لو كانت مسؤلتك بنت شو رايك

[مالك همسات القلب]

اخواني
بدي ناقش موضوع في حالة كنت تعمل في شركة او محل او وزارة او اي عمل وكانت المسؤلة عنك بنت
ما هو شعورك وكيف تكون تصرفاتك عندما تتلقى الاوامر منها
اذهب===خذ===اعمل===روح=== اكتب=== مالك مش عارف تخلص الموضوع الفلاني ===
لا شغلك اليومين مش عاجبني== ما في خروج الا باذني == ممنوع تدخن هون ==

الى اخره من الاوامر الي تعجبك والي ما تعجبك

شو رايكم؟؟؟؟

[شذى الياسمين]

ممممممم همسات مابعرف شو اقول
ممكن الشباب يجاوبو على هيك موضوع اكتر منا
بس في شغلة كتير مهمة حابة اقولها انو الشغل مو عيب هادا اول شي
وبعدين شو يعني لو كانت المسئولة عنو صبية امر عادي كتير
وشفتو بكتير ممؤسسات في ناس مابتتقبل هالشي
بس بهالوقت بدهم يتقبلو بغصب عنهم لانو مافى حدا عم بلاقي شغل اصلا
وبعدين عنجد وين الغلط انو تكون المسئولة عنو صبية
يعني هلأ هالشي محلل الو ومحرم للصبية ولا شو يعني.........
عموما انا بنتظراراء الشباب لشوف :)

[Banbon]

و الله كل واحد حسب تفكيره......و بيختلف من شخص لاخر.........ممكن واحد يلعن الساعه اللي اشتغل فيها بس يضل ساكت علشان ما يقعد بالبيت.........و ممكن شخص تاني يفقد اعصابه و بالتالي بتفنش من الشغل و يقعد بالبيت .....و ممكن شخص تالت يتقبل الامر بصوره طبيعيه و عادي ...................وبس

[alaa_sabbah]

ههههههههههههههههههههههههههه
ولكم عادي
وين عايشين انتو
هلا ما في وزيرة
ما في مديرة
ما مسؤولة
شو يعني
مش شرط يتلقى الواحد اوامر منها بشكل مباشر كيف؟
يعني متلا مديرة صحة محافظة غزة
ما بتوجه اوامر للاطباء يلي بيعملو في المستشفى متلا
او مدير التربية و التعليم في رام الله متلا
ما بتوجه اومر للمعلمين في احدى المدارس انو اعملو كذا و كذا
عادي
احنا بعصر التساوي و العمل

ما جزيل الشكر للموضوع البايخ ههههههههههه بمزح

[قسامي غزة]

لا عادي القصة ما فيها شي بس يكون علي قد الشغل ما فيها شئ في وجهة نظري

[مالك همسات القلب]

يا اخ علاء احنا بنحكي عن المسؤلة المباشرة
مش واحدة بتشتغل في الوزارة وانت في المناطق النائية

مشكور على المرور

[مالك همسات القلب]

يعني يا اخ قسامي غزة لو رمتلك الشغل في وشك وقالتلك روح عيدو مرة تانية
بتتقبلها بنفس الطريقة لو كان راجل الي عمل هيك

[ابو جروح]

اشي حلو اكتير وعادي اصلا اذا بنت بتكون مسؤوله عنك ما من رجل قوي الا وكانت وراه امرأه

[قسامي غزة]

شو يا اخ همسات القلوب يعني الواحد الي مش لاقي شغل وحاله زي الزفت ولقي شغل ووحده بنت مسئولة عليه والله هيقبل والله لو قرد مسئولة هيقبل مش بنت وانا ما برضي اصلا راجل انوا يرمي الشغل في وجهي ينعن ابو الشغل الي بدو يذلني من راجل اوبنت

[مالك همسات القلب]

مشكورين على اراكم وارجو انكم تكونو عند كلامكم ولا تغيروه لما تقع الفاس في الراس