هبل واستخفاف بالعقول من الآخر

[almuhandes]

الحمد لله الذي رد عليَّ روحي وعافاني في بدني وجعلني من المسلمين
الحمد لله
نمت مبارح في 2011
صحيت اليوم في 2012
تفقدت حالي منيح
لقيت حالي مش ناقص لا ايد ولا رجل
ولا زايد شي كمان
يعني بحسبة بسيطة
2011 ما فرقت شي عن 2012
يعني لشو كل هالهبل والهليلة
طيب الغرب يمكن معذور هيك معتقداتهم
والمسلمين كيف بدنا نعذرهم...!؟
قبل فترة بسيطة كانت سنة هجرية بتدخل وسنة بتودع ليش ما احتفلنا فيها...؟!
بجوز البعض رح يقول غزو فكري من الغرب
أنا بقول وين عقولنا..؟!
بجوز حد يقول هالرجال متخلف ومو مواكب العصر
أنا بقول ما أجمل التخلف إن كان عقلانيا
بجوز حد يقول هي وقفت عليَّ
أنا بقول هالمقولة خربت بيوتنا

//
باختصار
سوس الخشب منو فيه

[RaNa <3]

كـلامك صحيح 100% ...

حتـى الإحتفالات اللي صـارت مبيـرح في دبي .. كانت شـيء مبـالغ كتــير ..

إذا يـوم السنـة الهجـرية ولا إحتفلو فيـه ولا شي ~

بس الحمدالله العقل نعـمة والله ,,

ممكن هـاد الشي ما بمـانع إنـو يصير نـوع من الإحتفالات إنـو ع القليلة الـواحد بيحس إنـو رح يدخـل في سنـة جديدة ..

لكـن بالنهايـة كلـو مالو معـنى !

.....

يعطـيك العافيـة أخـوي المهندس :))

[almuhandes]

المشاركة الأصلية كتبت بواسطة rana <3 كـلامك صحيح 100% ...

حتـى الإحتفالات اللي صـارت مبيـرح في دبي .. كانت شـيء مبـالغ كتــير ..

إذا يـوم السنـة الهجـرية ولا إحتفلو فيـه ولا شي ~

بس الحمدالله العقل نعـمة والله ,,

ممكن هـاد الشي ما بمـانع إنـو يصير نـوع من الإحتفالات إنـو ع القليلة الـواحد بيحس إنـو رح يدخـل في سنـة جديدة ..

لكـن بالنهايـة كلـو مالو معـنى !

.....

يعطـيك العافيـة أخـوي المهندس :))

صباحك ورد رنا
دبي وما أدراكِ ما دبي......
هجين وقع في سلة تين تخيلي شو بصير
الحمد لله يلي احتفل طلعت عليه سنة جديدة ويلي ما احتفل كمان طلعت عليه سنة جديدة
بس الفرق
الأول رجع عداد الذنوب عليه عالي
والثاني لأ
:
أهلا فيك رنا منورة

[.. ليآل ~]

ههههههههههه

حلوة صياغتك للموضوع

عجبني التهكم المبطن ~

مممممم

رح كون صريحة

انا من الناس الي بيفرحوا بمطالع السنين

سواء هجرية او ميلادية

مابعرف ليش بكل بداية سنه بكون متفائلة وكلي امل واشراق وامنياتي بتكون مزهرة

بحس بداية السنة متل شروق الشمس

أكيد بتعرف ئديش بيحمل شروق الشمس من امنيات ملونة ؟

على ئد مابكون متفائلة ومبسوطة لكن بمر بسنة صعبة ومملة واطول مما يجب

بوصل على اعتاب السنة لمرحلة الغروب المحبب الحزين

بتكون السنة اثقلت كاهلي

وكتير من احلامي وطموحاتي وامنياتي تكسرت على عتبات الغياب ~

من اكتر السنين الي كنت استنى رحيلهم هي سنة 2011

لنو في امل كبير راح .... كنت متمنيتة لحد ما انا هلأ مابدي ياه

حتى لو وصل لحدي راح ابعده بكل قوة

ابتداء من هالسنة مش راح احلم بجنون ونهم

ولا راح اتفائل بمطالع السنين

ومش شرط انو السنة الي بتبلش منيح تكمل منيح والعكس .. صح ؟؟

يادلي حكيت كتير وخارج السياق ~

:/

كل عام وانت بخير وخلص .

[almuhandes]

المشاركة الأصلية كتبت بواسطة .. ليآل ~ ههههههههههه

حلوة صياغتك للموضوع

عجبني التهكم المبطن ~

مممممم

رح كون صريحة

انا من الناس الي بيفرحوا بمطالع السنين

سواء هجرية او ميلادية

://

أهلا ليآل
التهكم موجود يمكن تعبير عن إشمئزاز ,استنكار ,استخفاف بما يجري والطريقة التي يجري بها

كلنا يملؤه التفاؤل والأمل بغد مشرق
يفرح باستقبال الشمس الملونة وأشعتها المزخرفة
كلنا له من الأحلام والأمنيات بالقادم الجديد الكثير الكثير
لم أتهكم على القادم
ولم أتهكم على توارث السنين
بل التهكم على الإسفاف الغير مبرر في استقبال العام
المظاهر المقززة في استقبال الوافد
التهكم على الإبتذال
على التقليد الذي لا يمت لتقاليدنا بشيء
لديانتنا بشيء
اتهكم على من يسهرون لتباشير الفجر بين سكر ورقص وأعمال خليعة
ويصمون من زهد في ركوب قطار فجورهم بالرجعية

:/

كل عام وانت بخير وخلص .

أضحك الله سنك
وأنار قلبك بالإيمان
يسعدني هذا القلم كثيرا
كوني بخير

[ندا الروح]

هو هبل بعقل على اساس بتروح سنة من عمرنا هيك بعدين وشو يعني فارق مهو اليوم اقرف من مبارح هههههههههههههه

[almuhandes]

المشاركة الأصلية كتبت بواسطة ندا الروح هو هبل بعقل على اساس بتروح سنة من عمرنا هيك بعدين وشو يعني فارق مهو اليوم اقرف من مبارح هههههههههههههه

ندا الروح
يجعل أيامك كلها خير وبركة
ويبعد عنك القرف والهم والغم
نورتِ ندا
كوني بخير