امريكا الفاضيين ..

ياريت الكل يعرف انه مش منشد سامي يوسف

تحيه طيبه