ليش لما !!!!!؟؟؟؟ اشيا دايما بنعملها.....

[حبيبة الالوية]

ليش بنرفع أكتافنا لفوق لما نمشي تحت المطر من دون
مظلة؟؟

يعني هيك ما رح نتبلل؟؟



ليش نخفض صوت المسجل أو الراديو بالسيارة لما نشعر انو
دخلنا بالطريق الغلط؟؟

يعني هيك بنصير بنعرف الطريق الصح؟؟



ليش لما تكون بطارية الريموت كنترول ضعيفة بنضغط بقوة
على الأزرار؟؟

يعني هيك بنشحن البطارية؟؟




ليش لما نكون جوة البيت و السماء بتشتي نسأل: شو عم تمطر برا؟؟


يعني بحياتها مطرت جوا مثلاً ؟؟؟



ليش لما نقرأ على الحائط احترس من الدهان ؟؟ بنصدقش الا لما نجرب
بأصبعنا؟

يعني بدك يللي دهن الحيط يحلفلك يمين؟؟



ليش لما تركن سيارتك في موقف فش فيه السيارات
السائق ال بعدك بوضع سيارته جنب سيارتك؟؟

يعني بيسيب الموقف كله وبيوقف جنبك!؟




اليش لما يتأخر المصعد نضغط اكم من مرة على الزر؟؟؟

يعني هيك بحس على دمو و بيستعجل؟؟




ليش لما تكون بتستناً المصعد و يجي واحد تاني بيضغط كمانً
لطلبه؟؟

يعني مو شايفك بالمرة!؟




ليش لما نتصل بالهاتف يكون الرقم غلط دايما برد ولا عمره كان مشغول؟؟

شو هالحظ ياللي بيفلئ الصخر يا !!؟




ليش بنكتب اسمنا أول اشي لماحد يعطينا قلم ؟؟؟

يعني لها الدرجة فرحانين باسمنا؟؟




و ليش لما واحد بيتتاوب ادّامك ,, بتقلّو نعسّتنا؟؟

لك شو دخلك انت !؟؟



ليش بعد ما نشرب آخر شفة من فنجان شاي بنطلع فيه إذا بئي كمان ولا
خلص؟

يعني ما بنصدق حتى نشوف؟؟




ليش لما نسمع صوت عالي او تكسير صحون مثلا , منسكر عيونا ؟

يعني شو بيخف الصوت اذا غمضنا ؟؟




ليش لما بتكون قاعد بمكان عام وبتسمع رنة موبايل فورا بتطلع على
موبايلك

شو هالقد مهم حضرتك لحتى يرن موبايلك بين كل هالبشر ؟




ليش لما تفوت على موضوع زي هاد بتقرا كلو
و لما تفوت على موضوع عن الرسول ما بتقرا !
على اساس بتعرف كل شي عن الرسول ؟

[جيفارا*نابلس]

ههههههههه

فعلا واقع

ولكن الموضوع مكرر

شكرا الك

[aBo SaLeeM]

ليش نخفض صوت المسجل أو الراديو بالسيارة لما نشعر انو
دخلنا بالطريق الغلط؟؟


هادي كتيير كتيير بتصير معي

[أحلى مايا]

[COLOR="Plum"][B]هههههههههههههههههههههههههه


اليش لما يتأخر المصعد نضغط اكم من مرة على الزر؟؟؟

يعني هيك بحس على دمو و بيستعجل؟؟

هادا اكتر شي بعملو خاصة لما اكون راجعة من المدرسة وزهئاني حالي خخخخخخخخخخخخخخخخخ

يسلمو الك موضوع روعة

[وليف الدمعة]

يسلموا كثير علي الموضوع فعلا اشياء واقعية وتحدث معنا بشكل يومي

تحياتي لك

[فراشة بير السبع]

بصراحة موضوع أكتر من روعة ،، وعلى فكرة عنجد كل اللي حكيتيه وأنا بسأل جد والله احنا لييش بنسوي هيييك؟؟؟؟ يعطيكي ألف عافية

[إسراء الفلسطينية]

عنجد موضووع حلو كتيير

يسلمو حبيبه

يعطيكي العافيه

[بنت الرملة]

مركرك :p