تعالوا إناقش سوا موضوع مهم ....؟

[sofy]

هاي شباب وصبايا ...
كيفكم

يا حلوين

إن شاءالله تكونوا مناح..
أنا حابة اليوم ناقش موضوع مهم كتير بالنسبة لإلي في مرة من المرات صاحبتي حكتلي فوت على موقع ألعاب online طبعا لما دخلت هاد الموقع صعقت يعني لدرجة ما بتتخيلوها أوكي أنا لعبت مع صاحبتي وكل شي تمام فخلصنا لعب أنا وصاحبتي يعني هاد الموقع في ألعاب بلياردو وشطرنج وحرب وأشياء غبية تانية
فصرت يعني من حالي أدخل على هالموقع بس منشان ألعب عجبتني البلياردو هوا الموقع عبارة عن غرف ) نظامهم لهاد الموقع في نفس الغرفة الجماعية في على الجنب تشات للكل وبعدين لما تلعبي مع شخص بكون كمان في تشات على الجنب أوكي فوالله ما كنت أفوت غرفة إلا وأسمع فيها لا تواخزوني ( كلام أقذر من القذارة ) والله ما كنت بعرف إنو ممكن يكون في ناس يتلفظوا بحكي مو محترم عنجد شي بحزن والله يا جماعة حتى على مستوى ال nick name إسمحولي ( أسماء قذرة لأبعد الحدود ) يعني ما بتتخيلوا والله مو قادرة أوصفلكم عنجد حكي ما بينحكى ... يعني عنجد أنا كنت داخلة على نياتي يعني عنجد مو عارفة أوصفلكم قباحة موقفهم وبنفس الوقت ما في عليه رقابة هاد الموقع يا جمــــــــــــــــــــــــــاعة متخيلين ما في رقابة على الأسماء على الحكي على كل شي أوكي .. انا كزا مرة إشتكيت من هاي الشغلات بس لا حياة لمن تنادي ....
ومتخيلين إنو بلعب بهاد الموقع حوالي فـــــــــــــــــــــوق ( التريليــــــــــــــــــــــــــــ ـــــــــون )
لا إله إلا الله وعنجد كتير دايئني هالموقع وحبيت أطرحو عليكم وأشوف شو رأيكم بالموضوع لأنو عنجد هاد الموقع غثني كتير وجلطني ولو فيا سكرو ما بقصر بس أعمل أي شي الله يهديهم يارب وسامحوني إزا أطلت عليكم بالحكي أعطوني رأيكم يا حلوين ...

تحياتي

صوفيا

[قسامي غزة]

اقلك اختي صوفيا
كل اناء بما فيه ينضح
يعني المحترم بيحكي محترم والوسخ يحكي كلام كشاكلته
والنت عالم واسع
وفيه الكويس والقذر
وانتي تجنبي هيك مواقع افضل الك

[صدى الحب]

اكيييد في مواقع هيك ... وكلامك مزبوووط

والافضل انو احنا نتجنب هاي المواقع احسن متل ماحكى قسامي غزة ...


تقبلي مروري ^^

[rawaa]

انا سمعت في وكتير حكولي صحباتي فوتي بس بصراحة و لا مرة فكرت فوت ومنيح مافتت
وبعدين كل واحد ببين من كلامو مين هو وشو تربيتو وبدك تريحي حالك ولاتفوتي اللي بدو هالاشي يفوت

[sofy]

والله كلامكم جواهر يا جماعة هيا كزا مرة فوتت ومن بعدها ما فوتت والله يسلموو عالرد يا حلوين

[روز فلسطينية]

هاد موقع (غيمزر) .. اكيـــد!!! ...
اختي العبي .. وما عليكِ من الكلام .. او الاسماء! ..
انا ياما بشوف .. ادخلي لغايتك :)
بعتقد انو كل انســان وتربايتــو .. وهناك كل الانواع هههه
...
عافاكِ :)

[ENG.RUBA]

صوفيا اكيد عم تحكي عن موقع ال gamezer؟؟؟؟؟؟؟؟؟؟؟

هدا الموقع لساتو اهون من غيرو هدا ولا شي مفارنه مع المواقع التانيه اللي فيكي تلعبي وتشوفي خصمك باللعب

والرقابه مش مطلوبه كل مسؤوول عن نفسه وبكفي انو ألله رقيب ع كل انس ونصيحتي اليك حتى تتفادي الفاظ وعبارات وكلمات مخله بالحياء والدبن لاخلاق انك لا تلعبي بهالموقع وازا كنتي من عشاق هالعبه البلياردو ماعندك حل الا تغلي بلوك ع شات وهيك بتتفادي المحادثات الجانبيه
والباب اللي بجيك منو ريح سدو واستريح
يعني عزيزتي ازا مدايئك هالموقع بلاه كلو و لا تتدايئ صوفيا

[PaLeSt!Ne SouL]

هاد من جديد سجلت فيه

بعد المسابقة اللي رح يعملها رعد

و الله كنت العب عادي و ما بعرف انو في شات بس

مرة واحد و لا وحدة ما بعرف كتب السلام عليكم و ما رديت

شو ما يكتبوا ما برد

بنت و لا شب
كلام منيح و لا عاطل

خلص داخلة العب بلغب و بس

[almuhandes]

سأدلي بدلوي كما فعل الآخرون
لكني سأتناول الموضوع من زاوية أخرى
:
النت سلاح ذو حدين
يسخره أولي الألباب لخدمة مصالحهم في البحث والإطلاع وخدمة قضاياهم
وآخرون ليس لهم هدف سوى اشباع غرائزهم وايقاع المغفلين والمغفلات في حبائلهم وجرهم الى مائدة المحظور
لذا من وجهة نظري أرى أن الشبكة العنكبوتية آثارها التدميرية كارثيا على المجتمعات إذا كانت بعيدة عن الرقابة سواء أكانت هذه الرقابة أسرية أو من قبل أصحاب الدولة والشأن عدا عن رقابة الفرد على نفسه
وخصوصا أن أغلب روادها من شباب الجنسين وممن تقل اعمارهم عن سن السادسة عشرة
فيكونوا صيدا سهلا لشياطين الإنس
فمنهم من يروج لأفكار قبيحة وللأباحية
ومنهم من يحارب الديانات الأخرى وأكثرها عرضة لذلك الدين الإسلامي الحنيف
ومنهم من يستخدمها لعمليات النصب والقرصنة
:
من وجهة نظري أرى أن البعد عن مواطن الشبهات أجمل من ولوج بابها
حتى لا نسمع ونشاهد ما يجرح الحياء والذوق والدين
وما لا نود سماعه أو رؤيته
وذلك أفضل من استمتاع لحظات بلعبة تجر ورائها خسرانا مبين