شو بيعنيلك عرب 48 ؟؟؟

[السيد الفلسطيني]

شو بيعنيلك عرب 48 ؟؟؟

بتمنى المشاركة بجد...والصراحه اكيييد...والسؤال بيضم جميع النواحي يعني من كل النواحي شو بيعنيلك هالشخص الي بيسموه على اسم ثوره صارت وحمل اسمها ...


شو بيعنيلك عرب 48 ؟؟؟

سؤال يحتمل الكثير من الاجوبة فلكل شخص رأي ونحن نريد ان نسمعكم .... ننتظر اجوبتكم على هذا الموضوع

تحياتي للجميع

[Abu Shadi]

الله يعينهم اهلنا الفلسطينية داخل الاراضي المحتله

فعلا ناس ما تنازلت عن ارضيها

هما اخوانا واحبابنا

وما بفرقو عن اهل غزة بالنسبة الي

الله يحميهم

في منهم ناس مش مزبوطة لكن في ناس سكرة وبعرف شبين من عرب ال48

والشبين طيبين جدا ونفسهم يوم من الايم يجو على غزة

رغم اني بقللهم شو بدكم في غزة هههههههههههههههه

الله يحميهم يا شيخ ويفرج عنهم

بردو هما بيتعبو اكثر منا

احنا عنا قصة المعبر

بس هما عندهم قصة المنع

ممنوعين يفوتو بعض الدو العربية لاجل انهم بحملو هوية اسرائيلية

تحيتي الك اخي على السؤال

واضح انك من عرب ال48 تحيتي الك اخي والهم

[أحلى مايا]

بصراحة انا طول عمري نفسي اعرف همي مين لو اتعرف على واحدمنهم عشان اعرفهم

بس بالاخير انهم فلسطينية وكلنا واحد

يسسلمو الك كتيير

[ابو وطن]

عرب 48 هم عرب فلسطينية رفضوا التخلي عن اراضيهم وبقوا
فيها ولم يستجيبوا للعدوان الاسرائيلي وحافظوا على اراضيهم
الى اليوم وانشاء الله الى الابد وربنا ينصرهم
شكرا الك اخي على الموضوع
تحياتي

[الاماني الفلسطنية]

والله كلنا اهل وكلنا فلسطينية بس الاحتلال فرء بينا ,,

وبتضل الضغوط عليهم اكتر منا , لانو مفروضة عليهم الجنسية الاسرائيلية ,,

ومنع دخولهم لبعض الدول الي ما فيها تطبع مع اليهود ,, ربنا يعينهم ويعينا على اليهود ,,

والله يجمع شملنا من تاني ..

تحياتي الك اخي السيد على الموضوع ..

تحياتي

[بسمة]

والله هما فلسطينية ما رضيو يسيبو ارضهم وعاشو مع اليهود واليهود كتير بيضايقو عليهم والله يعينهم

بسمن جهة تانية انا باعتقد انو هما عايشين حياتهم يعني منفتحين اكتر من اهل غزة