ايهما افضل: اصدقاء الانترنت او اصدقاؤك الآخرون....

[زهرةاللوتس]

بسم الله الرحمن الرحيم

أخواني أخواتي أعضاء المنتدى



أيهما أفضل أصدقاء الانترنت أم أصدقاء الواقع


كلنا نعرف مدى أهمية الصداقة


ومدى أهمية إحسان إختيار الصديق


هناك أصدقاء الدراسة



أصدقاء من العائلة


أصدقاء الطفولة


وأصدقاء الإنترنت


والنوع الأخير هو الذي أرغب في التحدث عنه قليلا


" أصدقاء الإنترنت " في كل يوم نقابل أصدقاء جدد في كل مكان


حتى في الإنترنت


لنتذكر


كم من صديق تعرفنا عليه من خلال الإنترنت وقف الى جانبنا وساعدنا كثيرا


بل قد نحبهم أحيانا لدرجة كبيرة ربما تفوق حبنا لأصدقاء الطفولة


او الدراسة بل ونحن لم نرهم أصلاً


.. سؤالي هنا ..


هل من الممكن أن يكون أصدقاء الإنترنت أفضل وأكثر وفاء من أصدقاء الواقع ؟؟


أتمنى أن اشاهد أرائكم وتعليقاتكم حول هذا الموضوع
__________________

[Abu Shadi]

بتعرف اخي اسأل مجرب ولا تسأل الدكتور اول شي ممكن عندك الصحبه المباشرة ممكن تخدعك وصحبة الانترنت بردو بتخدعك يعني ممكن لو انا علي النت بحب مثلا اضحك علي اللشباب والبنات
بعمل نفسي امير زماني وملاك وما في مني ولمن نتقابل يتضح اني اسوء شخص انوجد في التاريخ وفي المعرفة المباشرة نفس الدور لانو ممكن انا بدي اتعرف علي شخص اعمل نفسي قدامو ملاك واي شخص يحكي عني كلمه اكيد ما راح يصدقها لانو ما شاف مني الاشي هذا
يعني الاثنين فيهم ايجابيات وسلبيات يعني هيني اتعرفت علي محمد عبيد الي هو فارس فلسطين
بعتبرو اعز اصدقائي واكثر من اخو وبكنلو المحبه والاحترام وانا اتعرفت عليه علي النت وهي اخي محمود نفس الاشي واتعرفت عليه عن طريق الموقع بتاعهم وشوف كيف صرنا اخوه وحبايب وفي بينا حلوه وسكينه الحلاوه لالي والسكينه في بطونهم هههههههههههههههههههههههههههه

[ZaMorANo]

نعم .. من الممكن ان يكون اصدقاء الانترنت احسن واخلص ..

شكرا اختي على الموضوع الرائع
شكرا

[شـهيد]

انابشوف انه ما بنقدر انا نحكي عن الناس اللي بنحكي معهم عالنت اصدقاء لأنه معنى الصداقة شي تاني
اللي بنحكي معهم عالنت هم مجرد ناس بنمضي معهم وقت بنفيد وبنستفيد وفي احيان ممكن هاي العلاقة هي اللي تبدى الصداقة بين شخصين خلينا نحكي ازاطلعو بنفس المكان
"وجهة نظر شخصية"

[alaa_sabbah]

انا جكر فيك يا شهيد
زهرة اللوتس

[شـهيد]

شو مالك يا حبيبي يا علاء؟؟؟!!!

[alaa_sabbah]

يعني صديق النت بيضل يقدملك النصائح و المعلومات
اما الصديق على ارض الواقع اذا شعر انك تجاوزته و صرت بدك توصل لمرحة ممتازة يمكن يحسدك و تروح فيها يا شهيد و انشاء الله شهيد مش موته بطوشه
هههههههههههه

[شـهيد]

يا سااااااااااااتر
طيب يا سيدي بس انا مش مقتنع بوجود صديق عالنت لانه وقت الجد مابتلاقيه لأنه مش موجود
يعني يا علاء بكرة بس نفرح فيك انشالله مين بوقف معك؟؟مش اصحاب اللي عندك ولا يعني انا ههههههه

[alaa_sabbah]

من الناحية هاد ما تخاف
لكن من حيث الاستمرارية
صديق النت ما الك في تصرفاته
بيضل صديق يبادلك و تبادله المعلومات
و ما بهمك شو بيشتعل او شو مستواه المادي
على العكس من صديق الارض
بيحاول يعرف عنك كل شيء و ينافسك في كل شيء
في هاد الحالة يمكن يصير سوء فهم
لانو طبيعة الانسان بيختلف في تفكيره عن الاخر و في تصرفاته
على كلن اهم شيء الانسان يحاول يحافظ على صديق الواقع من هيك امور
بس انا برتاح لصديق النت لاني بحب الصراحة و بحكي الصراحة هون و ما بساير حدا

[القلعة الأخيرة]

بداية اشكرك اخت زهرة اللوتس على الموضوع الهام ،،،

من وجهة نظري ان ما ينطبق على اصدقاء الواقع لا ينطبق بشكل كبير على اصدقاء النت لأن هناك امورا يتمتع بها صديق الواقع ، يفتقر اليها صديق النت ، فمثلا اذا واجهتني مشكلة او ظرف صعب ، يمكنن ان ارتاح اذا ذهبت لأحد اصدقائي وجلست معه وفضفضت معه ، لكني لن اشعر بنفس الراحة وانا احكي وافضفض عما بداخلي من خلال الكتابة على المسنجر او حتى التكلم بالمايك ،،،

ولكل وجه نظر ،،،

شكرا لك اختي ،،،