حوار عادي بين افراد عائلة اردنية

[عاشقة الليل]

الأب مخاطب الابن : تعال وله
الابن و بكل براءة : نعم
الأب :نعامة ترفصك ... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شاوي يشوي عضمك ....رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك انشالله ... لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟
الأب: اما انك قليل حيا ...وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ....حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : ايش "بتشوفوني غلط" هاي ... شايفنا عميان ولا حول ؟
الابن : لا اله الا الله
الأم : الله يوخذك انشالله .... يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله ... يا الله ... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
الاب : خلص روح ارجع على غرفتك يابا .

[أحمد فاروق مرضعة]

حلوة كتير بس يا حرام هل الولد

[هلــون]

هههههههههههههههههههههههه

مسكين الولد خخخخخخخ

يسلموووووووووووو

[دلوع الشام]

ههههههههههههههههههههههه حلوة كتير يا حلوة

[عاشقة الليل]

يسلمو على مرورك

والله يعين عنجد الله لا بوقع حد مكانو

[mrom_m]

هههههههههههههههههههههههههههه
كتير حلوة بتجنن

[زهرةاللوتس]

ههههههههههههههههههههههه كل هاد وحوار عادي كيف لو كان شي تاني

يسلموووووو

دمت في رعاية الله

[عاشقة الليل]

والله يا زهرة وقتها ما بعرف شو كان صار بس اكيد شي غير شكل
يسلمو على المرور

[براءة]

والله منيح من الولد انو ضل ساكت

ما عمل شي

بس الولد طلع غلباااان

مشكوووور عاشقة الليل علي هالموضوع

بجد روووعة

[السفيرة]

ههههههههههههه حلوة كتير يسلموا