الإتجاه المعاكس ( مناظرة ثقافيه بين الاعضاء )

[السيف عدي]

المشاركة الأصلية كتبت بواسطة فلسطينيه والراس مرفوع
1) لية مو مقتنعة بالزواج التقليدي ؟
ما بعرف والله ....بس لما تختار البنت شريك حياتها .....ممكن احسن من انو هو يختارها وييجي يتزوجها .
هيك رايي
بس بضل احسن من الزواج عن حب

2) كيف الزواج التقليدي بكون مو مرضي للبنت ؟
مممممممم.....لانو كل بنت بتتمنى تتزوج عن حب مش زواج تقليدي
يمكن.....

ههههههه

كيف بدها تختار البنت شريك حياتها ؟ ومش هو اللي يختارها .. يعني الصبية اللي راح تختار

الشب ... كيف ؟؟

[HaDoOoL]

المشاركة الأصلية كتبت بواسطة السيف عدي
1) لية مو مقتنعة بالزواج التقليدي ؟
انا مو سيرة اني مو مقتنعه بهاي الطريقه..بس انو الواحد يكون بيعرف الشخص الي بدو يعيش معه طوول حياته معرفه منيييحه...بحس انو الحياه رح تكون احلى بكتيييير من انو هو شافها عجبته وعجبها خلص..لاا



2) كيف الزواج التقليدي بكون مو مرضي للبنت ؟

مو دايما بكون مرضي..لانو في بناات كتيير تزوجوا غصبا عنهم بس لانه اهلهم عجبهم الشب..
فالبنت هوون شو زنبها؟؟االافضل تختار هيه شريك حياتها..

بس مدامي قلت هالحكي هاده كله...رح تشوفي ازا ماتزوجت بالطريقة التقليديه..هههههههه

[HaDoOoL]

المشاركة الأصلية كتبت بواسطة فلسطينيه والراس مرفوع

مع اني انا مش مع الزواج التقليدي

بس عندي ايمان كبير انو الزواج التقليدي هوي الانجح والافضل من غيرو

لانو البنت اللي بتتزوج عن حب ....رح يضيع حبها بعد الزواج

وان كانت عطت وجه للشب اللي حبته وبعدين اتزوجته ....يمكن يعيرها بهالشي

بعدين الشب لما بدو ييجي يتزوج

رح يختار البنت المحترمة الخلوقة

البنت اللي ما الها سوابق وعلاقات حب مع غيره او معه قبل الزواج

وكتيييييير في ناس اتزوجو مش عن حب (زواج تقليدي) وكتييير مبسوطين وبينهم حب

وحياتهم مستقرة

وناس اتزوجو عن حب بتلاقيهم مش مرتاحين بعلاقتهم

وكل حياتهم مشاكل

والتفاهم اللي كان موجود قبل الزواج .......طار

وما عاد في تفاهم

يعني باختصار >> الزواج التقليدي وان ما كان مرضي البنت

بس بكون في رضى من الاهل ومن الناس عن بنتهم ..واكيد الاهل ادرى بمصلحة بنتهم واحرص عليها

وما في خووف على البنت انها ما تقدر تحب زوجها

لانو عادة بصير حب بعد الزواج ......حب اجباري

متل ما قال ربنا (( ومن آيته ان خلق لكم من انفسكم ازواجا لتسكنوا اليها وجعل بينكم مودة ورحمة ))

اما ازا كان زواج عن حب فاحتمال كبير انو تخلق مشاكل ....

وتنتهي العلاقة احيانا بالطلاق

هاده رايي

^.^

اوك ...صح كلااامي خييتوو.
بس انو البنت تتزوج بس لانو الاهل شايفين انو هاده الشب الي رح يسعدها وهيه مو متقبلااه مااعتقد انو هاد شي صح بالمره..يعني ازا ماارتحتله بدها تحبه بعدين لالا مستحيييل هاده الشي..
يعني مثلا انا بقلك اياها..اجاني شب..اخلااق ودين ومرضي من اهله واهلي كلهم حبووه والكل بيمدح فيه...بس خلص انا ماتقبلته ولا تخيلته انو هو الي بدي اعيش حياتي معه..
يعني من الاخر حتى لو كان عاجب الاهل.الراي الاول والاخير بكون للبنت مو للال لانها الي رح تعيش معه مو هم..
وكمان مو الكل الي تزوج (بالطريقة التقليديه)عايشين مبسوطين....بالعكس في كتيييير ناس تزوجوا بهاي الطريقت وعايشين انكد واتعس عيشه..
يعني من الاخر الطريقتين في منها مين بعيش بانبساط وسعاده وفي منها مين بعيش بنكد وهم..
بس طريقة انهم يكونوا عارفين بعض من قبل انا بشوفها احسن بكتييير..
شكلي كتييير حكييت..
سووري..

[روان فلسطين]

تسلم ام الاراء يا رب
بس كمان يا دودو

يعني باختصار >> الزواج التقليدي وان ما كان مرضي البنت

بس بكون في رضى من الاهل ومن الناس عن بنتهم ..واكيد الاهل ادرى بمصلحة بنتهم واحرص عليها

مين قال الزواج التقليدي بدون رضى البنت بالعكس مهم جدا رضى البنت بس المهم انو ما يكون في علاقات قبل الزواج وبعدين همه بتفقو عجبنب ما عجبني بدي هيك او لايعني البنت رايها موجود وبالعكس هو الاهم بالزواج التقليدي يعني الرسول عليه الصلاه والسلام منع اكراه البنت على الزواج وقال لو اجبرتوهم وبعدين عرفتو غلطكم لازم تحرصو انو بناتكم يسامحوكم واعتبرو نوع من انواع الظلم للبنت

[فلسطينيه والراس مرفوع]

المشاركة الأصلية كتبت بواسطة روان فلسطين تسلم ام الاراء يا رب
بس كمان يا دودو
مين قال الزواج التقليدي بدون رضى البنت بالعكس مهم جدا رضى البنت بس المهم انو ما يكون في علاقات قبل الزواج وبعدين همه بتفقو عجبنب ما عجبني بدي هيك او لايعني البنت رايها موجود وبالعكس هو الاهم بالزواج التقليدي يعني الرسول عليه الصلاه والسلام منع اكراه البنت على الزواج وقال لو اجبرتوهم وبعدين عرفتو غلطكم لازم تحرصو انو بناتكم يسامحوكم واعتبرو نوع من انواع الظلم للبنت

اها اكيد رضى البنت مهم


بس انا مش قصدي انو الزواج التقليدي ما بتكون البنت راضية عنو

اكيد كل بنت لما بدها تتزوج بتفضل انو ايكون عن حب ومن اختيارها هيي

وكل بنت بتحب تتزوج عن حب .....اكيد

هاده قصدي

[Arabian girl]

الزواج السري زمان بس طبعا حسب الدين كان مو حرام ولا في شي لانو ما كانت هادي المشاكل هلا
يعني هلا صار في تشريد لاطفال صار الاب ما يعترف بالزوجة يعني صار هادا الزواج فقط للمتعة وفي اساءة لسمعه الفتاه
عشان هيك انا بايد الزواج التقليدي لانو معترف في

[HaDoOoL]

كيف علاقة بين شب وبنت بالحلال ؟ !! هو في شي في الدين بقول انو

از الشب والبنت كان لئلهم علاقة سرية بكون شي حلال ؟ ولو هو حلال ليه البنت بتخبي عن اهلها .
وليش تكون سريه!!! ليش ماتقول لاهلها..مدامها بتحبه وبحبها وبدهم يتزوجوا...وليش بدها تكون خاايفه
ازا ماكانوا بيعملوا شي غلط؟؟

2) هل البنت لما تحكي مع شب وتعطي معلومات عنها واسرار وشغلات

بتضمن ولو 1 في المية انو ما يفضحها ؟ وبعدين بتكون ما طالت لا حب ولا زواج ؟؟.
ممكن اه وممكن لآ..بعدين هيه المفروض ماتعطيه كل شيييي عنها وتقله كل شي.يعني الاشياء الي بتخصها..بس مو الشخصيه كتيييييييير..
لانو ممكن يتخانقو مع بعض ويزعل منها .. وهون بدايه المشاكل ..
صح ممكن...بس متل ماقلت انو المفروض هيه ازا كانت بتفهم وبتفكر منييح وانو ممكن ماتنجح هالعلاقه ماتقله كل شيي عنها..
مابعرف هاد راي.

[روان فلسطين]

هدول هيها وضحت انو قصدها عن الزواج بشكل عاميعني اكيد اناوانت وهي وكل بنات العالم بتحلم بقصه حب وواحد يظل يقف تحت البلكونه والدنيا شتى وتلج ويغنيلها ومن هاي الشغلات يعني كل وحده بدها تامر حسني بس للجد ما في احل من هاي الطريقه وهاد كمان رد ع سؤالي الاخ ناصر

1) لية مو مقتنعة بالزواج التقليدي ؟

2) كيف الزواج التقليدي بكون مو مرضي للبنت ؟

[روان فلسطين]

اوكي اتمنى اشوف رد هديل واسمراني ع اسئله عدي بالصفحات السابقه

[السيف عدي]

[b]هدول ؟ هههههههههه طيب جاوبي على اسئلتي !! B]