و أَنَآ صغْيِر .. << !!

[برآءة عبد]

مآ بعرف شو الي خطر عبآلي اليوم وتزكرت أشيآء من وأنا صغيرة .. ~

كنت على شبآك غرفتي والهوآ بحري جآي من مدينة "أم خآلد" بأراضي التمنية وأربعين ..

وبلشت أتزكر شغلآت كتير .. بثوآآآآني بس مر شريييط زكريآآآآت ..

تزكرت أيآم أجتيآح الضفة وجنين .. لمآ كآنوا اليهود يتمركزوا بـ بيتنآ عشآن المنطقة كآآشفة المدينة "طولكرم"

تزكرت الصوآريخ الي كآنت تمر أدام عيونا أنا وأخوتي وأحنا ئاعدين ع الأرض ..

كأنه بسينيما عم نحضر فلم آكشن .. كيف صآر صوت الرعب النا لذة وضحك ..

وأحنا ع الأرض وكلنا صافين جنب بعض وبصوت واحد بنعد .. 1 .. 2 .. وع التالت قذيفة ..

تزكرت لمآ الصبح كآنت تشرء الشمس ع صوت اليهود بيحكوا انه انفك منع التجول عن البلدة لمدة ساعتين ..

كيف كانت الناس تهجم ع المحلات والمخابز حتى تشتري خبز وأشيآآء للصغار ..

يآمآ ويآمآ من زمآن شفت أشلآء عباب الدآر ..

شب صغير بسيآرة بيضا .. رآجع لأمه .. شآف الدبابة رآيحة .. مآ كان يعرف أنه الدبابة متخبية ورآ الحيطآن ..

رآبح لأمه مبسوط .. أستشهد جوآت البيآرة .. وئت أجته قذيفة غدآرة ..

هههه .. كآن خيي يفكر بليلة من الليالي أنه يطلع لفوووء .. على ضهر الأسطوح .. بده يشوف الـ f16

رآح خيي .. طلع فوء .. شوي وسمعنا صآروخ .. وصوووت الله أكبر بس ..

خيي بيصرخ .. خآآف .. جنًّ .. فكر أنه أستشهد ..

كبّر .. طلعناله .. طلع خايف بس .. الصآروخ مرء من فوء رآسه ههه .. يآ ربي حتى الموت شفنآه بعيونا ..

وبعدنا عم نضحك ..

تزكرت الغنمآت .. الي كآن يرعاهم عمو ابراهيم .. وكآن معه حصآن وكل يوم ننزل عنده ع البيارة ..

ونئله يلآ يآ عمو ركبنا ع الحصآن ..

ويركبنا وننبسط .. وشي يوم عمو أبراهيم صآر جسمه أشلآء ..

لمينآآآهآ من ع الشجر .. أنا وأخوتي وولاد عمي ..

تفجر جسمه بلغم .. بنفس المكآن الي كنآ نلعب فيه أحنا وصغآر ..

وينك يآ عمو إبراهيم .. الغنمآت أجو عم يبكوا .. عليك .. ومليانين دم .. من دمك ..

أديش شفنا .. ولسآ ولآ شي ..

وبعدنا عم نضحك .. وعايشين ..

يآآآآآآآه أديش كبرنآ بكيييير .. ~


بقلمي : برآءة عبد
الآن :
9:45م

عاشقة فلسطين.. ,قِيثَآرة ,Ňαňα و 7 آخرون معجبون بهذا

PaLeStiNe FlOwEr ,clara ,إسراء الفلسطينية ,§عاشقة غزة§ ,اسد 22 ,قطعة حلآآ ,Maгaм .. ~