لماذا يا فتح ولماذا يا حماس ؟؟

[محمود]

بسم الله الرحمن الرحيم

فتح وحماس

كلمتان على اللسان في كل مكان .أصحبت في دم الانسان كالوجدان ..

أنسته فلسطينه وقضية انسان ،،

لماذا يا فتح ولماذا يا حماس ؟؟

هل انتهت قضيتكم لينهي كل منكم على الاخر ؟؟

اما آن الأوان ليطهر كل منكم قلبه ؟؟

اما آن الأوان لنأخد أمرنا بالشورى بيننا لا بالاقتتال ؟؟

لما كل يطعن في الاخر ؟؟

هل هذا مسلم ؟ وهل هذا كافر ؟ وكيف حكمتم بهذا ؟؟

هل أصحبت فلسطين صفراء لفتح ؟؟ أم خضراء لحماس ؟؟

فلسطين ترابها احمر وأحمر من لون دماء الشهداء التي زكت الارض ..

كل يخطئ وما من امرئ معصوم من الخطأ ،، هل هذا ما طلبه الاسلام منا ؟؟

لكن لم تشهد عيني قط على اعتراف احدها بخطأ .. كل يلقي اللوم على الاخر ..

فلسطين تناديكم فلسطين تحتاج لما تهدروا من وقت وأنتم تناضلوا من أجل

أن يفضح كل منكم الاخر ،، لما لا توحدوا أيدكم ،، لما لا تشتركوا جميعا في اتخاذ القرار ؟؟

لما لا تتوحدون لرفع رايه واحدة ،، راية الاسلام راية الدم والشهادة حتى التخلص من دنس

اليهود ..

هل أصبح الاسلام مرهون بأحدكم أما أًصبحت القضية مرهونه باحدكم ؟؟

القضية خلقت قبل أن تخلق حماس وقبل أن تخلق فتح ..

فلسطين وقضيتها وبأبناء الشعب خلقت حماس وخلقت فتح وكلهم من أجل

فلسطين لا من أجل مشاغل شخصيه ..

اخواني الكرام .. كم أتمنى أن نكون نقطة تحول .. نقطة لحل النزاعات

لا أن نكون مكان لخلقها .. كلنا أبناء وطن واحد .. وما يشغلنا هو هم واحد

أستغرب من الجميع حين يفضل ما يأمره قائده الميداني على أمر الله

آن الاوان لكي نفتح قلوبنا لجميع أبناء شعبنا وجاء الوقت لكي نفهم

فيه واجباتنا نحو فلسطين لا نحو التنظيم ..

كل منا يحب فتح وكل منا يحب حماس وكل منا يحب اي تنظيم يجاهد في سبيل الله ..

فلسطين والارض والوطن تناديكم تنادي يا أبناء فلسطين يا عزوتي أهبوا لنجدتي

وتستصرخكم .. فقبل يومين محمد الدرة وأمس صلاح شحادة وعائلة فلسطينية واليوم عائلة غالية ..

اخواني الفلسطينين أي كان تنظيمكم ما زلتم بوطنيتكم ..

أستحلفكم بالله أن تكتفوا بما حصل .. ولا داعي للزيادة ..

من يفوز يفوز بنصر الاخرة .. ولا يهمكم مهموم من الدنيا ..

لنشرح قلوبنا ولنوحد كلمتنا ونرفع أصواتنا أمام الجميع
اننا مسلمون اننا فلسطينيون ..


كرسوا جهودكم بالعمل واللسان والقلب لدعم قضيتكم لدعم فلسطين

لا تكرسوا لتطعنوا بظهور بعضكم .. فما زال العدو يتربص بكم ..

ويشجعكم على القتال .. كشيطان رجيم .. فأخرسوا شيطانكم ..

واهمو بنشاطكم لمواجه العدو الأكبر ... عدو الاسلام ..

واعتذر ان كنت قد أخطأت بحق أحدكم ..



والسلام عليكم ورحمه الله وبركاته

محمود

[نسرينا الفلسطينيه]

لما كل يطعن في الاخر ؟؟

هل هذا مسلم ؟ وهل هذا كافر ؟ وكيف حكمتم بهذا ؟؟

فلسطين تناديكم فلسطين تحتاج لما تهدروا من وقت وأنتم تناضلوا من أجل

أن يفضح كل منكم الاخر ،، لما لا توحدوا أيدكم

القضية خلقت قبل أن تخلق حماس وقبل أن تخلق فتح ..

آن الاوان لكي نفتح قلوبنا لجميع أبناء شعبنا وجاء الوقت لكي نفهم

فيه واجباتنا نحو فلسطين لا نحو التنظيم ..

كرسوا جهودكم بالعمل واللسان والقلب لدعم قضيتكم لدعم فلسطين

لا تكرسوا لتطعنوا بظهور بعضكم .. فما زال العدو يتربص بكم ..

ويشجعكم على القتال .. كشيطان رجيم .. فأخرسوا شيطانكم ..

واهمو بنشاطكم لمواجه العدو الأكبر ... عدو الاسلام ..

ما في كلام ينقال بعد هالكلام

100% محمود

وبتمنى كل واحد يقرأ هاد الكلام وبتمعن ويفهم كل كلمه وكل حرف ...

وبكفي بكفي بكفي بكفي جد بكفي حكي عن فتح وبكفي حكي عن حماس..

بكفي لازم نوقف الخطه الصهيونه الي بدها تعمل حرب أهليه بينا وبين بعض..

لازم نتنبهو انو اليهود شمتانين فينا هلا..

واحنا منلاحق بعض ع كلام فاضي ونسيناهم وبعدنا عنهم

ونسينا انو عنا عدو كبير قاعد عاملنا فرجه هلا ..وبضحك علينا

هيك صار في الشعب الفلسطيني..آخرتها حرب اهليه هاد إلي ما كنت اتخيلو يوم من الايام يصير

هاد الشعب الفلسطيني إلي العالم بتتغزل فيه وبقوتو وبشجاعتو وبصموده وعقلو لكبير

هيك صار بالشعب الفلسطيني بعد ابوعمار واحمد ياسين والرنتيسي ويحيى عياش..

طول عمرهم بينا عمرو ما صار هاد الكلام الفاضي..وبس استشهدو وعدناهم انو رح نكمل المسيره من بعدهم..

بالآخر منخون العهد معهم..ومنصير ناكل ببعض..ونجري ورا فضايح بعض والشاطر الي بفضح التاني اكتر..

خلونا ننسى كل هالجروح..ونصحى من التنويم المغناطيسي إلي اسرائيل وراه..

وانفرجيهم انو احنا عقلنا كبير وما رح نرضخ لخططهم ونحط ايدنا بيد بعض

ويكون هدفنا تحرير فلسطين وبس..

والله يهدي الجميع

يلا بدي اشوف الكل هلا يحكي إنو فتحنا صفحه جديده..خاليه من كل المشاكل

ونحافظ على هالصفحه بيضه دايما

وبحبــــــــ ــــك يا فلسطين

[عاشق الحور]

مشكور اخي محمود

وربنا يفيد الجميع بهذا المقال وانا معاك بكل كلمة

[حركة فتح]

والله انه كلام مظبوط ومافي احسن من الوحدة الوطنية

بس لازم ما نشكك في وطنية فتح ولا في جهاد حماس
وهما كلمتين بس معناهم كبير عند الي عارفينه
خاصة اليهود كلمتين ممكن ينشفو دمهم
وبالاخر مو المهم مين ينتصر ولا مين يقود الشعب
المهم انا نشوف القدس الشريف والاعلام الفلسطينية الواحدة ترفرف فوق ماذنه
وشكرا

[عاشق الحور]

المشاركة الأصلية كتبت بواسطة حركة فتح بس لازم ما نشكك في وطنية فتح ولا في جهاد حماس

الله يكرمك

المشاركة الأصلية كتبت بواسطة حركة فتح المهم انا نشوف القدس الشريف والاعلام الفلسطينية الواحدة ترفرف فوق ماذنه

فنجدد نوايان اخواني ... ولنحدد الاهداف


بارك الله فيك اخي حركة فتح ...

[ريما الفلسطينيه]

اننا مسلمون اننا فلسطينيون ..

هاد الشي كتير كتار نسيو ....
هلأ الكل بفكر احنا فتح وبعدين احنا فلسطينيين ..احنا حماس و بعدين احنا فلسينيين

ليش هيك يا جماعه ...والله فلسطين ما بتستاهل منكم هيك ...فلسطين بدها كل الفلسطينيين يوقفوا معها
مش فتح او حماس او اي حركه ...بدها الكل بدون استثناء

خلص انسو خلافاتكم بين بعض و اتوحدو ضد اليهود والامريكان يلي كل يوم بيقتلو عشره منا غالبيتهم من الصغار مستغلين مشاكلكم بين بعض عشان ياخدو راحتهم ......

خلص بكفي هبل او استهبال ...فلسطين واهلها بنادو عليكم وانتو قاعدين بتقاهرو ببعض

خليتونا فرجه قدام يلي بسوا و يلي ما بيسوا

فلسطيــــــــــــــــــــــــــــــ ـــــــن وبس ...

و شكرا
ريما

[قسامي غزة]

والله يا اخ محمود كلامك 100 % ما في بعده كلام بس الي نتمناه انه يتطبق علي ارض الواقع احنا ما بدنا كلام وبس وربنا يجيب الي فيه الخير ويجنبنا الفتن

[محمود]

شكرا الكم ..

بتمنى من الجميع ياخد الكلام على محمل الجد

وياخد فيه بكلامه وفعله وتواجده في اي مكان ..

ولكم مني تحية وسلام ..

[شذى الياسمين]

بتمنى يامحمود يوصل كلامك
على الاقل يوصل كلامك لكل الاعضاء الموجودين
مابدنا نقول اكتر من هيك
لو كل انسان بدأ بحاول راح تنصلح احوالنا
بعد الى صار مع عائلة هديل بعتقد انو الاغلب صحي
الوحدة يا جماعة الوحدة انتوا شايفين اليهود لا بفرق بين اصفر وبين اخضر فعلى شو بالله بتتخانقو على بيت الجيران اخرجوا من صمتكم
فلسطين اولااااااااا فلسطين اولاااااااا
هادا الكاريكاتير يمكن عم بعبر عن حالنا كتير
والله يهدي الجميع يا رب
محمود موضوع رائع بكل معني الكلمة

[حركة فتح]

طبعا الوحدة الوطنية ليست بالكلام فقط