بس للبنات ...شباب مابخصكم الموضوع؟؟

[أم الوليد]

يسعد صباااااحكو صبايا :

مابعرف هالموضوع كتييييييييييييييرشاغل بالي ، تسدأو حتى بمكتبي في دبدوب (طنشوا الفوضى أهم

شي الدبدوب مات من كتتتتتتتتتتتتتتتر الشغل وئتها)






ليش احنا البنات اهم شي عنا الدبدوب؟؟؟

ليش بنرافئ الدبب؟؟

انعدموا البشر؟؟؟:






طب ليش دب !!!مش بسه مثلا؟؟؟أو عصفور!
‏
ورجعت لدراسات في ( الطب النفسي) فحكى هاد الارتباط (عادة نفسية) تغذيها رغبة المراهقات في

صنع محيط عاطفي ليس عليه رقيب ولا يمر بأزمات تهدد بقاءه.‏



هاد رأي علم النفس أنتو شو رأيكو!!!!

[PaLeSt!Ne SouL]

أنا ما بحب الدباديب و لا العرايس و لا شي من هدول

why????

يا ترى ليش !!!

لاني بنت وحيدة

و عايشة بين شباب بيصيروا يضحكوا عليا


عشان هيك أنا طلعت بحب الكورة و البواريد و خاصة الدمدم اللي حقها 60 شيكل

و بنعمل حرب بالبيت

ما بحب العب بالعرايس و لا إلي خلق أشوفهم

حتى لما كنت أروح على دار عمي كنت ألعب مع الأولاد شريدة و لا شغلة زي هيك

أما عرايس لأ؟؟

تسلمي إم الوليد


بس خلي الشباب يفتوا يمكن في حد منهم بيحب الدباديبب

[أم الوليد]

ممممممممممممممم

انا ماعندي اخوان شباب عكسك تماما...والله مابعرف يمكن انتي لانو ماكان في حد تلعبي معو فيهم

اما انا فخلقت ودباديب تضل تجي واحد ورا واحد لحد كونت منهم عيلة وخواتي كمان هيك كل حد عندو مجموعتو الخاصة

[سأبكي بلا دموع]

انا ةبحب الدباديب جدا بحسها شي رومنسي كتير
لكي مني كل الاحترام والتقدير أم الوليــــــد

[أم الوليد]

والله وانا بحبهم كتيييييييييييييير كمان ، شرفتي حبيبتي

[عين فلسطين]

بمكن عشانهم بيض ودايما معهام قلوب حمر
وهاد اكتر شي البنات بحبو
هاد راي بس انا من زمان ما جبت دبدوب يمكن عشان هالقيت خواتي الصغار هو اللي صارو يشتريوها او ما بعرف

متى اشتريتي اخر دبدوب يا عسل؟؟

[نور الهدى]

هههههههه

والله حلو الموضوع

بالنسبة الي زمن الدباديب ولى من فترة طويلة ..

بحب شكلهم لكن مش درجة التعلق فيهم ..

ما بعرف ما عمره اجا ببالي هالموضوع

لكن بدك الصراحة انا بستغرب كتير من البنات اللي صار عمرهم بالعشرينات و لسة متعلقين بالدباديب لا و غرفهم لازم يكون فيها ع الاقل دبدوب ..

//

القضية شائكة و غامضة .. و السؤال يبقى مطروحا .. لماذا التعلق بالدباديب يا ترى ؟؟

[أم الوليد]

اخر دبدوب شريتو ابل 3شهور حبيبتي لهلا كل مافوت محل بلفت نظري دب بجيبو وبحتفظ بمجموعتي السابقة ، مابعرف بس مابظن اللون لآنو مثلا انا مابحب اللون الأحمر ابدا ومابختار دباديب ابيض واحمر بالعكس مجموعتي ملونة وبزعل كتيييييييييييير اذا ضاع واحد او طفل اجى عنا وحب الدبدوب تبعي وصار يزن بدو ياه هون بطرد الطفل وبصير شريرة وبحتفظ بولائي للدباديب شرفتونا صبايا ومازال البحث عن سبب حب الصبايا للدباديب مجهول!!!

[صدى الحب]

انا ما بهتملهن كتيير
بس لما يكون الدبدوب هدية من شخص غالي ... رح اضل حامليتو ^^

مرسي ام الوليد ....

[.:.!دموع الرحيل!.:.]

يييي


انا كتير بحب الدباديب

بس ما كنت متوقعه انه الموضوع منتشر

واله أهمية لدرجة

انه محللينو نفسيا ههههههه

هلأ انا بحبهم بشكل

بس ما بجمع منهم .. مش لأني ما بحب يكون عندي بالبيت

بس لأنه ما الهم محل ..

في كم واحد كنت صامدتن جنب الكومبيوتر قبل ..

وهيك بحنلن ..

وكتير أوقات بصير فتش ع جوجل

ع صور دباديب .. وما بعرف ليش هيك بدون سبب

حتى الـ mms الي سويتهم للمنتدى

أول mm s سويته كان

_ انا ودبدوبي حكاية عمر -

ههههههههههه

جد لفتي نظري ..

كنت مفكرة انه الشغله عادية فيني ..

صار عندي فضول أعرف شو سر حبي إلهم ..

اذا عرفتي خبريني ههههههه

ما ننحرم حبيبتي