شوفو السعوديين يسخرون من لهجتنا الفلسطينية فى منتدياتهم

[طالب الامريكية]

كصة سنديريلا
لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طنعش وجراي وصارت ترمح و ترمح ووكعت ببوجها عالدرج ...

سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يكسن البابوح، كسن كل البنات إلا سندريلا ....

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ضربها الأمير كف، وحكالها: وين جاي ياما،

حكتلو: يقطع وجهك ما أزنخك، مش شايفني بدي أكيس البابوج

حكالها: وحدة مثلك كيف بدها تكون فلكة الكمر هديك،

حكتلو: هسا بفرجيك وأحط على عينك

ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع،

والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة.

هذا ما وجدته فى منتدى سعودى يسخرون من لهجتنا الفلسطينية

[jikoo]

هادا الكلام ,,,مكرر ,,,بس بعنوان غير

بما معناه سندريلا بلغة فلسطينية او فلسطيني بحكيها

والله يعني انا ما شايف انو سخر أو يتهابلوا ع الفلسطينية

لان والله احنا اللي نخليهم يرفعوا راسهم

واحنا اللي رافعينهم كمان ,,,,,,

[طالب الامريكية]

لو انهم يحترمون و يقدرون ما يقدمه شعبنا للامة الاسلامية ما فكرو فى كتابتها على الاقل

[فداء فلسطين]

اخي طالب الامريكيه انت ليش زعلان
هاي مجرد قصه وعاملينا على اللغة الفلسطينيه
والمفروض انت تكون مفتخر بهاي اللغه اللي هيه لغتك
ولغة كل فلسطيني
وبعدين لو تيجي والتالف القصة نفسها وتحولها ل
اللغة السعودية ما رح تنفع لأنو لغتهم مو حلوة عليها
فيا أخي العزيز لا تنظر إلى تلك التافهات
وانظر إليها من الأعلى فلن تراها من صغرها وتفاهتها

[jikoo]

لا تكبر المسألة

وربنا ما بنسا حدا

[محمود]

أخي ..

الموضوع وما فيه

لازم نفهم القصة الاول

والي ألفها ما سعودية ..

بالعكس فلسطينية

وانتشرت على النت وفي هاد المنتدى كمان

وهدف القصة تظهر ظلم الدنيا لفلسطين وانو ما الها حظ في هالدنيا

وشبه فلسطين بساندريلا .. لكن اختلفلت النهاية ..

[ابوسامر]

اسمع اخى طالب الامريكيه ماعاش اللى بدو يسخر منا لسا احنا افضل منهم بكثير تعون القلابيه الدشداش
وصحيح الجمل ما بشوف عوجه رقبته

[بيســان]

بالفعل أخي

وانا بأيد كلام أخواني اللي سبقوني

انا شخصيــاً قريتها بمنتدى فلسطينــي

ووجودها بمنتدى سعودي ماهو الا نقل فقط

وتأكد انه اللي كتبها ونشرها فلسطينــي

وهاي مزحة صغيرة مش اكتر .. بتمنى ماتكون ازعجتك

ســـلامي لك

[صقر جباليا]

كـــــــــــــــــــــــــــــــــف ى لأقزام الأرض أن تتعالى على عمالقة الجبال

[بياع القلوب]

لو نظر الناس الى عيوبهم ما عاب انسان
ما ضل الا البدو