هل تتزوج عن حب ام تفضل الزواج التقليدي

[ملك فلسطين]

الســـلام عليــكم ورحــمة الله وبــركاته


سؤال يــطرحه الجمـــيع ....سواء كنت او كنتِ ..!!

واحببت ان اطــرحه بينكم , كقضية لنا نحن الشباب وفي هذا الوقت والزمن ...

بتفكـــير عميق , وباختيار صحــــيح ,,,

هل مستعد ان تتجوز بفتاه على حـــكم علاقة حب تربطــكما ...,,

او تتزوج حـــسب الزواج التقليدى والمعروف بالمـــجتمع ....بان تذهب امك او اختك لخطبة فتاة لاول مرة تراها بحياتكـ
ومن بعد عدة دقائق او ساعات , تقرر ان كانت ستكون زوجتك ورفيقة دربكـ

هذه قضية اتمنى ان اسمع اراءكم وموقفكــم بها

وبصــدق ايضا ,,, كن صادقا بينك وبين نفسك ....
والقضية نفسها مطروحة للصبايا

[على باشا]

اكيد عن حب وتفاهم احنا عندنا مثل مصرى بيقول خد اللى تحبك
يعنى تزوج اللى تحبك لانها هتكون احسن انسانة تفهمك وتتحملك

[لليان]

انا من ناحيتي ما رح اتجوز الا عن حب وبرفض الجواز التقليدي لانو احلى شي بها الدني الحب

[نهر الدموع]

وانا بالنسبة الي فبقول طبعا الزواج عن حب لانو انت بتفهم شريكك وهو يفهمك
بس بدك ناس تتقبلو
اما بالنسبة للزواج التقليدي فهاد على زمان أبياتنا وأجدادنا وراح موضيلو

[مستحيل أنساك]

وعليكم السلام ورحمة الله وبركاته

شكراً على الموضوع المهم يا ملك فلسطين

وهذي أول مشاركة الي في هالمنتدى الرائع

رأيي عن الحب ما قبل الزواج أو الزواج على حب

بكل صراحة ما بعترف فيه أبداً

لأسباب منها ::

1- انو الحب رح يتحول لكراهية بعد الزواج لأسباب ...

والسبب الأول للكراهية انو انت رح تكون عرفتها وهية عرفتك ومافي شي جديد على حياتكم

والسبب التاني للكراهية انو انت ما رح ترتاح نفسياً لأنها سمحت لحالها انها تكلم شب قبل ما تتزوج حتى لو كان هدا الشب هو انت ورح تفتح مجال للشك , طبعاً هالسبب بيختلف من بنت لبنت على حسب إخلاصها لإلك وعلى حسب اقتناع الشب بأخلاق البنت

2- الحب الحقيقي بيجي بعد الزواج
لأنه رح يكون في شي جديد على حياتك وحياتها ورح تفهمك وتفهمها أكتر من انك تكون عرفتها من فبل
وطبعاً هادا بيرجع للبنت والشب على حسب تعاملهم مع بعض وعلى حسب تقديرهم لبعض وعلى حسب كل واحد ومعرفته لمكانه ومعرفته لحدوده

3- ياما بنات راحوا ضحية الحب ما قبل الزواج
معلش ممكن اني في هالنقطة أطلع عن صلب الموضوع شوية
أسئلة للبنت اللي بتحب قبل الزواج::
1- هل انتي مقتنعة من حبه الكامل لإلك؟
2- سبب اختيارك لطريق الحب؟
3- هل انتي واثقة انو رح يتزوجك؟
4- هل انتي انخلقتي لتحبي قبل ما تتزوجي؟
5- ما سألتي حالك ايش اسباب إدعاء حبه لإلك؟ هل هو حبك لأنه شاف فيكي البنت اللي بدور عليها ولا حبك ليتباها قدام صحابه؟ أو لأي سبب كان
6- هل انتي بتعرفي اذا حب من قبل ولا لأ؟ وهل انتي واثقة انو ما رح يحب غيرك؟
7- ما فكرتي في أهلك قبل ما تحبي؟
8- ايش هو الحب ؟ هل هو كلام حلو بينقال من الطرفين وبعدين هالكلام بتحول لمشاعر وأحاسيس متبادلة بينهم ؟؟ اذا هيك فهمك للحب فهو مفهوم غلط لأنه الكلام لو توقف بهالطريقة رح تموت المشاعر والأحاسيس اللي انبنت على مجرد كلام (والحب مش مجرد كلام ينقال)

4- البنت من طبعها انها بتستحي ورح تفقد هالشي بعد الزواج وسبب فقدانها لهالشي هو معرفتها للشب قبل الزواج

وفي الأخير مافي لادين ولا شرع سمح بمعرفة الشب للبنت من دون الارتباط

وعلى ما أظن انه أجدادنا وآبائنا داقوا طعم الحب الحقيقي اللي هو بعد الزواج والدليل نسبة الطلاق في زمانهم كانت أقل من نسبة الطلاق في زمانا لحبهم وتمسكهم في بعض

وأنا عن نفسي رح أختار طريقة الزواج التقليدي

لأنه من يرمي ماضيه بطلقة سوف يقذف مستقبله بمدفع

وطبعاً لازم تكون فيه فترة خطوبة حتى لو كانت فترة قصيرة


واسمحولي على الاطالة

وكل واحد ما عجبه كلامي يتذكر انو احنا في قسم النقاش الجاد وفيه يناقشني لو حب

والله يوفق الجميع يا رب

سلاااام

[نسيم الشام]

وعليكم السلام ورحمة الله وبركاته ملك فلسطين

شكرا لطرح الموضوع انا اكتفيت برد اخي مستحيل انساك

صراحة كل كلام صح وفعلا هاي هي الحقيقة يسلموو ملك فلسطين

[ملك فلسطين]

مشكورين على مروركم انا بوافق راي الاخ مستحيل انساك
مشكور اخي
تحياتي

[نغم الفلسطينية]

يسلمو خيي على هالمشاركه
والموضوع جد بيستاهل الطرح والنقاش
انا بالنسبه الي ما بقدر اقول انو الحب بعد الزواج أوالزواج التقليدي غلط او مو ناجح عالعكس انا بحترم رأي اخي مستحيل انساك كتير لكن في وقتنا الحاضر ما بعتقد انو ارتبط في شخص أول مره بشوفه يعني الزمن اختلف وجيلنا غير جيل أجدادنا
أرجو من الجميع احترام الآراء وبالاخير كل واحد عندو وجهة نظرو

أختكم : نغم

[Banbon]

انا بشوف انه الطريقتين بصيرو ..... و كل انسان و نصيبه ......و كل طريقه من طرق الزواج الها سيئات و حسنات .....و ممكن الانسان يكون بفضل طريقه بس بالمستقبل يتزوج بطريقه تانيه غير اللي في باله......و بالحالتين ممكن تنجح علاقة الزواج حسب نفسية الاشخاص ...........

شكرا على الموضوع الحلو

[ملك فلسطين]

مشكور اخي ع رايك
حلو كتير
تحياتي