عادات سوريه...قرب وزمر..

[الورده الحمراء]

إذا صار عندنا عرس ...... بنزمر

إذا نجحلنا حدا بالبكالوريا ..... بنزمر

قبل ما تفتح إشارة المرور ...... بنزمر

وبعد ما تفتح إشارة المرور ...... كمان بنزمر

على الدوار وفوق الجسر وعلى النزلة وبالطلعة ... بنزمر

إذا طول علينا الشرطي وهو موقفنا ..... مشان نزكرو بنزمر

أما إذا حدا كسر علينا بالغلط او بالقصد .... اكيد بدنا نزمر

أما يلي بتوقف سيارتو قدامنا عطلانه ..... مو مشكلتنا بنزمر

إذا طالعين من شارع فرعي لرئيسي بالليل او بالنهار ..... بنزمر


وإذا طالعين شي سيران وخاصة اذا راكبين طرطيرة بدنا نغني واكيد لازم .... نزمر

وإذا عجبتنا بنت ماشيه بالشارع أووووووووه ...... بنزمررررررر

وإذا شفنا ابو فلان بالشارع وحبينا نقلو مرحبا ..... مو حلوة لازم نزمر

ولو قرر واحد منا يخفف مشان يمرر أحد المشاة .... كل يلي وراه بيزمرو

وطبعا إذا فاز المنتخب اكيد شي ضروري إنونطلع ..... ونزمر

أكيد إنتو معي إنو هي مو ظاهرة منيحة ؟؟

بس يلي بيحير إنو لما بترتفع اسعار الوقود والبنزين والمازووووت

ولما بتزيد الضرائب على هالمواطن وبتكتر

ولما بتزيد رواتب الكبار وبتبقى على حالها رواتب الصغار

ولما بيزيد معدل البطالة وبتلاقي الناس ملقحة بالشوارع لا شغلة ولا عملة

!!!!!!!!!!!!!!!!!!!!!!!!!!!!!!!!!!! !!!!!!!!!
العجيب إنو فجأه ما بعود يطلعلنا صووت ولا ...... بنزمر

[عاشق الحور]

زمر مخي تزمير

الله يكون في عون الموظف الصغير

لحتى يصير يزمر

مشكور اختي ،،،،

هههههههههههه

[محمود]

شكرا لك اختي ع الموضوع ^^

ودمت بخير

[لمسة وردة]

تسلمي اختي على الموضوع الرائع

[شهد الحياة]

مشكوره الورده الحمراء

[ورود الحب]

مشكوور

[babyface]

مشكور موضوع رائع بس شو كنك مو ممن هون كنك سوري الجنسية
هههه

[ورود الحب]

مشكوور

[قمر المنتدى]

مشكور اختي ،،،،

هههههههههههه