هل ممكن

[نسيم الروح]

تحياتي الكم شباب وصبايا المنتدى
خطر على بالي موضوع وما بعرف ازا سبق طرحه او لا وهو عبارة عن سؤال:
ممكن تتزوج/ي شخص معاق باي اعاقة ان كانت عقلية او حتى جسدية؟؟؟
وبدي ردود نتناقش فيها

[وتبقى دمعتي غامضة]

الســلام عليكم ورحمـة الله وبركاتة

/

/

تحيــه طيبــه

موضوع جداً حسـاس

أخيتي بانسبــه لي فالإعـاقه العقليه لا اتقبــل

لان الله تعـالى يقول وعـاشروهن بمعروف

فإن كانت الإعــاقه عقليه قد تنهضم حقوقـاً لي كثيره

الله يوفقك ويرعـاك

[نسيم الروح]

ميرسي الك اخي
وانا معك بهاد الراي

[Twin]

ليكي .. شوفي اذا جسديه متلا ممكن .. اما عئليه صعب شوي .. كيف يكون مجنون متلا ما بيصير كيف بدها الوحده تتفاهم معووو او تتواصل معوووو وانا كمان من راي وتبقى دمعتي غامضه .. قد تنهضم لي حقوق كتيره .....

تسلمي يا عسوله

[just-me]

والله يا حنين فلسطين انه سؤال صعب ليش..
تخيلي اني شفت صبية وهالصبية بتجنن بتاخد العقل بس للاسف عندها اعاقة ملفته للنظر او لا انابحكي اعاقة جسدية بتتصوري ما بفكر فيها
انا بتصوري الاعاقة عند المراة متل الاعاقة عند الرجل يعني البنات ما بيوخد شب اعمى او ابكم او اصمم او عنده اعاقة جسدية؟؟؟؟؟؟؟؟
بتصوري في هيك حالات
هاي بالنسبة للاعاقة الجسدية بالنسبة للاعاقة العقلية فالامور مختلفة على الاقل بالنسبة الي بتصوري صعب ارتبط بزوجه عندها اعاقة عقلية لانها بالحالة ما بتعرف تميز كتير شغلات وخاصة انها زوجة وانثى

[نسيم الروح]

ميرسي الكم توين و just-me
بس ياjust-me الانسان ما بعيبه شكله او انه عنده اعاقة جسدية لانه ممكن انك تحب بنت مقعدة او حتى عمية بس تكون بنظرك اجمل الجميلات
اما عقلية انا معك
وبالاخر كل واحد عنده راي خاص في
وميرسي مرة تانية

[ابومصعب]

السلام عليكم
شكرا اختي حنين علي هدا الموضوع الرائع
انا بالنسبة الي في ناس معاقين جسدية ولكن احسن من ناس كتير معافين ومن غير اعاقة لانهم افضل منهم من ناحية التعليم والعمل
اما الاعاقة العقلية فهدا امر مختلف لانك لا تسطيع التعامل معهم بعكس الاعاقة الجسدية
وانا اعرف كتير ناس متزوجين من معاقين جسدية ولكنهم في حياة سعيدة جدا
تحياتي اخوكي ابومصعب

[نسيم الروح]

ميرسي على ردك اخي ابو مصعب