خلونا نكتب تاريخ فلسطين على طريقتنا اتمنى تشاركوني كلكم

[حنين04]

:FONT="Arial Black"]السلام عليكم جميعا :
بما انه هذا هو منتدى الفلسطيني العام عندي موضوع بتمنى كلكم تشاركوني فيه وهو تواريخ مهمه لفلسطين يعني تواريخ احداث مهمه للشعب الفلسطيني [/FONT]
بمعنى تاني :انا حابه كل واحد منا يدخل ويكتب تاريخ وشو اللي حدث فيه متلا مجزره او عمليه استشهاديه او تأسيس فصيل وهيك احنا بنكتب جزء من تاريخ فلسطين بطريقتنا الخاصه علشان هيك بتمنى من الجميع المشاركه
انا التاريخ اللي بدي اكتبه:24/5/1948 تاريخ النكبه
صحيح انه تاريخ مشؤوم بس بضله تاريخ هسه دوركم

[فلســرولاــطين]

بس تاريخ النكبة 14/5 مش 24


مشكورة كتير على الموضع
حلو كتير
بس جد هلا مش خاطر على بالي شي

او بحط 28/9
وقت ما فاق الشعب وعمل الانتفاضة التانية

تحياتي

[.:.!دموع الرحيل!.:.]

مــــوضوع جميــل وفكرة جيدة ..

الموضوع مثبـت بعد إذن المشرف ^^

ولي عـودة للمشاركة إن شــاء الله

[حنين04]

أولا شكرا على التثبيت .
وانا آسفه على الخطأ بالتاريخ أنا كتير حافظه تواريخ بس لما اجيت أكتب المشاركه نسيتهم كلياتهم.
أما ثانيا فتاريخي لليوم هو 11/6/1967 تاريخ هدم اليهود لحارة المغاربه .
شو وين مشاركاتكم يا جماعه بعرف حفظ التاريخ صعب بس لازم هاي التواريخ ما ننساها .

[الاجئ الفلسطيني]

موضوع كتيير حلو ومفيد

وتاؤيخي هو
6 اذار (مارس ) 1966
وهو ولادة المهندس الشهيد
رمز الجهاد
وقائد المقاومة

يحيى عياش

[.:.!دموع الرحيل!.:.]

583هجرية

2 أكتوبر 1187 م

فتحت الأبواب وخفقت راية السلطان صلاح الدين الصفراء فوق القدس

[حنين04]

8/10/1990 هو تاريخي لليوم تاريخ مجزره المسجد الأقصى
شكرا لمشاركتكم كلكم معنا وبتمنى من الجميع يشاركونا

[لانيا]

عام 1967

قام الجيش الاسرائيلي باحتلال الضفة الغربية وقطاع غزة

وعرفت هذه الحرب باسم حرب الايام الستة ، (النكسة).

تسلمي يا حنين على الفكره الحلوه
فعلا تستحق التثبيت

[حنين04]

تاريخي لليوم هو :15 شعبان سنه 2 للهجره
أما شو هذا التاريخ فهو تاريخ تغيير القبله من المسجد الأقصى للمسجد الحرام اما علاقه هذا بتاريخ فلسطين فاله كل العلاقه لان تغيير القبله نزل الأمر فيه في صلاه الفجر من هذا اليوم فصلى الرسول صلى الله عليه وسلم الركعه الأولى لجهه المسجد الأقصى والتانيه لجهه المسجد الحرام وفي هذا تأكيد للمسلمين أن مكانه الأقصى كجزء مقدس من حياتنا يجب أن يبقى الى يوم الدين ولربط قدسيه المسجد الأقصى بقدسيه مكه الى نهايه الزمان
تاريخ تاني هو 9/4/1948 تاريخ مجزره دير ياسين

[~ | Mazaj]

مشاركة عن اغتيال شخصية فلسطينية .. يعني همي ما رحمو يلي جوا فلسطين .. وكمان يلي خارج فلسطين .. يخزيهم ربنــا ..

إسماعيل الفاروقي ::

مفكر سياسي فلسطيني عمل أستاذاً في جامعة أنديانا في الولايات المتحدة الأمريكية، مؤلف حوالي 25 كتاباً أكثرها في الديانات الثلاث، وكان مرشحاً ليكون أحد أعضاء وفد المفاوضات الفلسطيني لمؤتمر جنيف للسلام. اقتحم الموساد بيته في الولايات المتحدة وقتلوه مع زوجته الدكتورة لمياء الفاروقي بتاريخ 27/5/1986.

ان شاء الله لي عودة