❝ .. Trifle .. ❞

[Pink Rose]

❝ .. Trifle .. ❞

هالوصفة شفتها بالنت وعجبتني كتير .. بسيطة وسهلة ولزيزة ..
سرقتلكم ياها وجيت :$

حلو زاكي وسهل وخفيف ع الصيف ،،
" ترايفل " وهوه عباره عن طبقات كريما وكيك وفواكه ..



المقاديــر :

علبة كريما دريم ويب .

كيك مقطع لشرائح او حتى بتقدرو تستعملو سويس رول محشي شوكولا او فانيلا بطلع زاكي كمان .
أي نوع فواكه بس ماتكون فيها مي.. مثلا بتقدرو تستعملو خوخ ، فراولة ، كيوي، توت .... الخ


الطريقــــــــه :

هوه اصلا في للترايفل "وعاء" خاص بس بتقدرو تستعملو صحن بايركس عميق او حتى كاسات عميقات ..
الطبقه الاولى بالقاع بتحطو طبقه خفيفه كريما ،،
بعدين بتبلشو تحطو الكيك وبعدين بتحطو الفواكه اللي بدكم اياها بعدين بترجعو بتحطو كريما وبعدين كيك وبعدين فواكهه وهكذا لتخلصو ،، اهم اشي الطبقه الأخيرة تكون كريما عشان تقدرو تزينوها ،،

الإضافات :

هلأ في ناس بتزود كمان طبقه اللي هيه الكاسترد بتطلع زاكية كمان .
وبتقدرو تشربو الكيك بعصير او حتى المي اللي بطلعها الفاكهه اللي مستعملينها .
بتقدرو تزينو الطبقه الأخيرة بالفاكهه اللي مستخدمينها او حتى شوكلاته بتزبط .
وطبعا اي شي بتحبوه انتو بتقدرو اضيفوه .


وبس ،،
هاي أسهل طريقه .. وطبعا في طرق مختلفه موجوده ..
ان شاء الله تعجبكم ..

[sofy]

يا عيني شوو هالحركات الخطيرة هاي يا بنتي ..

مع هالحر صار الواحد بيشتهي كل شي ..

الله يسامحك أنت والصبايا ..شاطرين تنزلوا وصفات بدووون تذوووق وآخرتها يعني معاكم ..

والي ما بيعرف يعمل حلوويات ..طيب شوو ذنبو ..

هففففف

بدي..من شان الله ..

موووووووووووووووووتوووووووني يا بينكوو ..

عنجد يعطيكي العافية ..يا عسل

[haboosh]

ياااااااي ,,,سهله و لا ازكى منها....يسلمووووو

[عاشقة فلسطين..]

حلوة كتيير
سلمت يداكِ غاليتي..

[الفتاة المشرقة]

كتييييييير شكلها بشهي ^^

يسلمووو اختي

[§عاشقة غزة§]

امممممممم
مبين عليها لذيذة
خصوصا مع ها الحر
واشكال كثير حلوة
يعطيك العافية

[Pink Rose]

هلا بالكل ^^

نورتوا والله ..

ما ننحرم هالطلة :)

[إسراء الفلسطينية]

ما أحلى هل منـآآظر :p

شهيتيني والله يا رورو

ما ننحرم من مواضيعك اللذيذة :]

[.. ليآل ~]

يمييييييييي

شكلو كتير طيب

ومنظروا بيفتح النفس

والحلو إنو الوصفه سهله وسريعه ومش مقيده ،، يعني الواحد بيحط الشغلات الي بيحبها

هاتي نونه بينكو :$

ماننحرم زوءك حبيبتي

عطول مبدعه

[§عاشقة غزة§]

وااااااااااااااو
اشكال كثير حلوة
ومبين لذيذة
وسهلة التحضير
ان شاء الله بجربها
بس بعد الرجوع من السفر
يعطيك العافية بنك روز