اقرأ هذا الحوار المضحك...

[ayman]

.
الأول : كيفك يا زلمة وكيفو ابوك انشالله تحسن صارلي سنين ما شفتك..
التاني : انا ماشي حالي الحمد لله بس الوالد عطاك عمرو
الأول :العمر إلك بعرف كان عندو القلب يالله الله يرحمو
التاني : بس والله ما مات من القلب
الأول : كيف توفى
التاني : الله يرحمو بآخر فترة ضعف نظرو كتير مرة طلع عالبلكون ما شاف الحفة وقع وبتعرف بيتنا تالت طابق
الأول : له له على هالموتة ، بكل الأحوال الله يرحمو
التاني : والله تعذبنا فيه كتير وعملنالو شي 12 عملية لتحسن
الأول :لكان كيف توفى
التاني : صار يحمل عكازة ومرة عم يقطع الطريق سيارة مسرعة خبطو
الأول : يه يه الله يرحمو
التاني : ربك رحيم كان فيه جار إلنا حطو بالسيارة ولحقو عالمستشفى بس النزيف الداخلي كان رهيب
الأول : الله يرحمو بكل الأحوال
التاني : بس سفرناه على اسبانيا وضلينا شي 6 أشهر عم نعالج فيه والحمد لله تحسن
الأول : طيب كيف مات
التاني : صار معو فشل كلوي حاد وصرنا ندور على متبرع كلية وتأخرنا وصار معو تسمم
الأول : الله يرحمو ارتاح
التاني : بالصدفة إجا شخص بيعرفو من زمان تبرعلو بالكلوة بآآآآآآآآخر نفس
الأول : لكان كيف مات
التاني :والله مرة بالبيت وهو قاعد ما انتبه عالغاز احترقت الشقة وهو لحالو فيها
الأول : يالطيف على هالموتة ما أبشعها الله يرحمو
التاني :بس والله جارنا الله يجزي الخير كسر باب البيت ولحقو بآآآآآآآخر لحظة
الأول : لك فهمنا كيف مات

التاني : والله اضطرينا نطخوا !!!!!!!!!

[صمت السنين]

هاهاهاهاهاهاهاهاهاهاهاها
ايه ده زى العسل ولله

[صمت السنين]

كمان ده موضوع لسه فى المنتدى فى الصفحه الاولى اللى كاتب الموضوع سيف اسمه كيف مات
ابقى شوف مواضيع مش موجوده فى المنتدى

[ayman]

اوكي .....اخي ...بارك الله فيك .....بس خلي عندك ذوق واسلوب بالحكي ...مش كل اشي دفاشه
مع شديد الاحترام .....اسف على هذا

[صمت السنين]

عادى يا حبيبى انا حبيت انبهك بس
وبعدين انا محترم يا عسل

[ayman]

الله يجزيك الخير ......من قال انك لست محترما ؟؟؟؟؟؟
وبوركت ....

[بنت الرملة]

ههههههههههههههههههههههههههههه
حلو كتييييييييييييييييييير

يسلموووووووو ايمن بجنن

[ayman]

بارك الله فيك اختي بنت الرملة ...

[زهرةاللوتس]

ههههههههههههههههه حلوة كتير

[AnGeLa]

ههههههههههههههههههههههههههههههههههه هههههههههههههههههه

بتجنننننننننننن والله ،، يســـــــــــــلمو إيديك أخي أيمن :)