Sony DSC HX100V (تقرير - نصائح - تجارب) وكل ماتريد معرفته

[Arche]

كيفكم شباب ؟ ياخي من زمان ما غثيتكم مو مهم والله انا انقطعت عن المنتدى بسبب الاختبرات بس الحمدلله اليوم خلصت وجيت طازة عالبيت اكتب هالموضوع عن كاميرة سوني الجديدة HX100v نتابع التقرير ونعرف عنها اكثر

معلومات عامة:
ــــــــــــــــــــــــ
الاسم : Sony HX100V
الشركة: SONY
التاريخ: الاعلان : 2010 ، الاصدار : 5\2011
النوع :شبه احترافي (كل شيء يتغير الا العدسة ثابته)
الفئة: Ultra Zoom Type H Cyper-Shot
ــــــــــــــــــــــــ
الزوم: 30X (يعادل عدسة 27 - 810mm او 4.8 - 144mm)
الميقابكسل:2'16
العدسة : 27mm wide angle Carl Zeiss® Vario-Sonar® T lens
الفيديو : Full HD (1080p)
الشاشة : 3.0" (921K pixels), Xtra Fine TruBlack LCD
ISO:100-3200
F: 2.8 - 5.6
Shutter:30" - 1/4000
البطاريه:Lithium ION Battery
مدة البطارية :410 صور \205 دقيقة
تدعم خاصية تصوير 3D ( لايمكن عرض الصور الا بشاشة تدعم خاصية ال3D)
ــــــــــــــــــــــــ

المميزات كالآتي:

1: GPS & Tager ميزة تسجل معلومات الصوره مع كل صوير توضح فيه موقع التصوير على خريطة العالم, بالأضافة الى البوصله الآكترونية الموجوده بشاشة الكامره
واللي توضح لك انت بأي اتجاه تصور ( شمال او جنوب شرق غرب الخ ) بالإضافة
الى انها تسجل سهم البوصله مع بيانات الصوره واذا ارفقت الصوره ابرنامج قوقل ايرث
راح يعرف بأي اتجاه صورت الصوره على الخريطة !
وحسب المعلومات اللي قريتها بموقع سوني انه اذا انسرقت الكامره او ضاعت
بإمكانك ارسال السريال نمبر لهم ويحددون لك موقع الكامره وين,

2: 3D Photo تصوير ثلاثي الأبعاد للصور وبإمكانك عرض الصور على اي تلفزيون فيه ميزة 3D

الميزة 3: Sweep Panorama تصوير من نوع مختلف بشكل حلقه ( تبدأ من اليسار وتلف الكامره الى اليمين ) وهذا يعطيك صوره
عريضه بسنبة 204 درجة ( يعني دائره الا ربع تقريبا ) بعرض 7,152 بكسل وطول 1,080 بكسل للصوره, طبعا هذا اعرض شي ولكن ايضا تقدر تصور صور بعرض اقل
مثل نص دائره او ربع دائره بنسبة 140 درجة بطول وعرض 4,912 - 1,080 او بنسبة 104 درجات بطول وعرض 3,424 - 1,920,

الصوره الأولى صوره عاديه وبعدها صور البانوراما بدرجات مختلفه:



وهذي صوره ثانية:





هذا بالأضافة انك تقدر تصور هالنوع من الصور ( البانوراما ) بنوعين
الأول: 2D وهو النوع العادي
الثاني: 3D وهو ثلاثي الأبعاد


الميزه 4: هي التصوير المتعدد الزوايا بمعنى انك تقدر تصور صوره تلتقط فيها اكثر من زاوية
من خلال الظغط على التصوير وتحرك الكامره بشكل دائري عامودي فوق وتحت ويمين ويسار الخ
وراح تعطيك صوره بطول وعرض 1,920 - 1,080, تلتقط 15 زاوية كحد اقصى من 45
درجة يمين الى 45 درجه يسار.

الميزه 5: وهي بتصوير الفيديو من نوع HD 1080, 60fps من نوع 60p وفيها من نوع 50 i مثل الكامرات الأحترافية
وبإمكانك تقليل الفريم إلى 30fps وطبعا كلنا نعرف انه ال 60fps ميزته يلتقط الأشياء
اللي اتحرك بسرعه عاليه بشكل واضح بعكس بعض الكامرات الأحترافية اللي مافيها
الا 30fps او اقل.

الميزه 6: هي ال Dual Record وهي ميزه حلوه تعطيك اختيار التصوير حتى لو كنت مشغل تسجل الفيديو
بس خليك مكمل تصوير الفيديو واظغط على زر تصوير الصور اللي بدك اياها وراح تصورلك صوره وتسجيل الفيديو مستمر مايوقف والصوره راح تنحفظ بالذاكره بشكل تلقائي
واحلى مافيها انه وانت تصور فيديو لما تاخذ صوره لما تشغل تصوير الفيديو ماراح
تسمع صوت الكامرا بالفيديو وهي تاخذ صوره مثل ماهو موجود ابعض الكامرات,



الميزه 7: سرعة التصوير مثل الكامرات الأحترافية وبإمكانك تصور 10 صور بالثانية
وتقدر تقللها الى 3 صور بالثانية او صوره وحده,



الميزه 8: هي ميزة جديده اسمها TransferJet وهي ميزة بالأجهزه الاكترونية مثل البلوتوث تقريبا
للمشاركة بالصور بين الكامره واي جهاز ثاني مثل التلفزيون او كامره او هارد دسك او
حتى فلاش ميموري فيه ميزة TransferJet وتقدر اتبادل او تنقل الصور او الأفلام بين
كامرتك والجهاز الثاني بدون وايرات او بدون لاتنقل الميموري لجهاز ثاني


الميزة 8: ميزة الزوم فيها x30 وهو زوم عالي


وخطططير الزوم يعني لو سويت زوم الصوره
تطلع حلوه وماتكون مغبوشه



الميزة 9: هي مثل الكامرات الأحترافية اسمها Background Defocus وهذي ميزة معروفه
بالكامرات الأحترافية وهي انك تصور شي معين وبنفس الوقت تخلي الخلفية غير واضحه


الميزة 10: هي مثل الكامرات الأحترافية وهي نقاط التركيز يسمونها Auto Focus Points
وهالكامره فيها 9 نقاط تركيز بإمكانك التحكم فيهم وتخليهم Auto وراح يركزون على 9 اشخاص
او اتحكم فيهم بنفسك وتحدد وين تبي يكون مكان نقاط التركيز بالفيديو,
وهي ميزة معروفه بالكامرات الأحترافية انها تركز التصوير على نقاط معينه ( مثل اشياء تتحرك او اشخاص ) بتصوير الفيديو
وهالتركيز راح تتحرك مع الأشخاص او الأشياء اللي يتحركون عشان تركز التصوير عليهم
والنتيجه الشي اللي يتحرك راح يكون واضح كأنه ثابت حتى وهو يتحرك,

هذي صورة توضيحية للأوتو فوكس ( تبين بشاشة الكامره لتوضيح اماكن نقاط التركيز لكن ماتبين بالصور او الفيديو اللي سجلتوه )
وراح يبين مكان النقاط بالصوره او بالفيديو انها اوضح من اي اماكن اخرى بالصوره



طبعا طولت عليكم ولكن بذكر لكم بعض المميزات الصغيره وهي مميزات تستحق الذكر

11: Anti Blink ميزة بالصور وهي اذا بتصور شخص وهالشخص غمض عينه عشان يرمش
الكامره راح تنبهك بالشاشة وحتى لو صورته بالغلط الكامره راح تاخذ صورتين للشخص بأقل من ثانية
وحده اللي رمش فيها والثاني بعد مابطل عينه, وهذا مثال بسيط



12: Faces Detection تمميز الوجوه وهي لتصوير الفيديو تقدر تخليها Auto او Adult او Children's
وهي نفس ميزة التركيز ( الميزة رقم 10 اللي شرحتها فوق ) ولكن هذي اذا شغلتها
راح تثبت التركيز على الوجوه بس واذا كانوا الأشخاص بينهم اطفال بإمكانك تخليها
تركز على الأطفال او الكبار من خلال Adult او Children's

سواءا بالتصوير العادي او الفيديو ( بالفيديو راح تتبع الوجوه وين مايتحركون عشان تطلعهم بشكل اوضح )



13: ميزة Anti Motion-Blur وهي ميزة بالكامرات الأحترافية اذا صورت فيديو او صوره وبنفس
الوقت كان الشخص او الشي اللي صورته يتحرك بسرعه هالميزه راح تمنع اي تموج بالصوره او بالفيديو ولو عرضت
الصوره راح تشوفها كأنك صورتها والشخص ثابت وحتى لو وقفت مقطع الفيديو راح تلاحظ بصورة الفيديو كأن الشخص ثابت ماتحرك .



14: Red-Eye Correction وهي ميزة بالصور تمنع "اشعاع العيون" النقط الحمر اللي تطلع بعيون الشخص لما تصوره بهالكامره ماراح يبين .




اغلب الكامرات مافيهم هالميزه داخل الكامره لأنهم يعتمدون على برنامج بالكمبيوتر
يعدل الصور لهم ولكن هالكامره فيها ميزه داخلية تمنع هالأشعاع من دون الحاجه لكمبيوتر او برنامج !

15: ميزة الأبتسامات وهي ميزة تخلي الكامره تصور باللحظه اللي الشخص او الأشخاص
يبتسمون فيها بس حطو الكامره بعيد ووزعوا ابتسامات
بالأضافه حتى لو كنت تصور فيديو بالكامره ايضا راح تاخذ صور للأبتسامات بنفس الوقت
اللي تسجيل الفيديو شغال فيها وبدون اي تأثير على تسجيل الفيديو .



16: Image Stabilization : Optical SteadyShot وهي ميزة حلوه لتصوير الفيديو
تقلل من حركة التصوير اذا كنت تصور وانت ماسك الكامره بيدك او كنت تصور صور او فيديو وانت تمشي او بسياره
التصوير راح يكون ثابت بدرجة قويه
نفس الميزة رقم 13 Anti Motion-Blur ولكن هذي تثبت عدسات الكامره وتحاول تقلل من حركة العدسات عشان التصوير يكون اوضح




17: Noise Reduction وهي ميزة تقدر تشغلها او تطفيها تقلل من صوت الهوى اثناء تصوير الفيديو
بعكس اغلب الكامرات الأحترافية والدجتال اللي للحين يستخدمون برامج كمبيوتر
لتقليل من صوت الهوى بتصوير الفيدي

لكن هالكامره ميزة تقليل الهوى منها وفيها ماتحتاج لبرامج او كمبيوتر
وتشتغل معاك اثناء تسجيل الفيديو

18: ISO وهي ميزة لاتوجد الا بالكامرات الأحترافية للتصوير بمكان مظلم او Source



19: ميزة التايمر وهو تقدر من خلاله تخلي الكامره تصور بعد 10 ثواني او ثانيتين

20: مود التصوير: Intelligent Auto و Superior Auto مودات قويه وجديده بسوني
وهي تصور 3 صور وتركبهم بصوره وحده عشان تعطيك افضل جوده للصوره وافضل اضاءه ووضوح

وايضا ميزة HDR وهي ميزة تشغلها او تطفيها حسب الجو اللي تبي تصور فيها,
كلنا نعرف حساسية العدسات من الشمس والأضاءة وبعض الكامرات تصور ولكن
الصوره تكون الأضاءه فيها عاليه لدرجة انها تغطي على اشياء اخرى بالصوره وماتكون واضحه
وهذا مثال عن هالميزة:

.

بالأضافة إلى مودات منوعه للتصوير حسب المكان ( شمس, ليل, ثلج, العاب نارية, مناظر طبيعية, جلد, الخ ) وهي موضحه بالصور تحت كل مود عليه اسمه ونوع التصوير له:
وهذي اسماء المودات بالأنجليزي

• High Sensitivity

• Soft snap

• Landscape

• Twilight Portrait

• Twilight

• Gourmet

• Beach

• Snow

• Fireworks

• Pet

• Soft Skin

• Handheld Twilight

• Anti Motion Blur

انواع التوصيل بالأجهزه الأخرى: USB-2 و HDMI HD Output للتفزيونات العاديه وال HD
يتبع ....

المعلومات كلها ماخوذة من موقع سوني وبعض المواقع