~..كـلام نواعم مع ღصدى الحبღ ..~

[هادي]

بما إنو حواء عملت موضوع (فنجان قهوة مع آدم)، فحكيت ذوقاً لازم نعمل إحنا بني آدم، موضوع نستضيف فيه بنات حواء لتشرب قهوه وشاي وعصير وأكمول كمان
طبعاً العنوان ( (كلام نواعم) ) مسروق بجداره، بس يا ريت يكون المضمون فريد بجداره..



كلام نواعم .. نستضيف فيه عضوه كل مره، لتجيب على (أكم من سؤال) وبدون خدش للحياء .. على الأقل حتى يفهم آدم ولو جزء بسيط من تفكير حواء الغامض، وكل ضيفه بتختار الضيفه إللي بعدها ...
(((((((((( حـــــــــــواء تفضلي علينا بالإجابة)))))))))





حواء: برأيك لماذا آدم الشرقي لا يُحبذ مساعدتك في أعمال المنزل؟




حواء: ماذا يعني لكِ العمل؟ وما طموحاتكِ في هذا المجال؟



حواء: صفة في آدم تتمنين أن تكون لديكِ، ما هي؟



حواء: أبي، أخي، إبني، زوجي، جدي، رتبي هذه الأسماء حسب أهميتها لديكِ؟



حواء: ما هو السلوك الذي يزعجك من آدم؟



حواء: آدم ( حنون ورومنسي) أو (جاد وحازم) أو ( عملي وثري)، أي آدم هو الأفضل لديك؟



حواء: خيانة الزوج لزوجته، سببها أو جزء من سببها هو الزوجة نفسها (عللي)!





حواء: ما مدى صحة ( إذا أردت أن تكون محظوظاً عند حواء، فعامل المرأة كطفلة، والطفلة كمرأة)؟



حواء: هل صحيح أن أكثر ما تخشاه المرأة في الرجل هو صمته؟



حواء: أثناء ركوبك إحدى المواصلات العامة إمرأة تنهال عليكي بالمسبات بدون أي سبب (أمام الناس)، ما هي ردة فعلك؟



حواء: فتاة العصر متهمة بأنها فارغة ثقافياً، وتهتم بأناقتها والتسوق أكثر من أي شيء آخر. ( تُقرين أو تدافعين وتنكرين)؟



حواء: لو أعطينا نسبة مئوية لمدى ثقة حواء الشرقية بنفسها أثناء التحدث مع رجل غريب .. كم تكون تلك النسبة من مئة؟


حواء: مقولة: (إذا وُجدت صداقة بين امرأتين، فهو اتحاد ضد امرأة ثالثة)، ما مدى صحة تلك العبارة؟


و اخيرا ً

مين بتختاري بعدك ؟؟؟؟؟؟؟؟؟؟؟

إنتهت الأسئلة مع حرية الإجابة

[هادي]

نسيت أختار حواء للإجابة...
أم الوليد

تفضلي ملك جاوبي ..
ويا ريت المشرفين يضيفوا اسم الضيفة في العنوان .. مع الشكر مسبقاً..

[أم الوليد]

بتعرف انو عجبني واصلا كنت حجاوب حتى لو مااخترتني ...كتيييييييييييييييرعجبوني الفراشات( آدم ) هلا مع فنجان القهوة بنبدا نجاوب ياسيدي

[هادي]

المشاركة الأصلية كتبت بواسطة أم الوليد بتعرف انو عجبني واصلا كنت حجاوب حتى لو مااخترتني ...كتيييييييييييييييرعجبوني الفراشات( آدم ) هلا مع فنجان القهوة بنبدا نجاوب ياسيدي

بالإنتظار على MPC ملك في كلام نواعم ..

[أم الوليد]

اول شي عجبتني فكرتك كتير...وشكرا لاستضافتك الي...وبنبدا هلا التحقيق

حواء: برأيك لماذا آدم الشرقي لا يُحبذ مساعدتك في أعمال المنزل؟

مابعرف مش كل آدم عندهم هالنزعة الي بشوف فيها انو مساعدتو رح تنقص من قيمتو ومن قدرو كرجال

حواء: ماذا يعني لكِ العمل؟ وما طموحاتكِ في هذا المجال؟
حيااااااااااااااااااااتي شغلي...قمة سعادتي انو اعطي الي ادامي وهاد الشي بحققو الشغل كتير ، وانا بطبعي اجتماعية جدا ولاني بشتغل بعلاقات عامة بتعرف عناس كتير وبتعلم كتير ، طموحاتي انو اسس شغلي الخاص ( روضة اطفال) بس حسب ما انا شايفة مش متل روضات هلا (ورح اختارك ضمن فريق العمل فيها ساعتها الدايزنير الخاص الها)


حواء: صفة في آدم تتمنين أن تكون لديكِ، ما هي؟
القسوة ( او شو خبرك بطريقة اوضح ...انو مايهزني اي شي كون صلبة)


حواء: أبي، أخي، إبني، زوجي، جدي، رتبي هذه الأسماء حسب أهميتها لديكِ؟
هون انت فتحت الجرح ، ماعندي اخوان وبعدني ماتزوجت وجدو الله يرحمو يعني ماضل غير بابا صحيح بحاول يكون كل شي بس بضل في حواجز لايمكن يكسهرا مهما عمل ومهما قدم

حواء: ما هو السلوك الذي يزعجك من آدم؟
مافي شي معين لانو كل واحد الو عيوبو ومزايا ، يعني لو بدي احكي عشخص بعينو ممكن ، بس بالمقابل حشوف بحالي ابلو 100غلط وعيب

حواء: آدم ( حنون ورومنسي) أو (جاد وحازم) أو ( عملي وثري)، أي آدم هو الأفضل لديك؟
ادم عندي رجال يستوعبني وبس



حواء: خيانة الزوج لزوجته، سببها أو جزء من سببها هو الزوجة نفسها (عللي)!
اكيد اه لانها لو مش مقصرة مارح ينقصو شي ويطلع بره بيتو ...ومانلوم الرجال ونحكي عينو زايغة او طبعو هيك...لانو الست لو شاطرة بتخلي زوجها مايفارقها لحظات مش يخونها



حواء: ما مدى صحة ( إذا أردت أن تكون محظوظاً عند حواء، فعامل المرأة كطفلة، والطفلة كمرأة)؟
هو فعلا هيك...لانو حواء بطبيعتها طفلة تعشق الدلال الحب الاهتمام



حواء: هل صحيح أن أكثر ما تخشاه المرأة في الرجل هو صمته؟

انا بجذبني هالشي مابخوفني ورح ارجع خبرك انو حواء فيها تسمع كل شي بدها ياه وتاخد كل شي بدها ياه من آدم وهو بيضحك (بس من بفهم )

حواء: أثناء ركوبك إحدى المواصلات العامة إمرأة تنهال عليكي بالمسبات بدون أي سبب (أمام الناس)، ما هي ردة فعلك؟

ماصار معي هيك ...بس انا بآمن بمقولة كتير( قلة الرد هي أحسن رد)

حواء: فتاة العصر متهمة بأنها فارغة ثقافياً، وتهتم بأناقتها والتسوق أكثر من أي شيء آخر. ( تُقرين أو تدافعين وتنكرين)؟
فئات مش الكل هيك ...يعني هدول فاضين من جوا...مافي هدف...مافي مسؤوليات ...



حواء: لو أعطينا نسبة مئوية لمدى ثقة حواء الشرقية بنفسها أثناء التحدث مع رجل غريب .. كم تكون تلك النسبة من مئة؟
بتتفاوت مافي اعطيك نسبة...

حواء: مقولة: (إذا وُجدت صداقة بين امرأتين، فهو اتحاد ضد امرأة ثالثة)، ما مدى صحة تلك العبارة؟
لا ابدا مش شرط ، حواء مش شريرة هيك...اذا في نماذج سيئة فهاد لانو احنا بشر ..متل مافي آدم مثالي وآدم لا...

استضافتك حلوة ولذيذة كانت ...آدم هو نص حواء (مافيهم يعيشو بلا بعض عاختلاف العلاقات وانواعها ومسمياتها)

[هادي]

ملك .. أجوبه موضوعيه .. وما في عندك تحيز
وصحتين عالأهوه إللي عملتيها إنتي
بمناسبة روضة الأطفال: التعامل مع الأطفال صعب جداً وإيصال الأفكار إلهم أصعب، والمصيبة إنو عندنا بتكون معلمة الروضة معها ثانوية بس!!!
أما بالنسبة لفتح الجرح .. شو أعملك ( ما في زوء) بدك تعديها إللي
ملك نورتينا .. وحئيئي لا يُمل

[Arabian girl]

حلو كتير
موضوع مميز امجد ^^

منور ملوكة :)

[أم الوليد]

المشاركة الأصلية كتبت بواسطة AMJAD ملك .. أجوبه موضوعيه .. وما في عندك تحيز
وصحتين عالأهوه إللي عملتيها إنتي
بمناسبة روضة الأطفال: التعامل مع الأطفال صعب جداً وإيصال الأفكار إلهم أصعب، والمصيبة إنو عندنا بتكون معلمة الروضة معها ثانوية بس!!!
أما بالنسبة لفتح الجرح .. شو أعملك ( ما في زوء) بدك تعديها إللي
ملك نورتينا .. وحئيئي لا يُمل

شكرا عالاستضافة الحلوة خفيفة..حسيت انو بدردش...اه الي عندك فنجان قهوة بدل الي عملتها انا
عشان هيك حكيتلك انو الروضة بدها مواصفات خاصة بنظري...لانو عن تجربة عملية عشتها ...بس درست فيها وانا معي البكالوريس مش ثانوية!!! الاصة مش هواية ...بالعكس بالدول المتقدمة بخلو مدرسين الاطفال من اصحاب الدكتوارة والماستر

لاتحكي هيك ...بالعكس انت مزووووووووء جدا...

[هادي]

المشاركة الأصلية كتبت بواسطة أم الوليد بدي احكيلك ملاحظة بس لاتزعل مني ارجوك( بسم الله الي باللون احمر مخربة حلاوة الفراشات والبنفسج بعد اذنك اذا مابدايئك ) رح اعطيك عندي منهم بنفسج لتكتمل اناقة موضوعك اسفة بس بدي ياه يطلع كامل سوري عتدخلي

لا لا أنا زعلان ...
والله كلامك صح .. بس ما ليئت غيرها ما عندي شغلات نسونجيه للمواضيع .. وأكيد إللي نزلتيهم أحلى بكتير .. بس ما رح أئدر أغير .. لأنو جهازي أبل ماك، حاولت أعمل هيك في خلف القضبان أجا العنوان بنهاية الموضوع .. فخلي بسم الله بالأحمر أحسن ما تصير بنهاية الموضوع!!! أو حد من المشرفين بيئد يغيرها ..

ما تعيديها

[أم الوليد]

آسفة