هل تربية القطط في المنزل تسبب العقم عند البنات؟!

[~ | Mazaj]

.. الســــــلامـ عليــكمـ ورحمــة الله وبركــــاتـــــــــه ..

الصـراحة كنت بتصفح بالنت .. ولقيت هادي المعلومة وقلبي وقـــــــع
لانو هيلن بتربي قطط بالبيت وخفت عليهـــــــا
اقرؤ المعلــومــــة ومــــــــا حــدا يضربنـــــــي

هل تربية القطط في المنزل تسبب العقم عند البنات؟!

الدكتور ولاء فخر

أستاذ واستشاري أمراض النساء والتوليد وعلاج العقم- أبو ظبي:


القطط قد تتسبب في إصابة الإنسان بميكروب يسمى توكسوبلازما، وذلك في حال إصابتها بهذا المرض، الذي قد ينتقل أيضا إلى الإنسان عن طريق أكل لحوم الحيوانات، المصابة بالمرض، حينما تكون غير مطهوة بشكل جيد.

وقد كان يعتقد سابقا أن إصابة الفتيات بهذا الميكروب، تؤدي إلى العقم أو الإجهاض المتكرر، عند حدوث الحمل، غير أن الدراسات الحديثة، أثبتت عدم وجود علاقة بين الإصابة بهذا الميكروب والعقم، ولا الإجهاض المتكرر عند الإناث على الإطلاق.

وما يحدث أن إصابة الأم أثناء الحمل بميكروب المرض، قد تتسبب في الإجهاض مرة واحدة، إذا لم تكن لديها مناعة سابقة ضد هذا المرض.

ومن ناحية أخرى، فإن قطط المنزل يتم تطعيمها وفحصها بشكل دوري، كما أن عدم السماح لها بالخروج خارج البيت، يضمن حمايتها من الإصابة بهذا الميكروب، وبالتالي يمكن ضمان أنها لا تشكل أي ضرر على أفراد الأسرة.

هذا إلى جانب إمكانية عمل فحص دم البنات، لمعرفة ما إذا كانت هناك إصابة بهذا الميكروب أم لا، أو أن لديهن مناعة ضد هذا الميكروب تضمن عدم إصابتهن به مستقبلا.

المصدر: " زهرة الخليج "

[شذى الياسمين]

مممممم سمعت بهالشي قبل هيك :(
بس بعتقد انو بتم تطعيم القطط الى بتم تربايتها بالبيوت بين فترة وفترة
تسلمى لنقل هالمعلومة

[~ | Mazaj]

الله يسلم عمــرك ..

مشكوورة للمرور ..^

اتمنى السلامة للجميع

[فلسطيني وافتخر]

شكرآ للمعلومات

فديت القطط انا شو بحبهن خخخخخخخخخ

يسلمووو إديك

ودمت بود

[هلــون]

يسلمووووو فجر على هاي المعلومه الي رح اتخوف كل المنتدى مني ويبعدوا عني احسن ما اعديهم ..ههههههه


اولا هاي المعلومه اسمعتها قد شعر راسي ... بس هاي المعلومه مو صحيحة 100 %

احكيلكم ليش لانو عندي خبرة بهاي الشي ... لانو الي بربي قطة قبل ما يشتريها من المحل بعطيكي دفتر تطعيم باوقات مختلفة .. يعني في ابرة بعد شهر وابرة بعد شهرين و و و و...

وبعد فترة معينه الدكتور بحكيلك انو القطة اتطعمت نهائيا وما عليها خوف اتكون بلبيت او اتنام جنبك حتى ...

والي بربي قطة اكيد بيكون عارف هاي الشغلات قبل ما يروحها على بيتوا ..^^...

بعيد الشر عنهم بساتي ^_*


يسلمووووووووووو يا عسل ... وما اتسدقوا بلييييييييز ..^^..

[شذى الياسمين]

هيلن هيا المعلومة صح بس للي بربو القطط بطريقة عشوائيةةةةةةة
يعني متل ما قلتي وقلت انا سابقا انو بتم تطعيم القطط بين كل فترة وفترة اكيد
وبهادي الحالى مابكون في خوووووووووف
الله يحمي قططك يا لين ويخليلك اياهم يا رب

[هلــون]

الله يخليكي يا رب يا شذى ...


بس جد تنبيه للكل ... ما حدا يربى قطة بلبيت الا لما يطعمها على الاقل تطعيمة المرة الاولى والي هي المناعه وعشان ما يتساقط شعرها ويعملكم ربوا ...

[نسيم الشام]

يسلموو فجر

بعيد الشر عن بسات هلين

[محبة الأقصى]

يسلمو فجر عالمعلومة الحلوة
وانا عن نفسي بكره القطط وبخاف منهم كمام

مشكورة هيلن حبيبتي عالاضافة ...وبعيد الشر عن قططك...وديري بالك عليهم

[~ | Mazaj]

يسلمــو جميعــا ع المـرور ..

كان غرضي من الموضوع التنبيه للكل مش اكتر ..
ومن خوفي عليكي هيلن بس .. واكيد الله يخليلك بســـــــاتك :)

اتمنــى الســلامة للجميـــــــــــع ^__*