| الإهداءات |
|
|||||||
 |
|
|
أدوات الموضوع | انواع عرض الموضوع |
12-18-2009, 07:14 PM
|
#1 | ||||
|
I ♥ PALESTINE
قوة السمعة: 83
 |
عاطلات عن العمل ,,, لئيمتا :
الموضوع من عنوانو مبين
مشكلة ما عمري فكرت فيها حتى واجهتها بنفسي يا ترى الشهادة فعلا صارت مجرد شي معنوي بس نتباها فيه يعني انا معي شهادة غيري لا هالحكي عمرو ما فات مخي بس من الي صار معي وصلت لمرحلة ما صرت فيها عاطلة عن العمل وبس عاطلة عن الامل كمان منضغط عحالنا ومئبل نشتغل بغير تخصصنا لانو ببلادنا مو كل شي متوفر بس مع هيك منواجه صعوبات راح احكي عن البنات لانو الشباب بطبيعة الحال فيه يشتغل اي شي يعني ويدبر حالو البنت بمجتمعنا صار صعب عليها تلائي شي مناسب تامن عحالها فيه يعني مثلا سنتين وانا بدور عشغل لئيت بس مو كل شي كان مناسب وحتى لما نحكي طائة الفرج انفتحت بننصدم بالواقع البنت ازا ما كانت اد حالها ما بتمشي بشي لانو طبيعة حياتنا صارت هيك يا اما البنت بتساير يا اما لا بتسايري بتلائي شغلك ماشي تمام ما بتسايري يا بتضلي بشغلك خايفة عحالك وتتحملي انتئام الي حواليكي يا اما بتتركي او من اخرها بيحكولك مع السلامة بدي رايكم بهالموضوع بعد ما احكيلكم مسيرتي مسيرة البحث عن العمل لسنتين متواصلات اول شي بيتجه المتخرج للبحث عن عمل بمجال تخصصو وهيك صار فعلا ئدمت لكل شي الو علاقة بتخصصي واستنيت استنيت استنيت ولما اجت الفرصة كان مدير المختبر ____ احكيلكم شو كان بدو او لاء بلاش الشاطر يفهمها دورت عغيرو بس كان عندو شرط تدريب 3 شهور بدون راتب طبعا وازا عجبو شغلي بتعين عندو بالاخر اكتشفت انو بدرب متخرجين 3 شهور بدون راتب وبيحكيلهم مع السلامة بعدها وبجيب غيرو وبمشي شغلو بدون ما يكلف خاطرو يدفع لحدا شي او حتى يعطيه حئو للاسف هاد كان حال اغلب المختبرات والمستشفيات ئصتها طويلة بدها واسطة  طيب بطلنا نشتغل بتخصصنا  دورنا عشي تاني مرة رحت اادم بمستودع ادوية لوزيفة مدخلة بيانات وريسبشن اتطلعت فيي الموزفة بتحكيلي دارسة تحاليل طبية وبيولوجي وموافئة تشتغلي مدخلة بيانات على ريسبشن !! حكتها بئرف كمان كان الي خاطر احكيلها شو دخلك بس ابتسمت وحكتلها دنيا ردت علي بكل استخفاف احنا بدنا توجيهي ما مناخد الا توجيهي ضحكت من البي وئتها ما بعرف على خيبتي ولا على الحال كيف انئلب الي معو توجيهي بس بيئبل بس الي معو شهادة ما بيئبل لهيك المناصب الصغيرة بتمشي ومع هيك بيتكبرو علينا فيها الاصد الي فهمتو من كلامها انو راتب شهاة التوجهي ائل من راتب الي معو شهادة يا سلام ومرة رحت على شركة هندسية ئدمت ئابلني المهندس واخد معلومات ال لو سمحتي انسة روان بدي اسئلك سؤال بس بدون احراج جاوبيني ئلتلو تفضل ال ازا طلبت منك تعمليلي فنجان ئهوة بتئبلي استغربت السؤال وئلتلو بكل بساطة انا بئدم عمدخلة بيانات مو مراسلة ضحك وحكالي اوكي منحكي معك ازا في مجال وطبها بعد هيك رد ما حكى تشيس  شركة تانية سالني نفس السؤال شو سر هالسؤال عند المهندسين بالزات  ئمت من غبائي استرجعت المقابلة الي ئبل ورفضي فحكيت بجرب حكتلو يلا بكسب فيه اجر ما عندي مشكلة لحتى فهمت بالاخر شو اصدهم بفنجان الئهوة غير شركات بتهتم بمكان السكن يعني ازا انا ئدمت طلب بشركة وكان مكان سكني بعيد عن مكان الشركة وغيري ئدم وكان مكان سكنو ئريب من الشركة بياخدوه مرة واحد شحتفني حتى وصلتلو كنت باعتة السي فيه على عنوان الايميل وحكى معي حتى روح اقابل وبالاخر حكاها بكل صراحة لكل الي كانو موجودين بيئابلو انو بدنا مكان السكن يكون ئريب لهيك راح نبلش بلي ساكنين ئريب منا سحبت حالي وروحت بدون ما اقابل انو يخرب بيتك ليش تحاكيني وانت ئدامك مكتوب مكان سكني مع انو مكان سكني بموقع ممتاز بعمان هو الي باخر الدنيا واحد تاني رحت ئابلتو واستغربت وافئ عطول وحكالي بكرى الساعة تسعة ونص بتكوني بالدوام انا طبعا كيفت الشركة ممتازة وشكلها مريح جدا والراتب كمان منيح نزلت من الشركة وانا عالدرج بيلحئني المدير بيناديني انسة روان لو سمحتي لفيت لشوف شو بدو حكالي سبحان الي خلئك عليكي وش ضيعت وانا بتطلع فيكي ما عرفت احكي بلمت انا واتسمرت بمكاني ومين سمعو اخوي كان بيستناني باخر الدرج وسمعو وانا بس شفت اخوي مسكتو من ايدو وجريتو للسيارة وهو طبعا بشد ناحية الزلمة وبيسالني مين هاد حكتلو هادا الي ئابلني وحكالي بكرا اداوم حكالي اخوي بالمشمش شو بدي احكي لاحكي ليش حال الناس هيك صار اكيد مو كل الناس هيك بس صار الاغلب هيك معئول الشهادة صارت ما بتنفع ارآئكم ؟؟؟؟!! |
||||
|
|||||
| اقتباس المشاركة |
|
12-18-2009, 07:30 PM
|
#2 | |
قوة السمعة: 0
|
رد: عاطلات عن العمل ,,, لئيمتا :
هلأ الشهادات كتير مهمة حتى لو الشخص بلاقي صعوبة في الوظيفة .. هاد ما بفقد الشهادات اهميتها .. خصوصا في وقتنا الحالي .. وقت التخصصات .. بالنسبة لصعوبة ايجاد وظيفة .. بلاد متل الاردن وسوريا والسعودية ومصر .. الكثافة السكانية كبيرة وفرص العمل قليلة .. لانو نسبة النمو في اقتصاديات هالدول بكون بسيط ..وبالتالي معدل البطالة مرتفع .. متل ما قلتي الصبايا بواجهو مشكلات متل التحرش والمغازلة في الشغل من الشباب .. بس مش كل الاماكن .. انا لما تخرجت فتلت منيح ع شغل فترة 3 شهور بس الحمد لله لقيت في شركة وظيفة منيحة ومع الخبرة هيك 4 سنوات انتقلت على نفس المجال في بنك .. وكتير مبسوط في نجاحي .. بعرف الواحد كيف ازا بدور ع شغل بحس باحباط بس لازم ما يفقد الثقة في نفسو .. في كتير نقطة مهمة في انك تلاقي شغل جديد .. وهي ( العلاقات ) .. كل ما كانت علاقاتك كتيرة كل ما سهلك عملية البحث عن وظيفة .. العلاقات بتلعب دور مهم في هالموضوع .. بتمنالك كل خير ان شاء الله .. تفائلي خير .. وان شالله السنة الجديدة تحملك اخبار حلوة .. الله يحميكي ليمار .. |
|
| اقتباس المشاركة |
|
12-18-2009, 07:34 PM
|
#3 | ||||
|
{ مُنايَ الــ جَ ــنّةَ ●•
قوة السمعة: 197
|
رد: عاطلات عن العمل ,,, لئيمتا :
منحوسة !!
راجعة إن شا الله و الله يبعتلك وظيفة ما كنتي تحلمي فيها |
||||
|
|
|||||
| اقتباس المشاركة |
|
12-18-2009, 07:37 PM
|
#4 | ||||
|
I ♥ PALESTINE
قوة السمعة: 83
|
رد: عاطلات عن العمل ,,, لئيمتا :
اوكي حسام ما منختلف على انو العلاقات الها دور
بس هيك راح يتدخل موضوع الواسطة يعني الي علاقات كتيرة ومنيحة ممكن لائي بشغل او بعرف حدا بيشتغل بهالمكان بيتواسطلي هالموضوع بالنسبة للبنات صعب اي علاقات بدنا نحكي عنها بعتئد صعبة كتير وضع الشباب غير البنت مافيها توسع هيك علاقات هاد راي انا برفض كمان هيك طريئة للبنت ما بعرف بحس انو بدنا انضل محملين جميلة يمكن لازم اتنازل شوي بس بحس ازا تنازلت راح اتنازل عطول يمكن غلط هالتفكير ما بعرف بالنسبة لانو فرص العمل ئليلة عنا هاي معك حئ فيها مسلا بدول الخليج التخصص ماشي تمام بس بيئتنا بترفض انو بنت تسافر للعمل وهي بهيك عمر لحالها الموضوع بيرجع كمان انو في ناس ما بتخاف ربها يعني الي بيجي بيدرب 3 شهر بدون راتب وبعدين بيحكي مع السلامة وبجيب غيرك يدربو 3 شهزر وهكزا هادا ما بخاف ربو ما بعرف الغلط من مجتمعنا بس ولا اغلب الدول صاير فيها هالشي |
||||
|
|
|||||
| اقتباس المشاركة |
|
12-18-2009, 07:39 PM
|
#5 | ||||
|
I ♥ PALESTINE
قوة السمعة: 83
|
رد: عاطلات عن العمل ,,, لئيمتا :
المشاركة الأصلية كتبت بواسطة دمعة أسى بتنوري |
||||
|
|
|||||
| اقتباس المشاركة |
|
12-18-2009, 07:46 PM
|
#6 | |
قوة السمعة: 0
|
رد: عاطلات عن العمل ,,, لئيمتا :
المشاركة الأصلية كتبت بواسطة limar يعني ازا الك عم او خال او قريب اكيد عندو علاقات هون وهون وبقدر يسهلك الامور .. هادي مش واسطة .. انا براي الواسطة بتكون لما انتي مش مؤهلة وتشتغلي في مكان منيح .. اما ازا انتي مؤهلة بس بدك فرصة وهالعلاقات عن طريق قرايبك متلا ممكن توجدلك هالفرصة .. اكيد راح يكون فيها بالاول جميلة .. انا معك في هالنقطة بس لازم تضحي شوي في اول الطريق .. لحديت ما يكون عندك في ايدك خبرة في مجال معين تقدري تقدمي فيها في اماكن تانية ووقتها ما بتكوني محتاجة حدا .. بس لتوصلي لهمرحلة لازم تمري في مراحل صعبة شوي .. تحملي .. بالنسبة للتدريب ما بنصحك .. ما تشتغلي في مكان الا بعد ما تمضي عقد عمل رسمي عشان تضمني حقوقك في هالمكان وما يستغلك المدير ويشغلك بلاش .. ولازم التفاصيل المادية تكون واضحة من الاول .. ما تقبلي تشتغلي تحت مسمى ( تدريب ) لانو راح يجر معك سنين وانتي بتدربي وفي السي في ما بتخدمك بشي كلمة متدربة .. |
|
| اقتباس المشاركة |
|
12-18-2009, 07:52 PM
|
#7 | ||||
|
I ♥ PALESTINE
قوة السمعة: 83
|
رد: عاطلات عن العمل ,,, لئيمتا :
للاسف انا هيك شايفة
ناس مو مؤهلين كتير بتلائبهم بيشتغلو بمكان منيح بالنسبة للعم او الخال هاي كمان بتندرج تحت الواسطة مو هاي المشكلة بس المشكلة مرات بتكون اكبر من هيك خصوصي ازا في حزازيات بهيك امور يعني انا مافيي اطلب هيك طبعي غلط مو غلط ما بعرف بس كنت بحلم انو لائي شي بمجهودي وبعد تعبي اسبت حالي بس للاسف بدون واسطة وحدا يعمل حساب للي تواسطلك ما بيمشي الحال |
||||
|
|
|||||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
