دجآج وبطآطآ بالحآمض والثـوم [ من مطبخي ] ~

[.:.!دموع الرحيل!.:.]

.

.

لآ سلآم على الطعـامـ ..



قصـدي السلآم عليكم

.

/




حبيت شارككم بأكلتي لليـوم ..

وهي من أطبآقي المفضلة

كيف َ لآ وفيها حآمض وتــوم

.:( دجآج وبطآطآ بالحآمض والثـوم ):.





.

* المكونآت :



دجآج مقطع .. منظف بالطحين والخل والملح

بهآرات سلق الدجاج والمعطرآت

بطاطا مقطعه دوآئر ..

حآمض معصور

ثوم

( المقآدير حسب كمية الدجآج .. بس لآزم الليمون الحامض تكون كميته كتيرة شوي هو والثوم .. )

والبطاطا بمعدل حبة وسط لكل شخص ..

/

*

/


الطريقة ::



- بعد تنظيف الدجاج .. بنقليه شوي مع قليل من الزيت ..

ولما يتغير لونه .. بنزل عليه مياه دافية

وبنستنى ليطلع الزفرة وبنشيلها ..

بعدين بنحط المعطرات : حب هال / حبات قرنفل / ورق غار ( لورا ) /

قرفة / فلفل أبيض / رشة زنجبيل صغيرة / بهارات مشكلة / والي بحب يضيف شووي فلفل أسود

وانا بحط بمرقة الدجاج حبة بندورة مفرومة .. + حبة بصله مفرومة .. بيعطوآ طعم كتيير لزيز

وبنتركهآ تنسلق .. ع نار متوسطة

بهالوقت : بنهرس التوم .. وبنعصر فوقه الحامض ..

بنقطع البطاطا دوآئر ..

قبل ما يستوي الدجاج عالاخر بوقت قليل

بنقلي البطاطا نص قلية ..

وبنحطها بصينية الفرن .. وبنترك مكـان للدجاج

نضج الدجاج

بنشيل القطع وبنضيفها بصينية الفرن مع البطاطا ..

بنأخد مرقة الدجاج .. وبنشيل منها المعطرات الصحيحة ع جنب

وبنضيف فوقها خليط الليمون الحامض و الثوم ..

وبنصبه فوق الدجاج والبطاطا ..

حيصير بهالشكل :

.

.



بنغلف الصينية بورق الألمنيوم ( قصدير )

وعالفرن لمدة نص ساعه تقريبا ..

..

وبعد نص سآعه بنشيل الورق عنها

وعالشوآية حوالي 10 دقايق او حتى تتحمر ..

//





وألف صحة

كتير طيبة

..

ع فكرة في ناس بساووهآ فورآ بالفرن بدون سلق .. بس انا جربتا الطريقتين

ولقيتها بالسلق أطيب بكتير ..

وملآحظة صغنتورة : فينا نكتر مرقة الدجاج الي ضفنالها حامض وتوم .. ونحطها كـ ( شوربة جنب الصحن )

ومآ حدآ يسألني ليش بس قطعه وحده ههههههههههه

كنت ع أساس اتغدى لحالي وزوجي برا هو ورفيقه

وبس جيت خلص أكلتي قررو’آ يجو يتغدو بالبيت

وأكلت الضرب

أكلوآ حوآضر وانا أكلت هاي الأكلة

PaLeStiNe FlOwEr ,Яαћαƒ ,§عاشقة غزة§ و 4 آخرون معجبون بهذا

قِيثَآرة ,عاشقة فلسطين.. ,اسراء ..~ ,إسراء الفلسطينية