:: للمغتربين .. اتفضلوا وفضفضوا ::

[** بنت فلسطين **]

بسم الله الرحمن الرحيم

انا في دولة الامارات العربية المتحدة

وشو رأيه فيها " عيوبها وحسناتها " ؟

انا بحب الامارات بس اكيد مو اكتر من حبيبة قلبي (( فلسطين ))

من جهة عيوبها ما في عيوب كتير...

بكون في تفرقة بالمدارس بين الوافدين وابناء الدولة...وهاد شيء غلط

في تفرقة بين الوافدين و ابناء الدولة في اشياء كثيرة

وحسناتها في اشياء كتير ...

وهل بيشعر بانتماء لهذه البلد سواء كان مغترب للدراسه او العمل ؟

ولا مرة بحياتي شعرت بانتماء لهذه البلد

وشو الاشياء الي بحس بنقص فيها وبفتقده بالبلد الي مغترب فيه ؟


انا مو حاسة اني من اهل البلد او اني بنتمي الها فاكيد في اشياء كتير بفتقدها

وانا صرلي فترة كتييييير طويلة ما سافرت على فلسطين....

والغربة كتير صعبة....كل يوم بتمنى اني اكون بفلسطين....

انا ابدا ما بقدر اندمج بين اهل البلد مع اني فتاة اجتماعية....

بتمنى انو كل الي حوالي فلسطينين....بتمنى اكون بفلسطين

وكمان بحس من الصعب اني اوثق بفتاة امارتية هاد بالنسبة الي.......بس هما ناس حبابين

انا سجلت بهاد المنتدى لاني عنجد بدي يكون حاولية ناس فلسطينين.....

بس الحمدلله على كل شيء....

*****

شكرا لك أختي ((pink rose)) موضوع رائع جدا جدا

فكرة الموضوع حلوة كتير

يسلمو دياتك...جزاك الله خيرا

** بنت فلسطين **

[*cool cat*]

يسلمواا ع الموضوع

يعطيك العافية

ماننحرم

[فلسطينية ومفتخره]

والله انا فلسطينيه عايشه بالاردن بس انا بقول انه مش كل الاردنيه زي بعض
في منهم عنصريين وفي ما شاء الله عنهم شو انهم طيبين.
بس اكييد اللاجىء بتختلف معاملته عن النازح بكل بلد ..

اتمنى الرجوع لوطنيي يا رب ادعوا لي ولكل المغتربين الله يردهم لوطنهم

يسلمووو هالموضوع شو انه راقي وحلو

[lonli]

وان كمان بايد فلسطينيةومفتخرة لاني زيها فلسطينية وعايشة بالاردن والمكان يالي بتعيش فيه بتحبو وما بتحب تبعد عنو لانو في زكريات كتير فيه
تسلمو كتي عالموضوع حلو

[كلوديا]

انا مولوده بالسعوديه وبنزل اجازات على الضفه بس صرت بصف عاشر رحنا على الاردن ولهلا انا فيها
ولسه بنروح على السعوديه اتعودت على كل شي بهي البلدان

[كلوديا]

انا مولوده بالسعوديه وبنزل اجازات على الضفه بس صرت بصف عاشر رحنا على الاردن ولهلا انا فيها
ولسه بنروح على السعوديه اتعودت على كل شي بهي البلدان

[sweet soul]

مسا النور يائمر ..

كل واحد يكتب البلد الي مغترب فيها ..

السعوديه _ الشرقيه _ الدمام ^^

وشو رأيه فيها " عيوبها وحسناتها " ؟

الدمام ..

حلوة ومتحضره انولدت فيها < عندي صاحبات سعوديات بيجننو والله وفلسطينيات ومصريين وو..

وهل بيشعر بانتماء لهذه البلد سواء كان مغترب للدراسه او العمل ؟

الها معزه بئلبي بس مش معنى الانتماء متل الي بحسو ل فلسطين

وشو الاشياء الي بحس بنقص فيها وبفتقده بالبلد الي مغترب فيه ؟

اولا الجامعات نئص مش عارفه نئص ولاكيف يعني هاي الكلمه بتنحكا ازا كان في شي ونئص بس هيا اصلا مافيها الا اكم من جامعه ومابئبلونا حالياً فتحو العربيه المفتوحه وياريتهم ماغلبو حالهم ..

ف بسبب هيك بنضطر نروح على البحرين متل حالتي

او الاردن اومصر ..

الحريه .. مابحكي عن الفياعه والفري الزياده

بس يعني اشي ومنو حرام هيك عل الدكانه مافيني اروح لحالي

احيانا بكون نفسي علكه ومافي حدا يجبلي وانا مابأدر اروح

محلاني يعني تخيلي باله والله مضاهره بتصير وراي



بأختصار مش متعودين يمكن السعوديين غير ومادخدين راحتم بس احنا نو

وكمان شووب ورطوبه لانو عنا بحر

ووو

مابنئدر نعبر عن راينا يعني بحرب غزه ماخلونا نعمل مضاهرات وضلينا مخنوئين عل الئليله بس نعمل مضاهره بنطلع الي بئلبنا


مو معنى هيكـ اني مابحبها فيها عرفت اعز ناس بئلبي

فيها عشت طفولتي

وبكيت وفرحت وكشرت ووو..

وفيها صار عندي شغلات اكيد لو انا بفلسطين ماكنت متخيله اشتريها .. يعني راحه ماديه الحمدلله

يعني السعوديه بئلبي

يسلمو

[Pink Rose]

اهلا وسهلا حبيباتي

نورتوا الموضوع والله ^^

ما ننحرم هالطلة :)